HATAHOLI 14:17 - Susula Malalaok Hehelu Palak Ma Hehelu Beuk

¹⁷ Tehu Ana ta nafandeleheni fe buti la'eneu aoina na, fo nde Ana tao malole. Ana fe emi u'dan neme lalai mai, fo dae-oe laisi-lamina, la'e fai na. Ana fe emi nana'a-nininuk fo nandaa no emi dale ma.”

HATAHOLI 14:17 ပူးပေါင်းရင်းမြစ်များ

1RAJA-RAJA 18:1

Basa faik de'ubee dalen-na fo nai fai hanas ndia teuk-ka telun-na, Manetualain nafa'da Elia nae, “Muu mataa Mane Ahab-pa, nanahu ta dook-ka so'on te neukose Au fe u'dan-na leo daebafak-ka neu.”

NEHEMIA 9:25

O anam-mala langatuu-la kota musu-la dae maoe-maisik, ma uma henuk no su'i-betes. Ala besla-la oedolu-la, ma oemata-la. Osi anggol, ai setun ma ai boa fe'e-fe'ek-kala. Laao nanahu la'a-linu su'di bebe'ik-ka. Lame'da O baba'e-babati malolem lala'en-na.

AYUB 36:31

Enon-na nde ndia, Ana fe maso'dak, neu leoina-na, ma Ana fe nana'a-nininuk manasasi kao-kaok-ka.

AYUB 37:6

Hu kande paletan-na, de salju-a tu'da leo daebafak-ka mai; ma hu kande nadedenun-na, de u'daina, ana mai.

AYUB 5:10

Ana fe u'dan leo daebafak-ka mai, nalosa tina, ma mook-kala hapu oe.

MAZMUR 145:9

Manetualain ndia, malole neu basa hataholi lala'ena, ma Ana sue-lai basa lima tataan-na.

MAZMUR 4:7

Hataholi makadotok latane lae, “See nde, neukose ba'e-pala ita?” Ou Manetualain, ela leo bee-na, O dalem-ma, nahiik no ami.

MAZMUR 52:1

Soaneu mauli-malanga nakameek. Dauk nakamee nanolin-na,

YESAYA 22:13

Tehu nasafalin-na, emi mamahoko-setelee ma feta-dote. Emi do'do sapi ma bi'ilopo fo emi mi'a paa ma minu angol, boema emi maloo bou-bou mae, “Mai fo ata ta'a ma tinu, nana balahaa te ita mate so!”

YESAYA 40:21

Masa bole, o ta bubuluk, ma ta mamanene, ma o ta hapu halak neme makahulun-na mai fa? Masa bole, o ta bubuluk neme makasososan mai, daebafak-ka dada'din makasososan-na leo beek fa?

YESAYA 5:6

Neukose Au po'ilotak na'u-aiana moli lai dalek. Au ta ta'ti heni angol-la huun-na fa, ma neukose Au ta te'te na'un-na fa. Nakalenak, Au po'ilotak makatemak dila-nggauk ma na'u-la, moli lahenu dalek. Lena-lenak, Au kena-ka'i ko'a u'dak-kala, fo boso fen u'dan.”

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YEREMIA 5:24

Emi ta mafandele mita, fo fe ha'da-holomata neu Au boen, te se'kona Au nde fe u'dan-na, nau nai makasososan-na, do nai mate'en-na boe. Au boeo nde fe emi, fai keketu-kokoluk, tunga teun.

YESKIAL 34:26

Neukose Au fes baba'e-papalak, ma Au fes loak, fo ala leo lai Au pupuku malalao-malalafung-nga, boboa-kaisun. Metema ala paluu u'dan soona, neukose Au fes.

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

IMAMAT 26:4

soona, neukose Au akona u'dan-na mai, nandaa no fain-na, nalosa dae fe buna-boan ma ai-la laboa.

MATEOS 5:45

fo ela emi Amam manai nusa so'da ka, Ana tao emi da'di Ndia anan. Nanahu Manetualain sue-lai hataholi malole a ma hataholi mangalau ka boe. Ana fe hataholi mana tao ndo sa ma hataholi mana tao mangalau ka u'dan no'u-no'u.

LUKAS 6:35

Tunga ndo na ta leondiak fa! Nasafali na, emi muse sue-lai emi musu no ma, ma tao malole neus. Emi muse fe hataholi tona emi hatam, ma boso mamahena hapu fali kana. Metema leondiak soona, neukose emi ngga'di ma matua ina, ma neukose emi da'di Manetualain Fo Mademaina, ana nala. Nana Manetualain dale na malole neu hataholi fo ta noke nalelak makasi ma neu hata fo mangalau ka boe.

HATAHOLI 14:18

Tehu hataholi makadotok sila la, ta lamanene hataholi nadedenuk sila la dede'a-kokolan fa, te ka'da ala tunu-hotu tutunu-hohotuk fe duas.

HATAHOLI 17:26

Neme ka'da hataholi esa mesa kana de nakadada'dik basa leoina lala'ena, boema nadenus fo ala leo lai basa daebafa ka lala'ena. Ndia boeo nde mana naketu basa neme makasososan mai a, faihi'da, ma nai bee, hataholi daebafa ka bole naso'da.

ULANGAN 11:14

Metema eni tao leondiak, soona la'e fain-na te, neukose Manetualain fe emi daem-ma, u'dan nai lelek emi ketu-kolu basa, ma nai lelek emi mulai sele-nggali. Soona, neukose emi hapu gandum, angol ma mina setun, dai emi mi'a-pake,

ULANGAN 28:12

Neukose tunga teuk, Manetualain fe u'dan-na mai nandaa no fain-na. Neukose Ana fe baba'e-papalak neu emi ue-le'dim lala'en-na, nalosa leoina makadotok, ala mai tona-asa nai emi, tehu emi ta bole fes ala tona-asa fa.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.