HATAHOLI 15:18 - Susula Malalaok Hehelu Palak Ma Hehelu Beuk

¹⁸ fo nafa'da basa dede'ak ndia, neme makahulun eli mai so.”

HATAHOLI 15:18 ပူးပေါင်းရင်းမြစ်များ

YESAYA 44:7

See kande, sama leo Au? Madenun leona, fo ana manaku! Nemen-na fo, ana nafa'da, ma ana fe Au buti! See nafa'da ela so, la'eneu tepo lelek manamaik-ka, neme tepo lelek makasososak-ka, losa tepo lelek mate'ek-ka?

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

AMOS 9:12

Hataholi Israel-la neukose ala koasa bei ela nusa Edom-ma boema basa leoina fo makahulun-na Au nuung. Au, Manetualain, kokolak basa so, de neukose Au tao atetu dede'ak ndia.”

ZAKHARIA 14:7

Nai faik ndia, ta hapu makahatuk so'on. Neukose faik ndia, mangale'dok nahele, ma boeo nai fai le'odaen-na. Tehu ka'da Manetualain mesak-kana, nde bubuluk, faihi'da faik ndia losa.

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

MATEOS 13:35

No enok ndia, hata fo nabi la lafa'da basa ka ana da'di nae, “Metema Au kokolak o hataholi sila la soona, Au pake nakandandaak; neukose Au tui-benga dede'a nananafuni kala, mulai neme daebafak ia dada'di na mai.”

MATEOS 25:34

Basa ndia soona, Manek ndia nafa'da basa hataholi manai boboa kona na nae, ‘Mai leon emi fo Au Amang ba'e-pala kala lemin! Masok leo nusak fo nanasadiak soaneu emi, ndek daebafa ka da'di makasososa na.

HATAHOLI 17:26

Neme ka'da hataholi esa mesa kana de nakadada'dik basa leoina lala'ena, boema nadenus fo ala leo lai basa daebafa ka lala'ena. Ndia boeo nde mana naketu basa neme makasososan mai a, faihi'da, ma nai bee, hataholi daebafa ka bole naso'da.

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.

EFESUS 1:4

Lelek fo daebafak ia beita nananakada'dik fa te, Manetualain hele basa ita tunga Kristus no dudu'ak, fo ela ita da'di Ndia nuu hehelin, ma sala-singok tak nai mata na. Hu ka nde, Manetualain susue-lalain

EFESUS 3:9

ma boeo, fo ela tunga au fo, basa hataholi la bubuluk, tao leo beek de Manetualain fo mana makadada'dik lalai a no daebafa maloa ia, Ana tao-no'i dale tutu'un fo, neme makahulun eli mai a, nananafunik soaneu daebafa ka.

2 TESALONIKA 2:13

Tolano-tolanook fo Lamatua ka sue-lai ka lemin! Ami muse moke makasi makandoo neu Manetualain soaneu emi, nana neme makasososa na mai, Manetualain hele basa emi, fo Ana soi-tefa na emi. Dede'ak ndia ana da'di neme hata fo, Manetualain Dula Dale na tao-no'in neu emi, fo Ana tao emi da'di Manetualain hataholi kamahehelen fo malalaok, ma hu ka nde emi mamahele hala ndoos, fo maneme Manetualai na mai.

1 PETRUS 1:20

Manetualain hele Kristus, te daebafak ia, nananakadada'di beitak. Ma nai faik-faik fo le'do-fai a sanga basan ia, Ana mai leo daebafa ka mai, fo daenga Ana soi-tefa na emi.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 17:8

Bana ndia makahulu na naso'da hai so, tehu besak ia ta naso'da so'on. Ba'ihanak seluk faa bai te, neukose ana kalua neme faka mamates dale mai, fo nasasale matak no momopo-mamate sa. Hataholi fo laso'da nai daebafa ka, fo na'de nala ta nanasulak nai Susula Hataholi Maso'da ka dalek te daebafak ia beita nananakadada'dik fa, neukose ala dodoo doa kana, metema lita bana ndia. Nana bana ndia makahulu na naso'da hai so. Besak ia ta naso'da so'ok, tehu neukose ana to'da mai seluk.