HATAHOLI 11:24 - Susula Malalaok Hehelu Palak Ma Hehelu Beuk

²⁴ Barnabas ia, hataholi dale malole ma Manetualain Dula Dale na koasa nan, boema namahele nanseli neu Lamatua ka, de nalosa hataholi makadotok tunga Lamatua ka.

HATAHOLI 11:24 ပူးပေါင်းရင်းမြစ်များ

2 SEMUEL 18:27

Manamanea ndia nafa'da nae, “Hataholi makasososak ndia nde Ahimaas. Atam-ma nalelak-kana neme nalain-na mai.” Boema, manek-ka nae, “Hataholi malole ndia, de tao leo bee-o, neni hala malole.”

MAZMUR 112:5

Maua-manalek ba'eneu hataholi fo, ta malitua fa, ma ana hii fe hataholi tona, boema ana tao tunga ndoon-na, nai basa ito-atok lala'ena dalek.

MAZMUR 37:23

Manetualain hela-nole hataholi nai enok fo, ana la'ok tungak-ka, Ana tao natea-nahele hataholi fo, so'dan-na nandaa no dalen-na.

AMSAL 12:2

Hataholi malole-a, Manetualain nahiik-kana; tehu hataholi manatutu'u eno mangalauk-ka, neukose ana sipo huhukuk.

AMSAL 13:22

Hataholi malole-a, ana ba'e hata-heton neu upu-anan; tehu hataholi masala-masingok-ka su'i-beten nanape'dak, soaneu hataholi fo, so'dan-na ndoos.

AMSAL 14:14

Hataholi mangalauk-ka, neukose ketu-seu tatao-nono'i mangalaun-na buna-boan; tehu hataholi malole-a, neukose ana ketu-seu tatao-nono'i malolen-na, buna-boan.

MATEOS 12:35

Hataholi malole a, ana kokolak dede'a malole, nanahu dale na henuk no malole a. Nasafali na, hataholi mangalau ka, ana kokolak dede'a mangalauk, nanahu dale na henuk no mangalau ka.

MATEOS 19:17

Boema Yesus nataa nae, “Tao le'e de o matane Au la'eneu hata bee ka nde malole a? Hapu ka'da Esa mesa kana nde malole a. Metema o hii maso'da soona, o muse tao tunga Manetualain paleta nala.”

LUKAS 23:50

Hapu touk esa na'de Yusuf, bongi nai kota Arimatea nai nusa Yudea. Hataholi ia hataholi malole, fo hataholi la fe ha'da-holomata neun. Ndia boeo bei nahani talu-talu no Manetualain fai na Ana mulai paleta da'dileo Mane ka. Leomae hataholi ia lima eik neme Manamaketu-Mala'di Agama Matua Ina mai, tehu ana ta sipok manamaketu-mala'di kala nakeketu na ma tatao-nono'i nala fa.

YOHANIS 7:12

Hataholi makadotok mulai bengekutu la'eneu Yesus. Nggelok lae, “Hataholi ndia, hataholi malole.” Tehu nggelok bai soona lae, “Ta! Nana Ana tao na hataholi ba'u ka latofa-latalak so.”

HATAHOLI 11:21

Lamatua ka koasa na nai hataholi sila la dalek, nalosa hataholi ba'u ka lamahele de ala fe so'da nala leo Lamatua ka neu.

HATAHOLI 2:4

Tutika Manetualain Dula Dale na koasa nalas de ala mulai kokolak linik dede'a fe'ek mata-mata kala. Ala kokolak tunga hata fo Dula Dale ka, ana fes ala kokola kana.

HATAHOLI 2:47

Ala koa-kio Manetualain tataas esa, de nalosa basa hataholi la dale na loa-loak mesan los. Hu ndia de, tunga faik hapu hataholi mana tukatei-saledale kala boetai lamba'u ka, de nalosa hataholi kamahehele kala, dede'u nala boetai tama lakandoo.

HATAHOLI 24:16

Hu ndia de au sanga enok matalolole tatas esa fo daenga au dale bobongo ana nga balisi soaneu Manetualain, ma balisi soaneu hataholi daebafa ka.

HATAHOLI 5:14

Ma tunga faik, hataholi ba'u ka boetai lamahele Lamatua ka — nau touk do inak boe.

HATAHOLI 6:3

Da'di malole lenak, tolanoo kala hele ma emi hataholim hitu, tehu hataholi kahituk sila la na'de nala ta langgenggeo faa anak boen, ma Manetualain Dula Dale na, ana koasa na hataholi sila la, boema hataholi sila la, hataholi manatee teno kala, fo ami fes ala ito-ato tutulu-fafalik ia la;

HATAHOLI 6:5

Basa hataholi sila la lakaheik tunga hataholi nadedenu kala hahapun ndia. Boema ala hele Stefanus, fo hataholi esa namahele nanseli neu Yesus, ma Manetualain Dula Dale na koasa nan. Boema ala hele Felipus, Prokhorus, Nikanor, Timon, Parmenas, ma Nikolaus, fo neme Antiokia mai; hataholi Yahudi ta ndia fa, tehu ana masok agama Yahudi so.

HATAHOLI 6:8

Manetualain ba'e-pala Stefanus ba'u na seli, de nalosa ana tao manda'di beuk makadotok, ma dede'a matua ina la nai lau nala tala'da.

HATAHOLI 9:31

Boema hataholi salanik manai basa Yudea, Galilea, ma Samaria lala'ena, dale nala tesa-tama. No Manetualain Dula Dale na tutulu-fafalin, ma no bii neu Lamatua ka, de hataholi salanik sila la boetai latea-lahele ma boetai lamba'u.

ROMA 15:15

Tehu la'eneu dede'a kikisa kala, au balataa emi no mahelek nai susulak ia dalek, nanahu Manetualain ba'ebati fe au bela-ba'uk ndia.

ROMA 5:7

Sosotak la'iesa kana, hataholi a nau mate nggati hataholi mana tao ndoos esa. Fafaka ma hapu hataholi nggelok lapalani mate soaneu hataholi manatao ndoos esa boe.