HATAHOLI 1:26 - Susula Malalaok Hehelu Palak Ma Hehelu Beuk

²⁶ Basa boema ala tu'u batu fo ala sanga nai hataholi kaduak sila la, see ka nde ala hele nana. Boema batu tu'da la'e Matias. Hu ndia de ala so'un da'di Lamatua ka hataholi nadedenun, fo ana tunga sama-sama no Lamatua ka hataholi nadedenu kasanahulu esa fe'e nala.

HATAHOLI 1:26 ပူးပေါင်းရင်းမြစ်များ

1 TAWARIKH 24:5

Nanahu nau nai Eleazar tititi-nonosin na dalek do nai Ipopo-tamar tititi-nonosin na dalek hapu manaho'u paleta nai Manetualain Uman na, mauli-malangan agama, boema baba'e bela-ba'uk ka ala taon nenik ala hela lot.

NEHEMIA 10:34

Ami, laun-na, basa imam-mala ma basa imam fo hataholi Lewi-la neukose tunga teuk ami tu'ubatu fo maketu leo-ingu beek-ka nde muse sadia ai ha'i soaneu tutunu-hohotuk fo tunu-hotu fe neu Manetualain fo ami Manetualaim-ma, tunga Hoholo-lalanek nakaneneten-na.

NEHEMIA 11:1

Basa mauli-malangan manaleo lahele lai Yerusalem, ma laun-na tu'ubatu soaneu uma loo sanahulu, soaneu ala hele teidale-bobongik esa neme teidale-bobongik sanahulu mai, fo muse leo nai kota malalao-malalafuk Yerusalem. Bee ta nanahelek fa soona, ana bole leo nai kota fe'ek-kala.

AMSAL 16:22

Manatee-tenok-ka nde been-na, oemata ua-nalek ba'eneu hataholi dale malole-a so'dan-na; tehu hataholi nggoak-ka, nggoan-na tao doi-doso seluk-kana.

AMSAL 16:33

Hataholi daebafak-ka tu'u batu, fo ana bubuluk ua-nalen, tehu ka'da Manetualain mesak-kana, nde naketu natataan-na.

IMAMAT 16:8

Nai ndia, ana muse tu'u batu, nenik ana pake batu dua, fo ana tao ta'du neu esa, nenik dede'ak-ka nae, “soaneu Manetualain”, ma esa seluk, nenik dede'ak-ka nae, “soaneu Azazel”.

YUNUS 1:7

Yunus ma manaho'u uli ndia kae lala lain boema, ofak ndia ofa isin-nala esa kokolak no esa nae, “Mai fo ata tu'u batu, fo ela ata bubuluk, see kande nasala, nalosa ita hapu soe ia!” Ala tu'u batu boema, la'e Yunus na'den-na.

MARKUS 6:30

Basa boema, Yesus hataholi nadedenu nala ala fali ma'is de lakabubua falik lo Yesus. Ala tui Yesus, basa hata fo sila tao-no'in ma sila lanoli hataholi la.

HATAHOLI 1:23

Boema hataholi manai sila la ala fe hataholi dua, fo nde Yusuf fo nasi'a loken soona lae, Barsabas (ma nasi'a lae Yustus boe) boema Matias.

HATAHOLI 13:19

Ana tao nakalulutuk leoina hitu neme nusa Kanaa na, de Ana baba'e nusak ndia neu leoina Israe la, fo daenga nusak ndia ana da'di sila pusakan.

HATAHOLI 2:14

Boema Petrus napadeik sama-sama no Lamatua ka ana mana tunga kasanahulu esa nala. Boema ana kokolak namabela hala na no hataholi makadotok sila la nae, “Tolano-tolanook fo hataholi Yahudi ma basa hataholi mana leo manai Yerusalem-mala lemin! Mamanene matalolole leona, nana paluu au afa'da mangalele'do dede'ak ia la neu emi.

YOSUA 14:2

Sama-na leo Manetualain paleta basan neu Musa, de nusa-nusak manai Lee Yarden-na boboan muli, fo nananaketuk, fen neu leoina Israel-la, leo ka sio seselin-na, muse nanababa'en nenik tu'u batu.

YOSUA 18:10

Boema Yosua tu'u batu, fo ana bubuluk Manetualain nakeketun soaneus. Basa ndia boema, leoina Israel-la, leon fo ana beita hapu dae baba'ek fa, Musa fe esa-esak dae baba'ek.

NINITAK 21:14

Tembo kota ndia nananafofo'ak nai batu netes sanahulu dua lain. Nai batu netes sila la lain, nanasulak Bi'ilopo Ana ndia hataholi nadedenu kasanahulu dua nala na'de nala.