HAGAI 2:19 - Susula Malalaok Hehelu Palak Ma Hehelu Beuk

¹⁹ Leomae ta ela gandum, ma ai angol, ma ai kaak, ma ai dalima, ma ai setun fo beita laboa fa, tehu mulai hatematak ia, neukose Au ba'e-pala emi!”

HAGAI 2:19 ပူးပေါင်းရင်းမြစ်များ

KEJADIAN 26:12

Isak tao tina osi de ana sele-nggali bini-ngges nai nusak ndia, de nai teuk ndia dale na ana hapu buna-boak diku la'i natun esa neme ana sele-nggali ka mai, nanahu Manetualain ba'e-palan.

AYUB 39:12

Ade, o mamahelen, ana ba'un-na kabubua o keketu-kokolum buna-boan, ma o moon leo o mamana popo'de gandum-ma neu do?

MAZMUR 133:3

Do sama leo dinis-sa nai Letek Hermon-na, fo ana kona leo pupukuk Sion-nala lain neu. Nai naa, Manetualain nakona baba'e-papalan, fo maso'dak losa dodoon-na.

MAZMUR 84:12

Nana Manetualain nde ita masulu-mahapan, ma manek fo matua-madema, fo Ana ba'e-bati fe ita, susue-lalaik ma ha'da-holomata. Ana beita tipa nita hata beek boe, fo malole soaneu hataholi fo, so'dan-na bu'u-ba'en ta.

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

YEREMIA 31:14

Basa imam-mala neukose Au taos ala doak nenik nana'a-nininuk manasasi-kao-kaok-ka; ma basa Au anang-ngala paluuk-kala neukose Au fes. Au, Manetualain, fo manamafa'dak-ka.”

YOEL 1:12

Ai maboak manai mook-kala basa-basas lamatuu: ai angol, apel, kaak, kurma, ma dalima. Boema laun-na boeo ta lamahoko so'on.

YOEL 2:14

Fafa'kama, Manetualain fo o Manetualaim-ma, nasafali dale nakeketun-na de Ana ba'e-pala emi nenik baba'e-papalak manasasi kao-kaok. Nalosa emi hapu tunu-hotu tutunu-hohotu angol ma gandum ba'eneu Manetualain, fo o Manetualaim.

HAGAI 1:11

Au fe fai hanas nakandoo neu dae ma'dak-ka, ma pupukuk-kala, neu tina gandum-mala, neu osi angol-la, boema osi setun-nala, ma neu basa bubu'u-palusa manai dae lain-na, boe te, neu hataholi-a, ma bana manu, boema basa hata lala'en fo emi palusak-kala boe.”

MALEAKHI 3:10

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

ULANGAN 15:10

Fen no dalen-na namahokok, ma boso no nakasetik, soona neukose emi Manetualaim-ma, fe baba'e-papalak neu emi ue-le'dim lala'en-na.

ULANGAN 28:22

Neukose, Manetualain huku emi nenik he'di madaik-ka, petaaok-ka ma sumaik-ka. Neukose, Ana fe dae-a namatuu, ma Ana fe ani mato'bik-ka mai, nalosa emi dae-oem buna-boan nalutus. Soe sila-la, ala tuni-ndeni lahele emi, losa mate-mopo emi.