HATAHOLI 15:22 - Susula Malalaok Hehelu Palak Ma Hehelu Beuk

²² Boema hataholi nadedenu kala ma Penatua-penatua la lo basa hataholi salani kala, ala ho'i nakeketuk fo ala hele la sila hataholin de'ubee fo ladenus sama-sama lo Paulus ma Barnabas leo Antiokia leu. Boema ala hele Silas no Yudas fo loken soona lae, Barsabas boe. Hataholi kaduak ia la nde bee soona, hataholi nananita-nalelak nai hataholi kamahehelek manai Yerusalem ma dalek.

HATAHOLI 15:22 ပူးပေါင်းရင်းမြစ်များ

2 SEMUEL 3:36

Laun-na lamanene dede'ak ndia, boema lamahoko. Memak, Mane Dauk-ka tao su'di beek-ka soona, taon-na laun-na dalen-nala lamahoko.

2TAWARIKH 30:12

Nai Yehuda boeo Manetualain tao-no'i de laun-na dalek esa soaneu tunga te'e-te'e neu Manetualain hihii-nanaun nenik ala tunga manek-ka ma hataholi mana'a ngga'din-nala paletan-na.

HATAHOLI 1:23

Boema hataholi manai sila la ala fe hataholi dua, fo nde Yusuf fo nasi'a loken soona lae, Barsabas (ma nasi'a lae Yustus boe) boema Matias.

HATAHOLI 11:19

Ala taolisa Stefanus boema, ala usi neu mai lo hataholi kamahehele kala, de nalosa ala tapasasala leo basa mamanak lala'ena leu. Nggelok lalai losa Fenisia, ma nggelok losa Siprus ma Antiokia. Ala tui-benga Manetualain dede'a-kokolan neu ka'da hataholi Yahudi la.

HATAHOLI 11:20

Tehu nai hataholi kamahehelek sila la dalek, fo hataholi maleme Siprus ma Kirene mai a, sila de'ubee leu leo Antiokia leu, fo ala tui-benga Hala Malole la'eneu Lamatuak Yesus neu hataholi ta Yahudi la boe.

HATAHOLI 11:22

Manda'dik sila la tutui na, ana losa hataholi salanik manai Yerusalem mala. Boema ladenu Barnabas neu leo Antiokia neu.

HATAHOLI 11:27

Nai lelek ndia, hapu nabi de'ubee leme Yerusalem leo Antiokia leu.

HATAHOLI 15:23

Ala fe hataholi fo ladenuk sila la, lini susulak esa boe. Susulak ndia lii na nae leo ia, “Neu basa tolano-tolanook maneme leoina fe'ek fo ta hataholi Yahudi mana leo nai Antiokia, Siria, ma Kilikia. So'da-molek neme ami, fo Lamatua ka hataholi nadedenu nala, ma Penatua-penatua fo emi tolanoo mala.

HATAHOLI 15:25

Hu ndia de ami makokolaok, de basa-basas lakaheik boema, ami hele ma hataholi de'ubee fo ami madenus le'i. Sama-sama lo ita tolanoon Barnabas ma Paulus fo ami sue-lai ka.

HATAHOLI 15:27

Da'di, ami madenu Yudas no Silas le'i fo lafa'da matan emi, halak fo nanasulak nai susulak ndia dale ka.

HATAHOLI 15:3

Hataholi salanik Antiokia la los losa kota deak boema, ala la'ok tunga Fenisia ma Samaria. Nai naa ala tuis, tao leo beek de hataholi ta Yahudi la fe so'da nala leo Manetualain neu. Halak ndia tao na hataholi kamahehelek manai sila la, lamahoko lanseli

HATAHOLI 15:30

Latete'aok basa boema hataholi fo ladenuk sila la, ala la'o leo Antiokia leu. Ala losa boema, lalo lakabubua basa hataholi salani kala de ala fe susula ka neu.

HATAHOLI 15:32

Yudas no Silas nde bee na nabi boe. Ala kokolak doo na seli lo tolanoo kamahehelek manai Antiokia sila la, fo latetea-laheheles, ma ala fes napalanik.

HATAHOLI 15:40

Ma Paulus nalo na Silas de tolanook manai Antiokia la hule-haladoi basa fe duas boema, duas la'o leona.

HATAHOLI 16:19

Lelek fo inak ndia malanga nala lame'da nana, sila fai loan fo ala hapu doi ka mopon boema, ala ho'u la Paulus no Silas de ala lele'a-lolosos leu lataa mana paleta la fo ala palisa kasa.

HATAHOLI 16:25

Fafa'kama fatila'da boema, Paulus no Barnabas hule-haladoi ma lakamee koa-kio Manetualain. Hataholi nanahuku fe'e kala lamanene duas lakamee.

HATAHOLI 16:29

Boema malanga bui noke banuk de nalai leo dalek neu. Ana bala neu Paulus no Silas mata na ma ana dele ngge'be-ngge'be.

HATAHOLI 17:10

Le'odaek ndia, hataholi kamahehelek manai kota ndia, ladenu Paulus no Silas leu leo Berea leu. Ala losa naa boema, leu leo hataholi Yahudi la uma mamason dale leu.

HATAHOLI 17:14

Boema no lai-laik tolanook manai Berea la lo Paulus leo tasi su'u na neu, tehu Silas no Timotius soona, ala leo lahele leme kota ndia.

HATAHOLI 17:4

Hataholi de'ubee lamahele, boema ala tunga Paulus no Silas. Leondiak boe, hataholi Yunani mana bii Manetualain makadotok nan seluk bai.

HATAHOLI 18:5

Silas no Timotius leme Makedonia mai de ala losa boema, Paulus pake basa failoan lala'ena fo ana tui-benga Manetualain dede'a-kokolan neu hataholi Yahudi la nae, Yesus nde Mane Mana Fe So'dak fo Manetualain helu ka.

HATAHOLI 8:14

Hataholi nadedenuk manai Yerusalem-mala lamanene hataholi Samaria la sipok Manetualain dede'a-kokolan so, boema ladenu Petrus no Yohanis leu leo naa leu.

2 KORINTUS 1:19

Nanahu Yesus Kristus fo Manetualain Anan, fo nananafa'dak neu emi neme Silas, Timotius ma neme au a, ta nde hataholi fo “Hei” ma “Ta.” Nasafali na, Ndia nde bee na natataa “Hei”, neme Manetualain mai.

1 TESALONIKA 1:1

Tolano-tolanook fo Amak Manetualain ma Lamatuak Kristus Yesus hataholi kamahehelen, manai Tesalonika la lemin! Ami fo nde: Paulus, Silas ma Timotius ami mamahena ela leo been-na, Manetualain fe baba'e-papalak ma so'da-molek neu emi.

2 TESALONIKA 1:1

Tolano-tolanoo salanik manai Tesalonika, fo Amak Manetualain ma Lamatuak Yesus salani nala lemin! Ami fo Paulus, Silas ma Timotius,

1 PETRUS 5:12

Au tolanoo salaning Silas fo mana lilinekak ndia, nde tulu-fali au de, au sulak fe emi susula keke'u anak ia. Au hii fe emi manggatek, ma au nau emi mamahele, hata fo au sulak ia, nde bee na hala ndoos la'eneu Manetualain susue-lalain. Fo ela leo bee na, emi ho'u mahehele neu susue-lalaik ndia.