HATAHOLI 13:22 - Susula Malalaok Hehelu Palak Ma Hehelu Beuk

²² Manetualain kekoheo kana neme kandela nangatutuu na mai boema, Manetualain so'u fes Dauk da'di sila manen. Ma hu ka nde dede'ak ia de Manetualain kokolak la'eneu Dauk nae, ‘Au bubuluk basa Dauk fo Isai anan ndia, nandaa no Au dale nga. Ndia nde hataholi fo neukose ana tao-no'i Au hihii-nanau nga.’

HATAHOLI 13:22 ပူးပေါင်းရင်းမြစ်များ

2 SEMUEL 2:4

Basa boema, hataholi Yehuda-la mai leo Hebron mai, de ala ndo-ei Dauk da'di manek neu Yehuda. Lelek Dauk namanene, lae hataholi Yabesh manai Gilead-tala, latoi heni Saul popolan-na so boema,

2 SEMUEL 7:15

Tehu, neukose Au ta tao mangalauk neu fan, nandaa no Au hehelu-balataang. Neukose, Au ho'u ahele Au hehelu-balataang soaneun, de ta sama leo Au taon neu Saul, fo Au keko heok-kana neme kandela nangatutuun lain mai, fo ela o bisa da'di manek.

2 SEMUEL 7:8

Hu ndia de, Natan, muu mafa'da Au atang Dauk, mae Au, Manetualain Fo Manakoasa, nafa'da nae, ‘Au hele basa o, neme o ue-le'dim fo manafoo bi'ilopo neme mook-ka, de Au so'u o, da'di manek neu Au anang Israel.

1RAJA-RAJA 15:3

Abiam tao sala-singok sama leo aman. Ana ta lilineka no dalek-katema tua na neu Amak, fo Manetualain na fa, ndia fe'ek no Dauk fo ba'i nelu na.

1RAJA-RAJA 15:5

Manetualain tao dede'ak ndia hu kande Dauk tao namahoko dalen-na so. Ta la'iesa boen fo Dauk la'olena Manetualain paletan-nala fa, ta'da fe'e nai Uria fo hataholi Het ndia, dede'a na dalek.

1 TAWARIKH 10:13

Saul maten nanahu ana ta lilineka neu Manetualain, ma ana ta tunga paletan-nala fa. Ana ta noke natutu'duk neme Manetualain mai fa, te noke neme hataholi manamatek-kala dula dalen-na mai. Hu ndia de, Manetualain hukun, de Ana fe kandela manen-na neu Dauk fo Isai anan-na.

1 TAWARIKH 2:12

Obed Isai.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

YEREMIA 33:21

Leondiak boe Au helu basa neu Au atang Dauk so, ae, neme ndia tititi-nonosin mai-a neukose hapu nahele hataholin esa fo ana da'di manek; ma Au tao basa heheluk neu imam-mala fo Lewi tititi-nonosin-nala ae, neukose sila lalalau-laoono Au lahele. Heheluk sila-la ta hapu lose heni fan.

YEREMIA 33:26

leondiak boe neukose Au ho'u ahele Au hehelung-nga neu Yakob tititi-nonosin ma neu Au atang Dauk. Neukose Au hele-a hataholi esa neme Dauk tititi-nonosin-na soaneu ana paleta Abraham, Isak, ma Yakob tititi-nonosin. Neukose Au sue-lai an seli neu Au anang-ngala, ma Au tao-a so'dan-nala latetu seluk.”

YESKIAL 34:23

Neukose Au so'u manek esa, fo sama-na leo Au atang Dauk, soaneu ana da'di sila manafoo kisan-na, fo nakabobois.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

HATAHOLI 13:36

Dauk tao nakababasak hata fo Manetualain fen tao-no'in, boema maten de latoi lakabubuan no bei ba'ikai nala so boe. Popola na, noeheni la'iesa kana so boe.

HATAHOLI 15:8

Boema Manetualain fo mana bubuluk basa hataholi daebafa ka dale na, nafa'da basa nae, Ana sipok hataholi sila la. Nafa'da dede'ak ndia ninik Ana fe Dula Dale na neu hataholi sila la sama leo Ana fe basan neu ita so.

HATAHOLI 7:46

Dauk nandaa no Manetualain dale na, de Dauk noke Manetualain fo ela Ana nau Dauk tao na uma esa soaneu Manetualain fo Yakob sene-do'ok ndia.

SEMUEL SUSULAK-KA ESAN-NA 12:25

Tehu, metema emi tao mahele sala-singok soona, neukose mopo-mate emi ma emi manem-ma.”

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

SEMUEL SUSULAK-KA ESAN-NA 15:26

Tehu Semuel nataa nae, “Au ta nau fali sama-sama o Ama Manek fa. Ama Manek la'ban basa Manetualain paletan-na so, de besak ia, Ana ta nau manaku Ama Manek da'di leo Israel manen-na so'on.”

SEMUEL SUSULAK-KA ESAN-NA 15:28

Boema Semuel nafa'dan nae, “Nai faik ia, Manetualain sii ba'e nusak Israel-la neme Ama Manek mai, fo Ana fen neu hataholi fe'ek fo malole lena neme Ama Manek mai.

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

SEMUEL SUSULAK-KA ESAN-NA 16:13

No lai-laik, Semuel ho'in-na mina setun ndia, de ana ndo ei Dauk, nenik ana lose mina neun, nai ka'an-nala matan. Nai hatematak ndia boe, Manetualain Duladalen-na koasa-na Dauk. Mulai neme faik ndia mai, Manetualain Duladalen-na sama-sama non tataas esa. Basa boema, Semuel fali ne'un leo Rama neu.

SEMUEL SUSULAK-KA ESAN-NA 28:16

Boema, Semuel nae, “Sosoak hata, o maloo au, te Manetualain la'oela o, ma Ana da'di o musu-noom so?

SEMUEL SUSULAK-KA ESAN-NA 31:6

Da'di, Saul no anamane ka telun-nala, ma basa solda'dun-nala, boema ta'eanak ndia, mamaten-nala nai faik esa dalen-na.