HATAHOLI 13:6 - Susula Malalaok Hehelu Palak Ma Hehelu Beuk

⁶ Ala la'ok lafeo pulu ndia, losa Pafos. Ala losa naa boema, duas latongo lo hataholi Yahudi esa na'de Bar Yesus. Hataholi ndia mana suangi mangalauk. Nafa'da aon nae, ndia nabi boe.

HATAHOLI 13:6 ပူးပေါင်းရင်းမြစ်များ

1RAJA-RAJA 22:22

Manetualain natane nae, ‘Eno na tao leo beek?’ Dula dalek ndia nataa nae, ‘Neukose au u fo au tao a basa Ahab nabi nala lasapepeko-lasandandali.’ Manetualain nae, ‘Hei, taon leona, neukose o hapu fufu'di man.’ ”

1 TAWARIKH 10:13

Saul maten nanahu ana ta lilineka neu Manetualain, ma ana ta tunga paletan-nala fa. Ana ta noke natutu'duk neme Manetualain mai fa, te noke neme hataholi manamatek-kala dula dalen-na mai. Hu ndia de, Manetualain hukun, de Ana fe kandela manen-na neu Dauk fo Isai anan-na.

KELUARAN 22:18

Inak bee siula-tongono soona, muse taonisan.

IMAMAT 20:6

Hataholi fo neu sanga malelak nai hataholi malelak, fo ana kokolak no hataholi manamatek samanen soona, neukose Au hukun, ma Au ta sipok-kana da'di Au anang so'on.

ZAKHARIA 13:3

Ma metema, bei hapu hataholi fo nafa'da nae ndia naduku-nalosak hala heheluk soona, aman no inan nde lafa'dan lae, ndia muse nanahukunisak, nana hata fo ana kokolak-kana ndia nde bee-na, pepekok. Metema ana manaku nahele aoinan-na nabi boe, soona neukose aman no inan nde pau lisan-nana.

MATEOS 16:17

Boema Yesus naen nae, “O maua-manale manseli Simon, fo Yona anan! Nana hataholi daebafak ta nde nafa'da dede'ak ndia neu o fa, tehu Au Amang manai nusa so'da ka.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

MARKUS 10:46

Yesus no ana mana tunga nala losa Yerikho de basa boema ala la'oela kota ndia, sama-sama lo hataholi makadotok. Ndia te hataholi pokek esa nangatuuk nai enok fo ala tunga ndia su'u na, fo noke su'di bee ka neme hataholi manala'ok tunga ndia. Hataholi ndia na'de Bartimeus, fo Timeus anan ndia.

HATAHOLI 13:13

Paulus no nonoo nala sa'e ofak leme Pafos leo Perga, fo nai Pamfilia. Ala losa ndia boema, Yohanis Markus la'oelas de ana fali leo Yerusalem neu.

HATAHOLI 13:8

Tehu Elimas fo tou mana suangik ndia, ana la'ban Barnabas no Saulus, nana Elimas (fo na'de Yunani na nde ndia) ana sanga enok fo boso nalosak gobelnol ndia namahele Yesus.

2 KORINTUS 11:13

Hataholi leo sila kala nde bee na, hataholi nadedenu pepekok. Sila manaso'u belak manatipu-dai hataholi mata memete na ninik ala tao aoina nala nalupa leo Kristus hataholi nadedenu nala.

2 TIMOTIUS 3:8

Sama na leo Yanes no Yambres, fo makahulu na ala lena-la'ban Musa, leondiak boe, hataholi sila la ala lena-la'ban Manetualain nanoli nala. Dudu'a-aafi nala nalutus, ma namahehele nala boeo, kou mosa so.

1 YOHANIS 4:1

Tolano susue-lalai ngala lemin! Boso mamahele basa hataholi fo ala manaku lae, sila lanuu Manetualain Dula Dale na so, tehu so'ba su'dik, ade sila dula dalen ndia, tete'e ka Manetualain Dula Dalen ndia do ta. Nana besak ia, nabi pepekok makadotok lafeomeok lai basa mamanak lala'ena so.

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.