HATAHOLI 16:1 - Susula Malalaok Hehelu Palak Ma Hehelu Beuk

¹ Paulus la'ok nakandoo leo Derbe neu, de basa boema neu leo Listra. Nai ndia hapu Yesus hataholi mana tungan esa na'de Timotius. Inan hataholi Yahudi, fo namahele Yesus so; tehu aman hataholi Yunani.

HATAHOLI 16:1 ပူးပေါင်းရင်းမြစ်များ

EZRA 9:2

Hataholi Yahudi-la, ana toun-nala sao ina leoina fe'ek anafe'on-nala, nalosa Manetualain ana hehelin-nala, ta neuisik so'on. Lena-lenak manatao nakahuluk tataos ndia, nde basa lasi ha'dak-kala, ma manapaleta Israel-lala.

HATAHOLI 14:1

Paulus no Barnabas la'ola'di dede'ak matak esa nai Ikonium. Duas leu leo hataholi Yahudi la uma mamason dale leu de duas kokolak de kokola nala malole hiik, de nalosa hataholi Yahudi ma hataholi ta Yahudi makadotok lamahele Yesus.

HATAHOLI 14:21

Nai Derbe, Paulus no Barnabas tui-benga Hala Malole a, de hataholi ba'u ka lamahele Yesus. Basa ndia boema, duas fali leo Listra leu, de basa boema lakandoo leo Ikonium leu, de ala leo Antiokia, fo nai Pisidia.

HATAHOLI 14:6

Tehu hataholi nadedenu kala bubuluk dede'ak ndia de ala la'oheok leo Listra ma Derbe leu fo nde kota-kota manai Likaonia, ma kota manai boboa-kaisun nala.

HATAHOLI 17:14

Boema no lai-laik tolanook manai Berea la lo Paulus leo tasi su'u na neu, tehu Silas no Timotius soona, ala leo lahele leme kota ndia.

HATAHOLI 18:5

Silas no Timotius leme Makedonia mai de ala losa boema, Paulus pake basa failoan lala'ena fo ana tui-benga Manetualain dede'a-kokolan neu hataholi Yahudi la nae, Yesus nde Mane Mana Fe So'dak fo Manetualain helu ka.

HATAHOLI 19:22

Boema nadenu hataholi mana tulu-falin dua, fo Timotius no Erastus leu leo Makedonia leu, te ndia bei leo faik de'ubee dale na seluk nai propensi Asia.

ROMA 16:21

Au nonoong Timotius, ana haitua fe emi nate'ak boe. Leondiak boe, Lukius, Yason, ma Sosipater, fo sila bei leoina esa lo au.

1 KORINTUS 16:10

Metema Timotius ne'i soona, sipo kana no malole, fo ela ana leo no emi no namahokok, nana hataholi ndia sama leo au, fo naue-nale'di soaneu Lamatua ka boe.

1 KORINTUS 4:17

Hu ka nde dede'ak ndia de, au adenu Timotius ne'i. Da'dileo Kristus ana manatungan, Timotius ia sama leo au ana bongi susue-lalaing. Ndia hataholi esa hapu nananamahelek. Mahani te, neukose ana fe emi nasanene'dak la'eneu eno-dala maso'dak fo au tungan, nai lelek fo au amahele basa Kristus, fo nde eno-dala maso'dak fo au anolin neu salani kala esa-esak, ma su'di nai bee a mesan boe.

1 KORINTUS 7:14

Nana tou kamahehele ta ka, nandaa soaneu ana da'di Manetualain hataholi kamahehele nala ei liman, nana ana sao na inak fo mana da'di Manetualain nuun so. Leondiak boe, saoina kamahehele ta ka, nandaa soaneu ana da'di Manetualain hataholi kamahehele nala ei liman, nana ana sao na touk fo mana da'di Manetualain nuun so. Metema ta leondiak fa soona, tao leo bee o, ana nala sama leo ni'iana dinitiu, te se'kona ni'iana sila la, landaa dadi Manetualain hataholi kamahehele nala ei liman boe.

2 KORINTUS 1:1

Tolano-tolanook fo Manetualain hataholi kamahehelen manai Korintu sala, ma Manetualain hataholi kamahehelen manai Akhaya la, lala'ena lemin. Au, Paulus fo Kristus Yesus hataholi nadedenun, fo nanaso'uk tunga Manetualain hihii-nanaun, sama-sama no ita tolanoon Timotius,

2 KORINTUS 1:19

Nanahu Yesus Kristus fo Manetualain Anan, fo nananafa'dak neu emi neme Silas, Timotius ma neme au a, ta nde hataholi fo “Hei” ma “Ta.” Nasafali na, Ndia nde bee na natataa “Hei”, neme Manetualain mai.

FILIPI 1:1

Tolano-tolanook fo Manetualain hataholi kamahehelen fo lamahele neu Yesus Kristu sa, mauli-malangan, ma manatuli-fali hataholi kamahehelek manai Filipi la lemin! Au fo Paulus ma Timotius fo Kristus Yesus ata nala,

FILIPI 2:19

Au amahele no Lamatuak Yesus tutulu-fafalin de, no lai-laik au adenu Timotius ne'i, fo ana fe au halak la'eneu emi so'da ma soona, besa ka au dale nga tesa-tama.

KOLOSE 1:1

Tolano-tolanoo salanik manai Kolose la lemin! Emi ia, Manetualain salani mana lilinekan, ma emi boeo maso'da da'di esa moo Kristus so! Manetualain so'u basa au o Timotius da'di Kristus Yesus, ana mana tungan so, de ami dua mamahena ela leo bee na ita Aman Manetualain fe baba'e-papalak ma so'da-molek neu emi basa; basa mala.

1 TESALONIKA 1:1

Tolano-tolanook fo Amak Manetualain ma Lamatuak Kristus Yesus hataholi kamahehelen, manai Tesalonika la lemin! Ami fo nde: Paulus, Silas ma Timotius ami mamahena ela leo been-na, Manetualain fe baba'e-papalak ma so'da-molek neu emi.

1 TESALONIKA 3:2

ami madenu ita tolanon Timotius ne'i. Timotius ia, Manetualain malalau-maoonon esa, fo nalalau-naoono sama-sama no ami, soaneu ami tui-benga Hala Malole la'eneu Kristus. Ami madenu Timotius ne'i fo natetea-nahehele emi, fo ela emi boetai mamahele seluk neu Kristus.

1 TESALONIKA 3:6

Besak ia Timotius fali ma'in so de, nafa'da basa ami hala namahokok la'eneu, tao leo beek de emi mamahele Kristus, ma emi masue-malai ao. Nafa'da ami nae, emi mafandele ami tataas esa. Ma emi mahiik matongo mo ami, sama leo ami boeo, mahiik matongo moo emi.

2 TESALONIKA 1:1

Tolano-tolanoo salanik manai Tesalonika, fo Amak Manetualain ma Lamatuak Yesus salani nala lemin! Ami fo Paulus, Silas ma Timotius,

1 TIMOTIUS 1:18

Timotius, au ana ngonei! Au fe o bela ba'uk ia, nana au afandele nabi la, ala tui-benga Manetualain hala hehelu na, nai salani ka dalek, la'eneu o ao ina ma. Ela leo bee na, hala heheluk ndia, ana da'di tua-lepa nai o ue-le'di malolem ndia dalek.

2 TIMOTIUS 1:5

Au afandele o, nana o mamahele te'e-te'e neu Kristus, sama leo o beim Lois ma o inam Eunike, lamahele te'e-te'e boe. De au amahele o namahehele ma boeo, leondiak.

2 TIMOTIUS 3:11

O mita ala fepa-li'u au de, au doidoso so. O bubuluk basa, hata da'di au neme Antiokia, Ikonium, ma Listra so; ma o bubuluk basa, hu beek de au doi doso so. Tehu Lamatua ka, soi-tefa na au neme basa dede'ak sila la dalek mai.

FILEMON 1:1

Tolanoo Filmon fo ami nonoom ma ami tia-lai malalau-maoonom. Nate'ak neme ita tolanoon Timotius ma neme au, Paulus fo nanatahan, hu ka nde ita Lamatuan Yesus Kristus. Au sulak susulak ia fe emi,

IBRANI 13:23

Ela leo bee na emi bubuluk mae, ita tolanoon Timotius nanapo'ik neme bui dale mai so. Metema ana mai leo au mamanang ia mai soona, mahani te neukose au on nai lelek au ne'i donge-dama emi a.