HATAHOLI 13:31 - Susula Malalaok Hehelu Palak Ma Hehelu Beuk

³¹ Basa boema, tunga-tunga faik Ana mai fo natu'du aoina na neu hataholi fo ala la'ok lon neme Galilea leo Yerusalem leu. Hataholi sila nde besak ia, ala da'di sakasii soaneun, ba'eneu leoina Israe la.

HATAHOLI 13:31 ပူးပေါင်းရင်းမြစ်များ

MATEOS 28:16

Yesus ana mana tunga kasanahulu esa nala, leu leo pupukuk esa nai Galilea, fo nandaa no Yesus hala hehelun neu sila.

LUKAS 24:48

Emi ia nde da'di sakasii neme basa sila lala'ena mai.

YOHANIS 15:27

Boema emi boeo muse fe sakasii la'eneu Au, hu ka nde emi sama-sama mo Au, neme makasososa na mai so.

HATAHOLI 1:11

boema lafa'das lae, “Hai, hataholi Galilea la lemin, tao le'e de emi mapadeik meu ndia de emi manganalo leo lalai meu? Yesus fo emi mitan nanaso'uk leo nusa so'da ka neme emi matam mai ndia, neukose Ana fali ma'i selu kana leondiak, sama leo na'ka sa emi mitan ndia boe.”

HATAHOLI 1:3

Mate basan de naso'da falik boema, nai faik hahulu dale na, nasi'a natu'du aoina na no le'do-le'dok neu hataholi nadedenu nala nae, tete'e ka naso'da falik so. Hataholi nadedenu nala litan de Ana kokolak nos la'eneu Manetualain Ana paleta leo Mane ka.

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

HATAHOLI 10:39

Ami ia nde mita matam basa hata fo Ana taon nai hataholi Yahudi la ma Hataholi Yerusalem mala nusa na. Tehu nai naa, ala lona nggangen, ma ala taolisan.

HATAHOLI 10:41

Ta natu'dun neu basa hataholi lala'ena fa, te ka'da neu ami fo Manetualain hele basa nakahulu kala soaneu ami da'di sakasii na. Ami mi'a-minu mon nai lelek fo naso'da falik neme mamate sa mai.

HATAHOLI 2:32

Yesus ia, nde Manetualain tao naso'da fali kana neme mamate sa mai. Fo ami basa-basa mala ia, nde sakasii matam dede'ak ndia.

HATAHOLI 3:15

Boema tolanoo kala taomisan, te see ko na Ndia nde maso'da ka huu na, ba'eneu basa hataholi lala'ena. Tehu Manetualain tao naso'da fali kana neme mamate sa mai so. Ami nde sakasii matam dede'ak ndia.

HATAHOLI 5:32

Ami nde sakasii basa dede'ak sila la, ami ma Manetualain Dula Dale na boe, fo Manetualain fen neu basa hataholi mana tunga paleta na.”