HABAKUK 3:11 - Susula Malalaok Hehelu Palak Ma Hehelu Beuk

¹¹ O kokou isim-mala lapu no lai-laik sama leo ndelas-sa, O tee isim-ma nangale'do boema le'do nate'e, ma bulak-ka nemek mamanan-na.

HABAKUK 3:11 ပူးပေါင်းရင်းမြစ်များ

MAZMUR 19:4

Ta hapu manamahalak do manakokolak fa, ta hapu halak fo nananamanenek fa.

YESAYA 28:21

Neukose Manetualain fo'a, sama leo nai Letek Perazim-ma. Neukose Ana ulepo'de, sama leo nai Bafak Gibeon-na, soaneu nakalala'ok dale tutu'un-na, dale tutu'un fo, hataholi daebafak-ka, dodoo doak-kana! Neukose, Ana nakalala'ok tatao-nono'in fo hataholi daebafak-ka, dodoo doak-kana ndia.

YESAYA 38:8

Neukose Manetualain taon-na, Manek Ahas-sa tao li'u, fo ana pake le'do-a salaon-na ndia, nakadedeak nggani eik sanahulu.” Boema salaok manai li'u ndia, nakadedeak nggani eik sanahulu.

YESAYA 49:2

Ana taon-na, au dede'a-kokolang tanen-na, sama leo tafaina tanen-na nenik liman-na mesak-kana Ana nasulu-nahapa au. Ana taon-na au da'di, sama leo kokouisi matane, de Ana pe'dan nai mamana pepe'da kokouisik dale.

NAHUM 3:3

Solda'du manasa'e ndala-la, ala sapu no tene henuk, no tafaina mangale'dok ma tee isi mangadilak. Ta leke-nala hataholi mates-sala fa, popolan-nala ladou-dou, de hataholi-la lakatunu.

HABAKUK 3:9

O sadia basa kokouk-ka so, kokou isik-ka nanasadiak soaneu po'in neu. Boema O ta'tiba'e daebafak-ka da'di lee.

ZAKHARIA 9:14

Neukose Manetualain natu'du aoinan-na neu anan-nala, Ana kou kokou isi manapilan-na, sama leo ndelas-sa. Neukose Manetualain fo Mademaina, Ana puu pupuuk-ka, fo da'di ta'du-tana natee-natatik mulai boema Ana la'ok tutulumatak, nai ani-sangu maneme kona, dalek.