HATAHOLI 11:18 - Susula Malalaok Hehelu Palak Ma Hehelu Beuk

¹⁸ Lamanene Petrus kokolan dede'ak ndia boema ta lase'i so'on. Boema ala koa-kio Manetualain leona. Lafa'da lae, “Metema leondiak soona, hataholi ta Yahudi la boeo, Manetualain fes fai loak soaneu ala tukatei-saledale leme sala-singo nala mai, ma ala hapu lame'da lita so'da matetu ka!”

HATAHOLI 11:18 ပူးပေါင်းရင်းမြစ်များ

YESAYA 11:10

Neukose fain-na losa, leoina-la tao matak neu manek esa, neme Dauk tititi-nonosin mai. Neukose ala mai neun, ma ala koa-kio mamana leleon-na.

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

YESKIAL 36:26

Boema Au fe emi dale beuk, ma dudu'a-aafi beuk. Neukose Au nggati o dale mateam, fo sama leo batu ndia, nenik dale manatunga paleta.

YESKIAL 47:22

de dae ndia, ana da'di emi pusakam, losa dodoon-na. Hataholi nusa dea fo, ala leo lahele lai emi tala'da heom, boema ala bongi anan-nala lai mamanak ndia, de sila boeo, muse hapu baba'ek neme dae ndia mai. Muse taos da'di leo, leoina Israel matetuk, fo sila boeo tunga tu-u batu, soaneu ala hapu dae, nai lelek dae ndia, nanababa'ek neu leo-leo Israel-la.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

MATEOS 9:8

Lelek hataholi la lita manda'dik ndia boema ala bii, ma ala koa-kio Manetualain, nanahu Manetualain fe hataholi daebafa ka koasa matua ina so.

HATAHOLI 11:1

Hataholi nadedenu kala ma hataholi kamahehelek manai Yudea la lala'ena, lamanene hataholi ta Yahudi la boeo sipok Manetualain dede'a-kokolan so.

HATAHOLI 14:27

Lelek ala losa Antiokia, boema lalo lakabubua basa mamasok ndia salani nala de ala tuis, basa hata fo Manetualain tao-no'in tunga sila dua. Boeo ala tuis la'eneu tao leo beek de, Manetualain soi enok fe hataholi ta Yahudi la fo lamahele Yesus.

HATAHOLI 15:3

Hataholi salanik Antiokia la los losa kota deak boema, ala la'ok tunga Fenisia ma Samaria. Nai naa ala tuis, tao leo beek de hataholi ta Yahudi la fe so'da nala leo Manetualain neu. Halak ndia tao na hataholi kamahehelek manai sila la, lamahoko lanseli

HATAHOLI 20:21

Au fe nasanene'dak tataas esa, nau neu hataholi Yahudi do leoina fe'e kala, fo ela ala tukatei-saledale leme sala-singo nala mai, fo ala fali leo Manetualain mai, boema lamahele Lamatuak Yesus.

HATAHOLI 21:20

Lamanene Paulus tutuin ndia boema basa-basas koa-kio Manetualain. Basa boema lafa'da Paulus lae, “Tolanoo Paulus! Tolanoo ka muse bubuluk te, hataholi Yahudi la lifu-lifun lamahele Yesus so. Basa-basas tunga Musa hoholo-lalanen no manggatek.

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

HATAHOLI 3:26

Hu ndia de Manetualain hele Ata na fo nadenun Ana mai nakahuluk neu emi, fo ela Ana fe baba'e-papalak neu emi. Ana fe baba'e-papalak ndia, eno na nde, Ana tao na tolanoo kala tukatei-saledale neme emi maso'da mangalau ma eno dalan mai.”

HATAHOLI 5:31

Boema Manetualain fen nangatutuu madema ma koasa matuaina da'dileo Mauli-Malangan ma Mana Soi-Tefa, fo ela hataholi Israe la hapu loak soaneu ala tukatei-saledale leme sala-singo nala mai, fo ala hapu do'o do ampon.

ROMA 9:30

Da'di, dede'a ka isi na nde ia: Leoina fe'ek fo hataholi ta Yahudi la, ala ta sanga enok fo ela tututi-nanaton lo Manetualai na malole falik fa. Tehu hu ka nde lamahele de, Manetualai tao na sila tututi-nanaton lo nana, ana da'di malole falik.

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

2 KORINTUS 7:10

Nana dale he'di leondia ka, nini tukatei-saledalek fo ninini na nde so'da-mole ka. De hataholi a neukose ta nasasale dale neu dede'ak ndia fa. Nasafali na, dale he'dik fo ka'da enok esa no hataholi daebafa ka hihii-nanau na, buna-boan nde mamate sa.

GALATIA 1:24

Boema ala koa-kio Manetualain, nanahu au.

YOSUA 22:30

Basa hata fo hataholi maneme leo Ruben, Gad ma leo Manasye manai boboan dulu sila lafa'da mangalele'dok-ka, Imam Pinehas, laun Israel-la, lasi ha'dan ka sanahulun, fo leme Lee Yarden-na boboan muli mai ndia, lamanene. Boema dalen-nala loa-loak mesan, no nafa'da mangalele'dok ndia.