HATAHOLI 14:22 - Susula Malalaok Hehelu Palak Ma Hehelu Beuk

²² Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

HATAHOLI 14:22 ပူးပေါင်းရင်းမြစ်များ

YESAYA 35:3

Matetea-mahehele lima tapandoes-sa, Taom-matea lungulanga manadelek-ka.

MATEOS 10:38

Ma hataholi fo ana ta nau lu'a ai nggange na, fo ana tunga Au fa soona, hataholi ndia ta nandaa da'di Au ana mana tungang fa.

MATEOS 16:24

Basa boema Yesus nafa'da ana mana tunga nala nae, “Hataholi fo ana nau tunga Au soona, muse nafandele heni basa ndia paluun lala'ena fo ana lu'a ai nggange na, ma ana tunga nahele Au.

MATEOS 19:24

Ma Au afa'da seluk dede'ak esa ia neu emi nae leo ia; mu'dak la'iesa kana onta esa masok tunga ndandau ka bolo na, neme hataholi kamasu'ik esa, ana masok leo Manetualain Daebafa Beun dale neu.”

MARKUS 10:30

soona, neukose hataholi ndia sipo lena ba'u ka, nai lelek besak ia. Neukose ana hapu didikuk la'i natun esa, de'u lena uma, tolanoo toun, tolanoo inan, inan, ni'iana la, ha'deoe, tina osi, leomae neukose ana hapu doidosok boe. Ma neukose nai le'do fai mana mai ka te, neukose hataholi ndia sipo so'da matetu ka ma mana ketu basa ta ka.

MARKUS 9:47

Makanaema o mata ma nini sala-singok fe o soona, e'do heni matak ndia! Malole lenak o masok Manetualain Daebafa Beu na no o matam seli, neme o nanatapak leo tasi ha'ik dale neu, no o matam duas.

LUKAS 24:26

Ade Mane Mana Fe So'da ka muse Ana la'ola'di nakahuluk basa doidosok sila la, fo besa ka nanatao nandela-nasa'ak do ta?”

YOHANIS 15:18

“Makanaema daebafa ka nakamu-nakadau emi soona, mafandendelek te, daebafa ka nakamu-nakadau nakahuluk Au so.

YOHANIS 15:20

Mafandendelek hata fo Au afa'da basan neu emi ae, ‘Ata ta ba'u lenaheni lamatua na fa.’ Metema ala fepa-li'u basa Au soona, neukose ala fepa-li'u emi boe. Metema ala tunga Au nanoli nga soona, neukose ala tunga emi nanoli ma boe.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

YOHANIS 3:5

Boema Yesus naen nae, “Au dede'ang ia, tete'e ka la'en: metema ta bongi nasafali hataholi a neme oe ma Manetualain Dula Dale na mai fa soona, Manetualain hataholi kamahehelen ta hataholi ndia fa.

HATAHOLI 11:23

Ma lelek Barnabas losa naa de nita Manetualain ba'e-pala tao hataholi sila la tao leo beek, boema namahoko nanseli. Boema nokes fo ela te'e-te'e ala lilineka neu Lamatua ka no dale katematuak.

HATAHOLI 11:26

Ana hapun boema non leo Antiokia neu, de duas leo lakabubua lo hataholi salanik manai naa la teuk esa dale na, boema duas lanoli hataholi makadotok. Nai Antiokia ndia nde ala foi hataholi kamahehele kala na'de, Hataholi Salanik.

HATAHOLI 11:29

Boema basa Yesus hataholi mana tungan sila la, lalahalak fo ala haitua fe basa tolanook manai Yudea la tutulu-fafalik. Sila esa-esak haitua tunga hahapu na.

HATAHOLI 13:43

Hataholi sila la kalua leme uma mamasok dale mai boema, hataholi Yahudi la lo leoina fe'ek fo mana masok agama Yahudi a ala tunga Paulus no Barnabas. Boema Lamatua ka hataholi nadedenun kaduak sila la lanoli-lafa'das, fo daenga lamahena lakandoo neu ka'da Manetualain susue-lalain.

HATAHOLI 14:20

Tehu nai lelek fo hataholi kamahehelek manai sila la lapadeik okofeo lan boema, ana fo'a de ana masok fali leo kota dale neu. Balahaa boema, Paulus no Barnabas fali leo Derbe leu.

HATAHOLI 14:28

Paulus no Barnabas leo doo ka lo hataholi kamahehelek manai kota ndia.

HATAHOLI 15:32

Yudas no Silas nde bee na nabi boe. Ala kokolak doo na seli lo tolanoo kamahehelek manai Antiokia sila la, fo latetea-laheheles, ma ala fes napalanik.

HATAHOLI 15:41

Ala la'ok okofeo Siria ma Kilikia de latetea-lahehele hataholi salanik manai naa la.

HATAHOLI 18:23

Ana leo faik de'ubee neme ndia boema, ala la'o seluk de neu donge-dama hataholi salanik manai nusa Galatia no Frigia, fo natetea-nahehele hataholi kamahehelek sila la namahehele nala.

HATAHOLI 6:7

No enok ndia, Manetualain dede'a-kokolan boetai namaloa ka, ma hataholi mana tunga Yesus manai Yerusalem-mala boetai lamba'u ka. Ma imam ba'u ka lamahele Yesus.

HATAHOLI 9:16

Ma Au atu'dun basa doidosok fo muse ana la'ola'din, nanahu Au.”

ROMA 8:17

Naa, metema ita ia Manetualain anan soona, ita nde hapu hata-heto nala, boema ita nde sipo baba'e-papalak fo Ana sadia basan soaneu ana nala. Neukose Kristus ba'e fe ita Ndia hata-heton boe; nana metema ita doidoso to Kristus soona, neukose ita tandela-tasa'a ton boe.

1 KORINTUS 1:8

Neukose Kristus nde nanea matan emi losa mate'e na; fo ela nai lelek Ana falima'in te, Ana ta hapu na emi masala-masingok fa.

FILIPI 1:29

Nanahu Manetualain fe basa emi baba'e-babatik, fo ta soaneu ka'da mamahele neu Kristus fa, te soaneu emi doidoso, ba'eneu Kristus boe.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

1 TESALONIKA 3:13

No enok ndia, neukose Lamatua ka natetea-nahehele emi dale ma, fo emi da'di malalaok, ma emi ta masala-masingo nai ita Aman Manetualain matan, nai lelek fo ita Lamatuan Yesus, Ana mai no basa hata fo ana da'di Ndia nuu nala.

2 TIMOTIUS 1:8

Hu ndia de, o boso bii-mae da'di sakasii la'eneu ita Lamatua na neu su'di see a, ma boeo boso bii-mae malelak au fo, hataholi nanahukuk, hu ka nde Lamatua ka. Te ela leo bee na, no Manetualain be'ibalakain de, o doidoso soaneu Hala Malole ndia.

2 TIMOTIUS 3:12

Memak basa hataholi fo laso'da tunga ndo na, ma laso'da lo Kristu sa, neukose ala hapu fefepa-lili'uk,

1 PETRUS 2:21

Hu ka nde dede'ak ndia, de Manetualain nalo emi. Nana Kristus boeo, Ana doidoso soaneu emi, de no enok ndia, Ana fe emi natutu'duk esa, fo ela emi tunga ei tatabun ndia.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

1 PETRUS 5:9

La'ban nitu a ninik namahehele matea-mahelek, nana emi bubuluk, nai basa daebafa ka lala'e na, tolanoo Salani fe'e kala boeo, ala doidoso sama leo emi boe.

2 PETRUS 1:11

No enok ndia, neukose emi hapu hak matetuk soaneu masok leo Lamatuak fo ita Mane Mana Fe So'dan, Yesus Kristus nusa mana ketu basa ta na dalek meu.

YUDAS 1:3

Tolano susue ngala lemin! Au ahiik alanseli, sulak fe emi susulak la'eneu so'da-molek fo, ita basa-basa tala la'ola'din so. Tehu besak ia, au dodoo ae, au muse anoli-afa'da emi tunga susulak ia, fo emi ho'u mahele namahehelek fo Manetualain fe basan neu hataholi kamahehele nala, ka'da la'i esa, losa dodoo na.

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.