HATAHOLI 10:28 - Susula Malalaok Hehelu Palak Ma Hehelu Beuk

²⁸ Boema Petrus nafa'das nae, “Tolanoo kala bubuluk basa, hataholi Yahudi la agama na, ana ta nau hataholi Yahudi la leu donge-dama do lakabubua lo hataholi leoina fe'ek fa. Tehu Manetualain natu'du basa au nae, au ta bole afa'da hataholi esa boen ae manggenggeok do mangalauk fa.

HATAHOLI 10:28 ပူးပေါင်းရင်းမြစ်များ

YESAYA 65:5

Lafa'da lae, ‘Madook aoinam-ma meme ia mai, fo boso koila'e ami, nana ami malalao-malalafuk, ma nanata'da fe'ek neme emi mai!’ Au ta akatatakak mete sila ha'da-tataon fa! Au nasa-melung soaneu sila, sama leo ha'i manamate tak-ka.

MARKUS 7:2

Lita Yesus ana mana tungan de'ubee la'a no lima nala ta balisi tunga agama, fo nde la'a-linu tehu ta lafui oe lakahuluk, tunga agama nakanenete na fa.

LUKAS 18:11

Hataholi Farisi ndia napadeik mesa kana ma ana hule-haladoi nae, ‘Ou Manetualain, au oke makasi neu O, nana au ta sama leo hataholi fe'e kala, fo mana tenepetak, mana po'de-paik, do mana hohongek fa. Au oke makasi, nanahu au ta sama leo manasusu bea ndia fa.

YOHANIS 18:28

Bei fafai anak te lo Yesus neme Kayafas uman, leo gobelno la uma mane na neu. Hataholi Yahudi la ta leu leo uma manek dale leu fa, fo ela ala boso tao langgenggeo uma ndia so'da na, tunga agama eno-dalan, nana ala sanga la'a nana'a Paskah ndia so.

YOHANIS 4:27

Ndia te, Yesus ana manatunga nala besa ka ala fali ma'is. Lita Yesus kokolak no inak ndia boema, ala dodoo doa kana. Tehu ta lapalani latane inak ndia lae, “Te ina mai paluu beek?” do latane Yesus lae, “Tao le'e de, Ama kokolak no inak ia?”

YOHANIS 4:9

Boema ina Samaria ndia nae, “Manetualain hataholi Yahudi, ma au hataholi Samaria; ma tao le'e de, Manetualain noke au oe?” (Nanahu, hataholi Yahudi la ta bole kokolak lo hataholi Samaria la fa.)

HATAHOLI 10:29

Hu ndia de, lelek fo Tuan noke au mai leo ia mai, boema au ta akalele'ok mamaik fa. Da'di besak ia au nau bubuluk, tao le'e de Tuan noke au mai leo ia mai.”

HATAHOLI 11:9

Tehu halak ndia nafa'da seluk au neme lalai mai nae, ‘Hata fo Manetualain nafa'da basa nae, ta nanakena-ka'ik fa soona, boso mafa'da mae, nanakena-ka'ik.’