HAGAI 1:6 - Susula Malalaok Hehelu Palak Ma Hehelu Beuk

⁶ Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.

HAGAI 1:6 ပူးပေါင်းရင်းမြစ်များ

2 SEMUEL 21:1

Nai tepo-lelek Dauk paleta, la'a-ndoes matuaina, ana da'di teuk telu dalen-na. Boema, Dauk noke natutu'duk neme Manetualain mai, la'eneu la'a-ndoes ndia, de ManetualainManakoasa nafa'da nae, “La'a-ndoes ndia da'di, hu kande Saul no teidalen-nala salan-na, nana ala taolisa hataholi Gibeon-nala.”

1RAJA-RAJA 17:12

Boema inafalu ndia nataa nae, “No Manetualain fo maso'dak-ka, na'den-na, fo hataholi Israel-la Manetualain-na, fo au soo ae au loting ta. Au anuu ka'da ha'desopuk la'uk esa nai mango dale, ma mina setun faa anak nai boto dale. Au bei hehele ai ha'i fo au do'de-nasu ha'desopu faa anak ndia, fo daenga au o au anang-nga mi'a. Ami nana'a mate'e ma nde ndia so; basa ndia soona, neukose ami mahani ka'da mamates sa mamain.”

NEHEMIA 5:2

Nggelok lafa'da lae, “Au anang makadotok. Ami paluu gandum fo ami maso'da.”

AYUB 20:22

Lelek tetu-teman boetai kae, doidosok ma dale he'dik-ka mai tunin-nalan.

AYUB 20:28

Neukose basa la'iesak su'i-beten lala'en-na, nanahu Manetualain nasa-melun, manalua ponu-ponun-na.

MAZMUR 107:34

Ana tao dae maoe-maisik-ka, da'di mook fo, daen-na masik, nanahu hataholi manaleo nai dae ndia, tatao-nono'i mangalaun-nala

AMSAL 11:24

Hapu hataholi ana hii fe, tehu boetai namasu'i, hapu hataholi ana hii kila-nakadidia, tehu ana boetai da'di nuu-taa hata-taak.

YESAYA 5:10

Neukose dae-a, ta fe buna-boak fa, osi angol fo loloan-na hektar 10 soona, buna-boan ka'da angol oek litel sanahulu. Bini-ngges litel natun esa soona, buna-boan ka'da gandum litel sanahulu.”

YEREMIA 12:13

Au anang-ngala sele-nggali gandum, tehu ala ketu-kolu dila-nggauk. Ala puselaipana no ue osak, tehu buna-boan ta. Au amanasa anseli os de nalosa ala ta ketu-kolu fa.”

YEREMIA 14:4

U'dan-na ta mai fa de dae-a tuk metomelok; manamaue-la potiketu mata-panan-nala nana delen-na ba'ihana nanseli.

YEREMIA 44:18

Tehu ami fe mate'e tutunu-hohotuk neu Ina Manek nusa so'dak-ka, ma ta di'a angol oek so'on da'di leo fefek neu fan, boema ami to'a-taa basa hata l'en-na; ami hataholim-mala mates nai natee-natatik-ka dalek do hukande la'a-ndoes-sa.”

HOSEA 4:10

Neukose, emi mi'a neme tutunu-hohotuk fo nanatunu-hotuk-ka mai, tehu neukose emi mamala'a mahele. Neukose emi sene-do'ok neu lamatua daebafak, fo ala lamaheles fe bubu'u-palusa lalole, tehu emi laum-ma ta namade'u fa, nana emi la'oela Au so, de emi meu sene-do'ok neu lamatua daebafak fe'ek-kala.”

HOSEA 8:7

Au anang-ngala sele-nggali anin, de neukose ala ketu-seu ani-sangu! Sila tina gandum-ma ta namalatu fa, de neukose ana ta fe buna-boak, fo ala tao ha'desopuk soaneu sila nana'an-na fa. Tehu, metema tina ndia namalatu boeo, neukose leoina fe'ek-kala, la'a heni gandum-mala.

IMAMAT 26:20

Emi sosota-mamangum lala'en-na, manada'di tak, nana emi dae-ma, neukose ta fe buna-boak, ma emi bubu'u-palusam, neukose ta labuna-laboa fa.

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

HAGAI 1:10

Hu ndia de, u'dan ta, de nalosa bubu'u-palusa ta hapu moli fa.

HAGAI 1:5

So'ba taoafik neu emi ha'da tataom leona!

HAGAI 1:7

Emi ta bubuluk, tao le'e de dede'ak ndia ana da'di?

HAGAI 1:9

Emi mamahena emi ketu-kolum buna-boan sasi kao-kao, te se'kona emi hapu ka'da faa anak nanseli; emi ho'i meni, emi ketu-kolum ndia buna-boan, tehu Au fun, nalosa anin-na fuu neni la'iesak-kasa. Tao le'e de, Au tao enok ndia? Natatan-na nde ia: Nanahu, Au Umang-nga bei nalupa ai-batu madodouk, tehu emi basa-basam-mala puselaipana no mafofo'a emi esa-esak uman.

HAGAI 2:16

Emi meu mete basa gandum manadodouk-ka so, de emi maedaenga, neukose emi hapu gandum kilo natun dua, te se'ko na hapu ka'da kilo natun esa. Emi meu, fo emi ndui angol litel natun esa neme tong angol dale mai, tehu hapu ka'da litel 40 nai tong ndia dalek.

HAGAI 2:17

Au akona basa anin mato'bik-ka, ma u'da batuk-ka so, fo ana tao nakalulutuk basa emi tina-osim buna-boan; tehu emi ta nau fali ma'im-ma leo Au mai boen.

ZAKHARIA 5:4

Manetualain Fo Manakoasa, nafa'da nae, soo-supak ndia, neukose Ana fen sa'e-na basa nakodaa-la, ma hataholi manasoo-supa pepekok-kala uman-na. Soo-supak ndia, neukose la'e nakandoo uma sila-la, losa ala da'di ai-batu madodouk.”

ZAKHARIA 8:10

Faik ndia beita losa fa, te ta hapu hataholi napalani se'ba hataholi do bana balakain, ma ta hapu hataholi naso'da no nee-nee lino-linok, neme musu-a nakasese'bon-na mai fa. Au tao-alas, esa nakasese'bok esa so.

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

ULANGAN 28:17

Sosoo-susupak ba'eneu emi gandum-mala, ma nana'ak fo, emi taon neme gandum ndia mai.