HAGAI 2:2 - Susula Malalaok Hehelu Palak Ma Hehelu Beuk

² Manetualain nadenu Hagai, fo ana kokolak no gobelnol Zerubabel-la, Imam Matuaina Yosua, boema laun-nala, fo nanduku-nalosak hala heheluk-ka nde ia, nae,

HAGAI 2:2 ပူးပေါင်းရင်းမြစ်များ

EZRA 1:8

Kores fe bua-lo'as sila-la ito aton neu Mitredat, fo malanga manaito-ato nusak-ka tali-doin, ma hata-heto-nala. Basa boema, Mitredat sulak bua-lo'as sila-la neu susulak esa, fo soaneu Sesbazar, fo filana Yehuda.

EZRA 2:63

Boema, nusa Yehuda filana-la, ana kena-ka'is, fo boso la'a nana'ak fo ala fen neu Manetualain, losa hapu imam esa noke natutu'duk nenik, ana pake Urim ma Tumim.

EZRA 3:2

boema Yesua, fo Yozadak anan-na, boema nonoon-nala fo nde basa imam-mala, ma Zerubabel, fo Sealtiel anan-na ma tolanoon-nala, lafofo'a falik Israel Manetualain-na, mei tunu-hotun. No enok ndia, ala hapu tunu tutunu-hohotuk nai lain, fo nandaa no natutu'du-natutu'duk fo nanasulak nai Manetualain atan Musa, susula hoholo-lalanen dale.

NEHEMIA 8:9

Lamanene Hoholo-lalanek ndia nanalees boema, laun-na dalen-nala he'dis nanseli, boema ala kii. Boema gobelnol Nehemia ma Imam Ezra fo malelaina nai Hoholo-lalanek ndia, boema hataholi Lewi manamafa'da mangalele'do Hoholo-lalanek ndia, lafa'da laun-na lala'en-na lae leo ia, “Faik ia, fai hehelik ba'eneu Manetualain fo emi Manetualaim-ma, da'di dalem-mala boso he'dis-sa, do kii.

HAGAI 1:1

Mane Darius-sa, ana paleta Persia neu teu ka dua-na, fo nai hataholi Yahudi-la bula ka 6-na, fain esa boema, Manetualain Ana kokolak tunga Nabi Hagai-a. Manetualain fe hala hehelun ndia neu Zerubabel, fo Sealtiel anan-na, ana da'di gobelnol nai Yehuda, ma Ana fen neu malanga Imam Matuaina Yosua fo Yozadak anan-na.

HAGAI 1:12

Basa boema, Zerubabel ma Yosua boema basa hataholi Israel manafali ma'is leme Babel fo mamana tu'u-tapak, ala tunga Hagai dede'a-kokolan; Hagai fo Manetualain hataholi nadedenun ndia. Ala tao hata fo Manetualain paleta neus, nanahu ala bii Manetualain.

HAGAI 1:14

Boema, Manetualain nakababale Gobelnol Zerubabel-la, Imam Matuaina Yosua, boema basa hataholi manafali ma'is leme mamana tu'u-tapak mai-a, dalen-nala, fo ela basa-basas lafofo'a Manetualain fo sila Manetualain, Uman-na.