HATAHOLI 1:15 - Susula Malalaok Hehelu Palak Ma Hehelu Beuk

¹⁵ Faik esa, fo nai lelek lakabubua – fafa'kama hapu hataholi natun esa duahulu lai ndia – Boema Petrus fo'a napadeik de ana kokolak nae,

HATAHOLI 1:15 ပူးပေါင်းရင်းမြစ်များ

MATEOS 13:31

Yesus tui seluk nakandandaak esa neu hataholi makadotok sila la, nae leo ia, “Metema Manetualain paleta soona heheo-hihilun sama na leo nakandandaak ia: Hataholi esa, ana ho'i nini ai sawi de'ek esa de, neu selen leo tinan dale neu.

LUKAS 22:32

Tehu Au hule-haladoi basa soaneu o so Simon, fo ela o namahe le ma boso kou-mosa. Ma metema o fali leo Au mai soona, o muse matetea-mahehele o tolanoo mala.”

YOHANIS 14:12

Au dede'ang ia tete'e ka la'en: See namahele Au soona, neukose ana tao hata fo Au tao basa kala so, — lena-lenak ana tao dede'a matua lena seluk bai — nana Au u leo Ama ka u.

YOHANIS 21:23

Boema hala ka nakapela nai Yesus ana manatunga nala tala'da nae, neukose Yesus ana manatungan ndia, ta mate fan. Te see ko na Yesus ta nafa'da nae, ana manatungan ndia neukose ta mate fan, tehu nae, “Leo uni ka, Au nau naso'da nahele losa Au fali ma'i nga o, o ito atom ta ndia fa.”

HATAHOLI 10:23

Boema Petrus nokes leo uma dale leu fo ala sungu lon le'odaek ndia. Balahaa de Petrus fo'a boema ala la'o leona. Hataholi kamahehelek de'ubee lai Yope boeo, ala tunga boe.

HATAHOLI 11:1

Hataholi nadedenu kala ma hataholi kamahehelek manai Yudea la lala'ena, lamanene hataholi ta Yahudi la boeo sipok Manetualain dede'a-kokolan so.

HATAHOLI 11:12

Boema Manetualain Dula Dale na nafa'da au nae, o dale ma boso naba'e, fo la'o sama-sama mos leona. Tolanoo kaneek ia la boeo, ala tunga au leo Kaisarea, de ami basa-basa mala masok leo Kornalius uman dale meu.

HATAHOLI 11:26

Ana hapun boema non leo Antiokia neu, de duas leo lakabubua lo hataholi salanik manai naa la teuk esa dale na, boema duas lanoli hataholi makadotok. Nai Antiokia ndia nde ala foi hataholi kamahehele kala na'de, Hataholi Salanik.

HATAHOLI 11:29

Boema basa Yesus hataholi mana tungan sila la, lalahalak fo ala haitua fe basa tolanook manai Yudea la tutulu-fafalik. Sila esa-esak haitua tunga hahapu na.

HATAHOLI 12:17

Petrus nababa'a lima fo daenga bedenge, de basa boema ana tuis, tao tao leo beek de Lamatua ka ana kalua ndia neme bui dale mai. Boema nafa'das nae, “Mafa'da dede'ak ia neu Yakobis ma tolanoo fe'e kala boe.” Basa ndia boema, Petrus la'oela mamanak ndia, de neu leo mamana fe'ek neu.

HATAHOLI 14:2

Tehu hataholi Yahudi kamahehele ta kala dudungu-papau hataholi ta Yahudi la, de nalosa lakamuu-lakadau hataholi fo lamahele neu Yesu sa.

HATAHOLI 15:1

Hataholi Yudea de'ubee leme Yudea leo Antiokia leu de lanoli hataholi kamahehelek manai Antiokia la lae, metema ta suna tasa tunga Musa hoholo-lalanen fa soona, ala ta hapu so'da ka fa.

HATAHOLI 15:3

Hataholi salanik Antiokia la los losa kota deak boema, ala la'ok tunga Fenisia ma Samaria. Nai naa ala tuis, tao leo beek de hataholi ta Yahudi la fe so'da nala leo Manetualain neu. Halak ndia tao na hataholi kamahehelek manai sila la, lamahoko lanseli

HATAHOLI 16:2

Nai hataholi kamahehelek fo mana leo nai Listra ma Ikonium ma dalek, Timotius ia nananita-nalelak da'dileo hataholi malole.

HATAHOLI 16:40

Paulus ma Silas kalua leme bui dale mai boema leu leo Lidia uman leu. Latongo lo hataholi kamahehelek manai sila la, boema latetea-lahehele dale nala. De basa boema, Paulus ma Silas la'o leona.

HATAHOLI 17:10

Le'odaek ndia, hataholi kamahehelek manai kota ndia, ladenu Paulus no Silas leu leo Berea leu. Ala losa naa boema, leu leo hataholi Yahudi la uma mamason dale leu.

HATAHOLI 17:14

Boema no lai-laik tolanook manai Berea la lo Paulus leo tasi su'u na neu, tehu Silas no Timotius soona, ala leo lahele leme kota ndia.

HATAHOLI 17:6

Tehu lelek fo ala ta hapu Paulus no Silas fa boema, ala lele'a-loloso Yason ma hataholi kamahehele fe'ek de'ubee leo mana-mana paleta fo mana koasa manai kota ndia matan leu. Ala eki ma lae, “Hataholi ia la tao tasi'bu nai basa mamanak lala'ena! De besak ia ala losa ita kota na so,

HATAHOLI 18:18

Basa ndia boema, Paulus bei leo nala doo ka neme Korintus. Basa boema nate'a hataholi kamahehelek manai sila la de no Priskila ma Akwila sa'e ofak leo Siria leu. Ala losa Kengkrea boema Paulus nggeuheni langa doo na. Paulus namaa langa doo na nana naheluk basa no Lamatua ka nae, ndia sanga tao hata esa soaneu Lamatua ka.

HATAHOLI 18:27

Basa boema Apolos dodoo nae, sanga neu leo Akhaya neu. Boema hataholi kamahehelek manai Efesu sala sulak fe tolanoo kamahehelek manai Akhaya la susulak fo ala sipok Apolos. De lelek fo Apolos losa Akhaya boema, tutulu-fafalin nananitak masosoa-ndandaak ba'eneu hataholi fo hu ka nde Manetualain susue-lalain de lamahele Yesus so.

HATAHOLI 21:17

Lelek ami losa Yerusalem boema, tolanook manai sila la sipok ami no namahokok.

HATAHOLI 21:20

Lamanene Paulus tutuin ndia boema basa-basas koa-kio Manetualain. Basa boema lafa'da Paulus lae, “Tolanoo Paulus! Tolanoo ka muse bubuluk te, hataholi Yahudi la lifu-lifun lamahele Yesus so. Basa-basas tunga Musa hoholo-lalanen no manggatek.

HATAHOLI 21:7

Ami sa'e ofak makandoo meme Tirus leo Ptolemais meu. Ami losa naa boema, ami meu donge-dama tolanoo kamahehele kala fo ami mate'as, boema ami leo mos faik esa dale na.

HATAHOLI 22:5

Imam matuaina ma Mana Maketu-Mala'di agama matuaina basa-basas sakasii, au ta pepeko fa. Nana sila nde fe au susula koasa fo au u leo hataholi Yahudi manai Damsyik-kala u. No susula koasa ndia de au bole ho'u hataholi kamahehelek manai naa la, fo daenga au os leo Yerusalem mai fo hukus.”

HATAHOLI 28:14

Ami matongo mo hataholi kamahehelek neu Yesus de'ubee lai kota ndia, de loke ami meu leo mos mamasok esa dale na. Boema ami meu leo Roma meu.

1 KORINTUS 15:6

Basa ndia boema, natu'du aoina na seluk neu hataholi manatungan, lenak neme natun lima la'iesa tutik. Hataholi sila la, ba'u na bei laso'da losa besak ia, ka'da sila de'ubee soona mate sos.

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 3:4

Tehu hataholi de'ubee nai emi dalek lai Sardis, bei laso'da malalaok lahele da'dileo hataholi Salani ka. Mahani te neukose hataholi sila la pake bua-lo'a fulak fo ala la'ok sama-sama lo Au, nanahu sila landaa soaneu dede'ak ndia.