HATAHOLI 15:29 - Susula Malalaok Hehelu Palak Ma Hehelu Beuk

²⁹ boso mi'a nana'ak fo ala fen neu sosongo-tatangok; boso mi'a paa daa, boso mi'a bana nanafule nisak paa na, ma madook ao ma neme sosoa-piao ka mai. Metema emi madook ao ma neme basa dede'ak sila la mai soona, emi tao-no'i tatao-nono'im malole ndia so. Ba'u ka'da ndia. So'da-molek ba'eneu emi!”

HATAHOLI 15:29 ပူးပေါင်းရင်းမြစ်များ

KEJADIAN 9:4

Ka'da esa mesak-kana, nde o ta bole mu'a fan, fo nde paa bei madaak-ka, nana ani hahaek ndia, nai daak dale.

IMAMAT 17:14

Basa mahahaek lala'en-na, maso'dan-na nai daan dale, hu ndia de, Manetualain kena-ka'i leoina Israel-la, fo boso la'a daak. Ba'eneu hataholi see, fo ana tao tatao-nono'ik nananalulik ndia soona, ana ta da'di Manetualain anan-nala so'on.

LUKAS 9:61

Hapu hataholi fe'ek esa boeo nafa'da nae, “Ama, au nau tunga Ama, tehu fe au loak fali akahuluk soaneu ate'a au hataholi ngala dei.”

HATAHOLI 15:20

Tehu ita muse sulak fes susulak ma tanoli-tafa'das, fo daenga boso la'a nana'a sosongo-tatango manggenggeok sila la, do la'a bana nanafule nisak paa na, do la'a paa daa. Boema, fo ela ladook ao nala leme sosoa-piao ka mai.

HATAHOLI 18:21

Leomae leondiak boe, nai lelek fo ana sanga la'o boema nafa'das nae, “Metema Manetualain po'i soona, neukose au fali seluk leo ia mai.” Ana kokolak basa nae leondia boema, ana sa'e ofak de ana la'oela Efesus.

HATAHOLI 21:25

Tehu la'eneu hataholi ta Yahudi kamahehele basa kala soona, ami haitua fes susula nakeketu ka nae, ta bole la'a nana'ak fo ala fen neu sosongo-tatangok, ta bole la'a paa daa, ta bole la'a bana nanafule nisak paa na; ma ala ta bole sosoa-piao fa.”

HATAHOLI 23:30

Basa boema au hapu halak lae, hataholi Yahudi la lape'da dale mangalauk neun. Da'di au amanene tutika au haituan leo Ama Gobelno la mai. Ma au adenu hataholi mana kalaa kana fo lini sila kalaa na leo Ama mai.”

2 KORINTUS 11:9

Metema nai lelek ndia au to'a-taa soona, au beita tao susa ita emi hataholim esa boen. Tolano-tolanook fo manamaik leme Makedonia la mai a, sila nde tao latetu basa hata fo au paluu ka. Au anea matalolole fo ela au boso tao susa emi nai su'di dede'a bee ka dalek boen, ma neukose au anea akandoo fo ela dede'ak ndia nahele leondiak.

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

ULANGAN 12:16

Ka'da emi ta bole mi'a daan-na fa, po'ahenin leo dae lain neu, sama leo oe-a.

1 TIMOTIUS 5:22

Boso no lai-laik, o lalaa o lima ma neu hataholi esa langan lain, fo so'un da'di Lamatua ka malalau-maoonon. Metema hataholi fe'ek tao sala-singok soona, boso muu sese'dok nai sala-singok ndia dalek. Manea o ao ina ma fo ela malalaok nahele.

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.

1 YOHANIS 5:21

Ana ngala lemin! Madook ao ina mala neme sosongo-tatango kala mai.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.

NINITAK 2:20

Tehu Au akamu-akadau hata esa nai emi dalek fo nde: Emi tao dalek neu Izebel, inak fo ana manaku aoina na Manetualain hataholi nadedenun ndia. Ana tipu-dai na Au atang ba'u ka so, ma anolis fo ala hohonge ma la'a nana'ak fo nanafe basak neu sosongo-tatango ka.