HAGAI 2:16 - Susula Malalaok Hehelu Palak Ma Hehelu Beuk

¹⁶ Emi meu mete basa gandum manadodouk-ka so, de emi maedaenga, neukose emi hapu gandum kilo natun dua, te se'ko na hapu ka'da kilo natun esa. Emi meu, fo emi ndui angol litel natun esa neme tong angol dale mai, tehu hapu ka'da litel 40 nai tong ndia dalek.

HAGAI 2:16 ပူးပေါင်းရင်းမြစ်များ

YESAYA 5:10

Neukose dae-a, ta fe buna-boak fa, osi angol fo loloan-na hektar 10 soona, buna-boan ka'da angol oek litel sanahulu. Bini-ngges litel natun esa soona, buna-boan ka'da gandum litel sanahulu.”

YEREMIA 48:33

Susue lalaik mopo basa neme nusa Moab so. Neukose Au tao oe angol-la ta faa neme mamanak kaka'bin-na mai fa; ta hapu hataholi esa boen tao oe angol so, ma hala hihikak-hahakak ta.

HAGAI 1:6

Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.

HAGAI 2:15

Manetualain nafa'da nae, “So'ba taoafik neu hata, fo ana da'di nai hua-binesak-ka so, fo nde Au Umang ia, beita tao matalolole fan! Nai faik ndia, emi so'dam-ma leo beek?

HAGAI 2:17

Au akona basa anin mato'bik-ka, ma u'da batuk-ka so, fo ana tao nakalulutuk basa emi tina-osim buna-boan; tehu emi ta nau fali ma'im-ma leo Au mai boen.

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.