HATAHOLI 15:36 - Susula Malalaok Hehelu Palak Ma Hehelu Beuk

³⁶ Beita doo bee boen te, Paulus nafa'da Barnabas nae, “Mai fo ata fali fo teu donge-dama basa tolanoo kamahehele kala nai basa kota-kota fo ita tui-benga Lamatua ka dede'a-kokolan, fo daenga ita bubuluk so'da nala tao leo beek so.”

HATAHOLI 15:36 ပူးပေါင်းရင်းမြစ်များ

ESTER 2:11

Tunga faik, Mordekhai la'o-la'o nai uma manek inak-ka so'dan-na, fo natane Ester so'dan-na leo beek, ma hataholi taon le'e so.

KELUARAN 4:18

Basa ndia boema, Musa fali ne'un leo aliaman Yitro uman neu, de nafa'dan nae, “Fe au loak fali leo Masir u, fo au u dama au tolanoong-ngala, ma au metes, ade bei laso'da do ta.” Yitro nafa'da Musa nae, “La'o no so'da-molek.”

MATEOS 25:36

Au papake-ngganggaong ta, boema emi fe Au papake-ngganggaok. Au amahe'di, boema emi puli mamo'do Au. Au nanahukuk, boema emi tulu-fali au.’

MATEOS 25:43

Au hataholi mana mai, te emi ta sipok Au nai emi umam fa. Au papake-ngganggaong ta, te emi ta fe Au papake-ngganggaok fa. Au amahe'di ma Au nai bui dale, te emi ta meu donge-dama Au fa.’

HATAHOLI 13:12

Lelek fo gobelno la nita manda'dik ndia boema namahele Yesus. Nana ana dodoo doak nanoli-nafa'dak la'eneu Lamatuak Yesus.

HATAHOLI 13:4

Hu ka nde Manetualain Dula Dale na nadedenu na, de Barnabas no Saulus leu leo Seleukia leu. Duas sa'e ofak leme ndia leo pulu Sipru sa leu.

HATAHOLI 13:51

Boema hataholi nadedenu kaduak sila la, ala sasapuheni daesopuk manai duas ei dale nala nai hataholi sila la matan, fo ana da'di neu nasanene'dak esa, boema duas la'o leo Ikonium leu.

HATAHOLI 14:1

Paulus no Barnabas la'ola'di dede'ak matak esa nai Ikonium. Duas leu leo hataholi Yahudi la uma mamason dale leu de duas kokolak de kokola nala malole hiik, de nalosa hataholi Yahudi ma hataholi ta Yahudi makadotok lamahele Yesus.

HATAHOLI 14:21

Nai Derbe, Paulus no Barnabas tui-benga Hala Malole a, de hataholi ba'u ka lamahele Yesus. Basa ndia boema, duas fali leo Listra leu, de basa boema lakandoo leo Ikonium leu, de ala leo Antiokia, fo nai Pisidia.

HATAHOLI 14:6

Tehu hataholi nadedenu kala bubuluk dede'ak ndia de ala la'oheok leo Listra ma Derbe leu fo nde kota-kota manai Likaonia, ma kota manai boboa-kaisun nala.

HATAHOLI 7:23

Lelek fo Musa teun hahulu boema, dale na nahiik nanseli neu nita ndia hataholi Israel nala, so'da nala tao leo beek so.

ROMA 1:11

Nana au ahiik anseli atongo o emi, fo ela ita taba'e Manetualain Dula Dale na, ma baba'e-babatin fo enok ndia, au tao atetea-ahehele emi.

2 KORINTUS 11:28

Fe'ek neme basa sila la mai, tunga faik au hela-hae neu basa salani kala maso'da na boe.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

1 TESALONIKA 3:6

Besak ia Timotius fali ma'in so de, nafa'da basa ami hala namahokok la'eneu, tao leo beek de emi mamahele Kristus, ma emi masue-malai ao. Nafa'da ami nae, emi mafandele ami tataas esa. Ma emi mahiik matongo mo ami, sama leo ami boeo, mahiik matongo moo emi.

2 TIMOTIUS 1:4

Au afandele o dale he'di ma. Hu ndia de, au ahiik alanseli, au atongo o, fo ela au amahoko te'e-te'e.