HATAHOLI 11:29 - Susula Malalaok Hehelu Palak Ma Hehelu Beuk

²⁹ Boema basa Yesus hataholi mana tungan sila la, lalahalak fo ala haitua fe basa tolanook manai Yudea la tutulu-fafalik. Sila esa-esak haitua tunga hahapu na.

HATAHOLI 11:29 ပူးပေါင်းရင်းမြစ်များ

EZRA 2:69

Ala fe tutulu-fafalik, tunga sila esa-esak hahapun, de lakabubua-la lilopilas kilo natun lima, lilofulak kilo lifun dua natun falu, ma ba'du manalu natun esa, soaneu imam-mala.

NEHEMIA 5:8

de au afa'da ae, “No ita be'i-balakain lala'en-na, ita soi-tefa ita tolanoon hataholi Yahudi-la, fo no nakasetik lase'o heni so'dan-nala neu leoina nusa fe'ek-kala. Tehu besak ia, emi ia makaseti seluk-kasa fo lase'o so'dan-nala neu emi, te se'kona emi boeo hataholi Yahudi boe!” Basa mauli-malangan sila-la, ta hapu lataa dede'ak de'ek esa boen.

MATEOS 25:17

Leondiak boe, malalau-maoono mana sipo doi isi lilopilas lifu kadua ka, ana hapu bunak lifun dua seluk.

YOHANIS 2:2

Yesus no ana manatunga nala boeo, ala ka'is leo feta kabing ndia boe.

HATAHOLI 1:15

Faik esa, fo nai lelek lakabubua – fafa'kama hapu hataholi natun esa duahulu lai ndia – Boema Petrus fo'a napadeik de ana kokolak nae,

HATAHOLI 11:1

Hataholi nadedenu kala ma hataholi kamahehelek manai Yudea la lala'ena, lamanene hataholi ta Yahudi la boeo sipok Manetualain dede'a-kokolan so.

HATAHOLI 11:26

Ana hapun boema non leo Antiokia neu, de duas leo lakabubua lo hataholi salanik manai naa la teuk esa dale na, boema duas lanoli hataholi makadotok. Nai Antiokia ndia nde ala foi hataholi kamahehele kala na'de, Hataholi Salanik.

HATAHOLI 13:52

Hataholi mana tunga Lamatuak manai Antiokia la, lamahoko lanseli, ma Manetualain Dula Dale na koasa nalas.

HATAHOLI 14:20

Tehu nai lelek fo hataholi kamahehelek manai sila la lapadeik okofeo lan boema, ana fo'a de ana masok fali leo kota dale neu. Balahaa boema, Paulus no Barnabas fali leo Derbe leu.

HATAHOLI 14:22

Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

HATAHOLI 24:17

Au ta nai Yerusalem teuk de'ubee dale na boema au fali leo naa u, fo au uni doi tutulu-fafalik fe au leoina ngala ma au fe tutunu-hohotuk neu Manetualain.

HATAHOLI 4:34

Nalosak ta hapu sila hataholin esa ana to'a-taa hata esa boen. Nana hataholi see nanuu dae do uma soona nase'o fo nini doi nala

HATAHOLI 6:1

Hataholi mana tunga Yesu sa boetai lamba'u ka. Nai lelek ndia, hataholi Yahudi mana kokolak linik dede'a Yunani la, ala ta hii hataholi Yahudi nusa isi kala fa. Hataholi Yahudi mana kokolak linik dede'a Yunani la lae, “Ami inafalu mala ala ta hapu baba'ek neme tutulu-fafalik fo ala baba'e fe hataholi la fa.”

HATAHOLI 9:19

Ala fen na'a ninu, de na'a ninu basa boema ao na balakai seluk. Saulus no Yesus hataholi mana tunga nala leo faik de'ubee dale na leme Damsyik.

HATAHOLI 9:25

Tehu le'odaek esa boema, Saulus hataholi mana tunga nala leu lalan de ala taon neu sapai esa dalek de lakonan tunga tembo manai kota ndia leo deak neu.

1 KORINTUS 13:5

Ana ta namatutua-namadedema ao na, ta laka-nakaseti hataholi fe'ek fo tunga hihii-nanaun fa, ta namanasa lai-lai, ma ta nape'da dalek boen.

GALATIA 2:10

Sila nonoken ka'da esa mesa kana neme ami mai, fo nde, fo ela ami taoafik neu hataholi nuu taa kala. Boema au amahoko nana, au ahiik tatao-nono'ik ndia.