HATAHOLI 12:17 - Susula Malalaok Hehelu Palak Ma Hehelu Beuk

¹⁷ Petrus nababa'a lima fo daenga bedenge, de basa boema ana tuis, tao tao leo beek de Lamatua ka ana kalua ndia neme bui dale mai. Boema nafa'das nae, “Mafa'da dede'ak ia neu Yakobis ma tolanoo fe'e kala boe.” Basa ndia boema, Petrus la'oela mamanak ndia, de neu leo mamana fe'ek neu.

HATAHOLI 12:17 ပူးပေါင်းရင်းမြစ်များ

MAZMUR 146:7

Ana nasala'e hataholi nanatuni-ndenik-ka hak-ka, ma Ana fe hataholi kamala'ak-ka, na'a. Manetualain soi-po'i, basa hataholi nanahukuk-kala,

MAZMUR 66:16

Mai leona, fo mamanene hai basa hataholi kamahehelek-kala lemin, fo au tui hata fo, Manetualain taon soaneu au.

MATEOS 10:23

Makanaema ala fepa-li'u emi nai kota esa soona, malai leo kota fe'ek meu. Au afa'da emi te: emi beita meu donge-dama mafeo basa kota-kota manai Israe la boen te, Ana Hataholi ka ana mai so.

MARKUS 6:3

Ade Hataholi ia ta nde tuka ai fo Maria ana na, ma Yakobis, Yoses, boema Simon, tolanoo na nde ndia hetu? Hei, tolanoo ina nala boeo ala leo lai ia.” Hu ndia de, ala ta sipo kana fa.

LUKAS 1:22

Ma nai lelek fo ana kalua mai te, ana ta hapu kokolak nos so'on. Ka'da ana fe ta'du nakandoo ninik lima na, ma hala tak nahele. Boema hataholi la boeo ala bubuluk lae, ana nita basa ninitak esa nai Manetualain Uman dale so.

YOHANIS 10:40

Yesus fali leo Lee Yarden-na selik neu, nai mamanak fo makahulu na Yohanis salani nana, de Ana leo neme ndia.

YOHANIS 11:54

Hu ndia de, Yesus ta nato'dak aoina na nai lea matan, ma nai buao Yahudi a dalek so'on. Boema Ana la'oela Yudea de neu leo kota esa na'de, Efraim fo ana deka no mo solokae ka. Yesus no ana manatunga nala leo leme ndia.

YOHANIS 13:24

Simon Petrus fen ta'du fo natane Yesus, see ka nde Yesus nafa'dak ndia.

YOHANIS 7:1

Basa ndia boema, Yesus neu leo basa mamanak lala'ena, nai Galilea. Ana ta nau neu leo Yudea neu fa, nana basa manakoasa Yahudi manai Yudea la lape'da dalek lon fo ala sanga taolisan.

YOHANIS 8:59

Boema hataholi Yahudi la hele batu fo ala sanga tapa Yesus. Tehu ta lita Yesus so'on, nana Yesus la'oela Manetualain Uma na so.

HATAHOLI 1:15

Faik esa, fo nai lelek lakabubua – fafa'kama hapu hataholi natun esa duahulu lai ndia – Boema Petrus fo'a napadeik de ana kokolak nae,

HATAHOLI 12:16

Ndia te Petrus dedelu nahele lelesu a. Ala soi lelesu a de lita Petrus boema, ala dodoo doa kana.

HATAHOLI 12:18

Balahaa fafaik boema, tasi'bu da'di nai solda'du mana manea la dalek. Lapangamak lanseli la'eneu hata fo ana da'di neu Petru sa.

HATAHOLI 13:16

Boema Paulus fo'a napadeik de ana fe ta'du ninik lima na fo ala bedenge. Basa boema nae, Tolano-tolanoo Israel ngala ma basa hataholi kamahehelek manai ia la lemin! “So'ba mamanene su'dik au dei.

HATAHOLI 15:13

Ala kokolak late'e boema Yakobis nae, “Tolano-tolanoo ngala lemin! So'ba mamanene su'dik au dei.

HATAHOLI 16:40

Paulus ma Silas kalua leme bui dale mai boema leu leo Lidia uman leu. Latongo lo hataholi kamahehelek manai sila la, boema latetea-lahehele dale nala. De basa boema, Paulus ma Silas la'o leona.

HATAHOLI 19:33

Hataholi sila la nggelok laedaenga Aleksander nde da'di dope sina, nana hataholi Yahudi la solin leo uluk neu. Boema Aleksander so'uk lima na fo noke fen loak soaneu nasala'e aoina na nai hataholi sila la matan.

HATAHOLI 21:18

Balahaa boema, Paulus sama-sama no ami meu donge-dama Yakobis. Ami meu te basa Penatua-penatua la lai ndia so boe.

HATAHOLI 21:40

Malanga solda'du nakaheik boema, Paulus napadeik neu e'dahuuk lain de ana fe ta'du ninik lima na, fo hataholi la bedenge. Basa boema Paulus kokolak nos ninik dede'a Ibrani nae,

HATAHOLI 28:15

Tolanoo kamahehelek manai Roma la lamanene halak boema, leu soluk ami neme Pasak Apiu sa, ma Pasanggrahan Tiga. Lelek fo Paulus natongo nos boema, noke makasi neu Manetualain de dale na natea-nahele.

1 KORINTUS 15:7

Basa ndia boema, Kristus natu'du aoina na neu Yakobis, de basa boema, neu basa hataholi nadedenu kala.

GALATIA 1:19

Au ta atongo o Lamatua ka hataholi nadedenu fe'en esa boen, ta'da fe'e Yakobis, fo Lamatua ka tolanoo na.

GALATIA 2:12

Makasososa na, na'a-ninu nakabubua no tolano-tolanook ta Yahudi la. Tehu lelek fo Yakobis nadenu hataholi la ala losa boema, nadook ao na neme tolano-tolanook ta Yahudi la ma ana ta nau na'a-ninu nakabubua nos so'ok, nana ana bii neu hataholi fo ala nau fo ela sunat basa hataholi la.

GALATIA 2:9

Yakobis, Petrus, ma Yohanis, fo meten soona, ala da'di mauli-malanga hataholi kamahehele kala boeo, ala manaku lae, Manetualain fe au bela ba'u hehelik ia boe. Boema laho'u limak lo Barnabas ma au, fo da'dileo ta'du-tana tia-laik esa. Boema sila lo ami mala halak esa mae, ami tao-no'i nai hataholi ta Yahudi la dalek, ma sila tao-no'i nai hataholi Yahudi la dalek.

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.