HATAHOLI 1:11 - Susula Malalaok Hehelu Palak Ma Hehelu Beuk

¹¹ boema lafa'das lae, “Hai, hataholi Galilea la lemin, tao le'e de emi mapadeik meu ndia de emi manganalo leo lalai meu? Yesus fo emi mitan nanaso'uk leo nusa so'da ka neme emi matam mai ndia, neukose Ana fali ma'i selu kana leondiak, sama leo na'ka sa emi mitan ndia boe.”

HATAHOLI 1:11 ပူးပေါင်းရင်းမြစ်များ

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

MATEOS 16:28

Bubuluk leona! Te nai emi manai ia la dalek, hapu nggelok ta mate fa, metema ana beita nita Ana Hataholi ka fali ma'in da'dileo Mane ka.”

MATEOS 24:30

Basa ndia soona, ta'du-tana Ana Hataholi ka nananitak nai lalai. Neu lelek ndia, basa leoina manai daebafa ka neukose ala kii makaleleu. Neukose lita Ana Hataholi ka Ana mai nai ko'as lain no koasa ma mandela-masa'a matua ina.

MATEOS 25:31

“Metema Ana Hataholi ka Ana mai da'dileo Lamatua ka, nonok ata nusa so'da nala soona, nangatuuk neu kandela mandela-masa'an lain,

MARKUS 13:26

Nai lelek ndia, neukose Ana Hataholi ka Ana mai nai ko'as dale no koasa matuaina na, ma mandela-masa'an.

MARKUS 14:70

Tehu Petrus nalelesi seluk. Dodoo faa boema, hataholi manai sila la lafa'da seluk Petrus lae, “Boso boe malelesi bai te, memak hataholi sila la hataholin esa nde o so, nana o meme Galilea mai boe!”

MARKUS 16:19

Lamatuak Yesus kokolak basa nos boema, Yesus nanaso'uk leo nusa so'da ka neu. Nai naa, Ana paleta sama-sama no Manetualain.

LUKAS 21:27

Nai lelek ndia nde Ana Hataholi ka neukose ana mai nai koas dale koasa ma ndela-sa'a matuaina na.

LUKAS 24:5

Boema ala bii lanseli de ala sene-do'o kasa. Ndia te hataholi kaduak sila la bei kokolak los lae, “Taole'e de emi sanga maso'da ka nai hataholi manamate kala tala'da?

YOHANIS 14:3

Au u fo Au sadia basa mamanak soaneu emi soona, neukose Au fali ma'i nga, fo Au mai ala emi, fo daenga Au nai bee soona, emi nai ndia boe.

HATAHOLI 1:2

losa faik fo, nanaso'u falik leo nusa so'da ka neu. Ana beita kae falik leo nusa so'da ka no Manetualain Dula Dale na koasan ndia fa te, Ana fe hataholi nadedenu nanahele nala natutu'duk.

HATAHOLI 1:9

Yesus nafa'da basa nae leondia boema, nanaso'u falik leo nusa so'da ka neu neme mata nala mai, boema ko'a sa poti nan de ta litan so'on.

HATAHOLI 13:31

Basa boema, tunga-tunga faik Ana mai fo natu'du aoina na neu hataholi fo ala la'ok lon neme Galilea leo Yerusalem leu. Hataholi sila nde besak ia, ala da'di sakasii soaneun, ba'eneu leoina Israe la.

HATAHOLI 2:7

Basa-basas bafa nala beepoo, boema lakokolaok lae, “Hataholi mana kokolak ia la, basa-basas hataholi Galilea la hetu?

HATAHOLI 3:12

Lelek fo Petrus nita hataholi sila la boema nafa'das nae, “Hei hataholi Israe la lemin, tao le'e de tolanoo kala dodoo doak dede'ak ndia? Tao le'e de emi mete mahelek ami? Ade emi maedaenga hataholi ia ana la'ok hu ka nde ami koasa ma, do hu ka nde ami mamahele neu Manetualain?

HATAHOLI 3:21

Ana muse leo nai nusa so'da ka, losa Manetualain tao na basa hata lala'ena ala da'di beuk, sama leo Manetualain nafa'da basan, tunga nabi nala ndek makahulun eli.

1 TESALONIKA 1:10

Boeo ala kokolak la'eneu, tao leo beek de, emi tao emi mamahehena ma neu Manetualain Ana na mamain neme nusa so'da ka mai, fo nde Yesus, fo Manetualain tao naso'da fali kana, neme mamate sa mai so. Yesus ndia boeo, nde soi-tefa nala ita teme Manetualain nasa melun, nai fai mana mai ka.

1 TESALONIKA 4:16

Mahani te, neukose ata nusa so'da kala malanga na, naloo napane'e ma Manetualain pupuu na, nanapuuk da'di ta'du-tana esa. Soona, Lamatuak Yesus kona neme nusa so'da ka mai, ma hataholi kamahehelek mana mate basa kala, neukose Manetualain tao naso'da fali kasa lakahuluk.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

NINITAK 1:7

Mete leona! Yesus mai no ko'a sa ana poti nan! Basa hataholi la neukose litan, nai dalek sila fo manapau nana boe. Basa leoina manai daebafa ka lala'ena neukose ala kii-makaleleu nanahu Hataholi ndia. Hei, dede'ak ndia neukose ana da'di! Amin!