HATAHOLI 12:23 - Susula Malalaok Hehelu Palak Ma Hehelu Beuk

²³ No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

HATAHOLI 12:23 ပူးပေါင်းရင်းမြစ်များ

2RAJA-RAJA 19:35

Le'odaek ndia boe, Manetualain ata nusa so'dan esa, ana mai leo hataholi Asyur-ra ofun-na mai, de ana taonisa solda'du 185.000. Balahaa fafaik te, popolan-nala lalefu-le'ak.

2TAWARIKH 32:21

Boema Manetualain haitua ata nusa so'dak esa neu fo taonisa Asyur solda'dun-nala ma malanga solda'du matuaina-nala. Manek Asyur-ra fali ne'un leo nusa-na neu no bibii-mamaek nanseli. Nai faik esa, fo lelek bei nai lamatua daebafa-na uman dale, te anan de'ubee mai de ala taolisan nenik tafaina.

AYUB 19:26

Leomae, au loung-nga bisu-bisu mesan, de ka'dis, tehu nai lelek au bei aso'da nai daebafak-ka, neukose au mete Manetualain.

AYUB 7:5

Au aopaang-nga, henuk no kalatik, ma daa bubua anak-kala; au loung-nga bisu, de ana faa nanak.

MAZMUR 115:1

Ami ta, ou Manetualain, ami ta, tehu ka'da O nde, muse nanakoa-nanakiok, nana O lilineka, ma sue-lai mahele.

KELUARAN 10:3

Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.

KELUARAN 12:12

Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain.

KELUARAN 12:23

Nai lelek Manetualain, la'ok okofeo nusak ia, fo Ana taonisa hataholi Masir-ra, neukose Manetualain nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa.

KELUARAN 12:29

Fatila'dak ndia, Manetualain taonisa basa leoina Masir-ra, anatou ulun-nala, mulai neme manek-ka anan-na, losa hataholi manai bui dale-la anan-nala. Basa bana-manu ana ulun-nala boeo, nanataonisak.

KELUARAN 9:17

Leomae leondiak boe, o bei koao-ndaeao boe, de o ta nau po'i Au anang-ngala la'o fa.

AMSAL 12:8

Hataholi-a nanakoa-nanakiok, nandaa no manatee-tenon-na; hataholi nananakadadaek-ka, nandaa no nggoa-panganan-na.

YESAYA 14:11

Makahulun-na o nanafe ha'da-holomata nenik sasanu kecapi, tehu besak ia, o nai mamana nee-nee lino-linok, fo nde hataholi manamatek-kala daebafan-na. Ulek-kala da'di o mamana pepe'um-ma, ma kalatik-kala da'di o lafa nalu'em-ma.’

YESAYA 37:23

Ade, o bubuluk see kande o dodoki-aalin, ma o makamumulu-makamamaek-kana ndia do ta? Au, fo Israel Manetualain-na, Manetualain fo malalao-malalafuk-ka.

YESAYA 51:8

Neukose, ala mate-mopo, ma mopok-kasa, sama leo andae-a, na'a temak-ka, ma andae-a, na'a tema bi'ilopo bulu-a. Tehu, Au fe so'da-molek-ka, nahele losa dodoon-na, Au sesenging-nga, la'ok nakandoo, losa bobongik leo bobongik neu.”

YESAYA 66:24

Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YESKIAL 28:9

Nah, metema faik ndia losa soona, o bei bisa mafa'da mae Manetualain nde o do? Nai o hataholi kanisam-mala matan, ala bubuluk lae o ia, ka'da hataholi daebafak mesan.

HATAHOLI 12:22

Laun mana mamanenek sila la lalo ma lae, “Nitu lalai sa halan ia, te hataholi daebafak halan ta ia fa!”

HATAHOLI 5:19

Tehu le'odae boema, Lamatua ka ata nusa so'dan esa ana soiheni uma bui a lelesu na de no Lamatua ka hataholi nadedenun sila la leo deak leu. Ata nusa so'dak ndia, nafa'da Lamatua ka hataholi nadedenun sila la nae,

2 TESALONIKA 2:4

Ma neukose ana laban Manetualain, ma ana manaku nae, ndia nanuu koasa, lenaheni basa dula dale mangalauk fo, hataholi daebafa ka sene-do'o kasa. Lena-lenak, neukose nangatuuk neu Lamatua ka Uman dale fo nafa'da nae, Manetualain nde ndia.

SEMUEL SUSULAK-KA ESAN-NA 25:38

Fafa'kama, ta'da faik sanahulu boema, Manetualain fe he'dis-sa la'e seluk bade'en-na de maten.