HABAKUK 3:16 - Susula Malalaok Hehelu Palak Ma Hehelu Beuk

¹⁶ Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

HABAKUK 3:16 ပူးပေါင်းရင်းမြစ်များ

AYUB 30:17

Nai fai le'odaen-na, basa au duing-ngala makei; au ame'da he'dis, fo manapapauk-ka, ta nau hahae fa.

AYUB 30:30

Au loung-nga nggeok; au aong-nga suumai.

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

AMSAL 12:4

Saoinak fo malole-a nde been-na, ana da'di saotoun-na dale namatutuan ma ua-nalen, tehu saoinak fo nakamamaek saotoun-na nde been-na, nono'kabai he'di-laus fo ana tao napulu-napo'o saotoun-na duin-nala.

AMSAL 14:30

Dalek fo manatesa-tamak-ka, taon-na aopaak-ka so'da-la'dak; tehu nape'da dalek-ka, nono'kabai he'di-laus, fo neni mamates.

YESAYA 21:3

Ninitak ndia, ana taon-na au apangamak, nalosa au ta hapu ita, do amanene so'on. Au bii-amata'u ma ame'da he'dis, sama leo inak manabongik-ka.

YEREMIA 23:9

Au hala haituang-nga nde ia la'eneu nabi-la; Au daleng-nga nakalulutuk ma au ndele nggebe-nggebe. Nanahu Manetualain ma hala kokolan fo malalao-malalafuk-ka, taon-na au sama leo hataholi manamafuk fo mananinu angol ba'uk.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YEREMIA 4:19

Au daleng-nga doi-doso nanseli, au ta akatatakak doidosok-ka so'on. Au ta ka'i abe'i au daleng-nga fa au teneng-nga hako, nai au fanang dale. Nana au amanene pupuuk-ka nalii, ma eeki musu-a, nadodolo

YEREMIA 5:15

Ai hataholi Israel-la lemin, Manetualain nadenu leoina esa, ana mai neme nusa dook mai, fo ana sapu-na emi. Leoina ndia, nai ia, neme makahulun eli mai so, emi ta malelak dede'an-na fa. Hataholi sila, balakain-na seli,

RATAPAN 1:13

Nakona ha'i-a neme lalai mai fo na'a losa au daleng dale. Ana lona hihi'ik nai au matang-nga, fo au tu'u u. Boema Ana po'ilotak au mesang-nga doi-doso fai katemak esa dalen-na.

RATAPAN 1:20

Ou, Manetualain! Taoafik neu au, nana au daleng-nga ta tesa-tama ma tasibu, nakalulutuk nanahu au nalelesi makahulung-nga. Nai enok-kala lain, hapu kanisak, Nai uma dale, hapu mamates.

YESKIAL 3:14

Manetualain koasa matuainan-na, ana mai leo au mai, de lelek Manetualain Duladalen-na so'u-na au de noo au, boema au ame'da daleng-nga makahe'duk, ma namahana.

DANIAL 10:8

Ala la'oela au mesang-nga eme ndia, de au taoafik neu ninitak fo manatao nanggengek ndia. Mopo au balakaing-nga, ma au mata-panang fula.

DANIAL 10:9

Lelek au amanene halan-na boema, au sapala'o losa au bala u dae lain.

DANIAL 8:27

Basa boema, au ame'da au aong-nga male, boema au amahe'di faik de'ubee dalen-na. Basa ndia boema, au fo'a de au tao-no'i seluk au bela-ba'ung soaneu manek-ka. Tehu au hela-hae no dudu'a-dodoo ninitak sila-la, tehu au ta alak sosoa-ndandaan fa.

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

LUKAS 21:19

Metema emi makatatakak ma ta haelai mamanasa fa soona, neukose emi maso'da.”