HABAKUK 3:10 - Susula Malalaok Hehelu Palak Ma Hehelu Beuk

¹⁰ Letek-kala lita O boema, langgengo, u'dan-na neme lalai mai, sama leo nanapo'ak-ka. Tasiina manai daebafak-ka buin-na, oen-na nangguu, de lii-la lapoponu ma nggu-nggu.

HABAKUK 3:10 ပူးပေါင်းရင်းမြစ်များ

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

MAZMUR 104:32

Ana mete daebafak-ka, de Ana tao-nan dele, ana koila'e letek-kala, nalosa masun-nala kalua.

MAZMUR 148:7

Koa-kion leon, hai daebafak-ka oe-isin, hai buta tasi-la, ma tasi maloaina;

MAZMUR 18:15

Ana kou, kou-kou isin-nala de Ana tao tapasasala musu-a; ndelas-sa, nandela tutui-nato, de ana tao-nas nalai.

MAZMUR 65:13

Bi'ihii bi'ilopo, henu moo solokaek-ka, basa pupukun-nala, lamahoko-setelee.

MAZMUR 66:6

Ana tao nasafali tasi da'di dae ma'dak, de ami bei-ba'i kaim-mala la'o eik leo selik leu. Hu ndia de, ami mamahoko-setelee, nanahu tatao-nono'in.

MAZMUR 93:3

Tasi maloaina buin-na, botik halan-na, ou Manetualain, tasi maloaina tao namatua lii-a nggun-na.

YESAYA 43:20

Bana fuik-kala, neukose lamatutua-lamadedema Au; busa fuik ma manupui onta, neukose ala koa-kio Au nana Au fe oe-a, ana faa nai moo solokaek-ka, ma lee-la, lai moo maloa soaneu Au fe Au ana heheleng-ngala linu.

YESAYA 55:12

Neukose emi la'oela Babel no namahokok, ma nana-no falik no so'da-molek. Letek-kala, ma pupukuk-kala, neukose lamahoko-setelee, ma hika-latadale, ai manai tina-la, totoko liman-nala.

YEREMIA 4:24

Au ita letek ma pupuku mademaina-la langgengo matuainan-nanseli

MIKHA 1:4

Letek-kala noe henis nai ei tata'bu daen-na sama leo lilik-ka nai ha'i manapilak dale; daen-na ndefa, de ana tu'da leo bafak-kala dalek neu, sama leo oe faa neme pupukuk lain leo dae neu.

NAHUM 1:5

Letek-kala dele nai matan-na; ma basa pupukuk-kala boeo noe henis. Metema, Manetualain to'da mai soona, daebafak-ka dele, daebafak-ka no basa laun-nala dele.

HABAKUK 3:6

Metema O hahae soona, daebafak-ka dele. Metema O mete soona, leoina-la lakalupu-lakasee. Lete matea-mahelek-kala hea ba'es, pupukuk fo namadema neme doon losa doon-na boeo, ala kaba'o, nai pupukuk sila-la lain nde O la'ok neme tepo-lelek makahulun eli mai.

MATEOS 27:51

Boema temak nanalonak nai Manetualain Uman dale a, ta'ti ba'en neu biak dua neme lain losa dae. Boema daebafa ka nanggengo, ma lete batu la hea ba'es.

MATEOS 8:24

No kaiboik, ani matua ina da'di nai dano dale, de nalosa lii a ana puka ofa ka. Ndia te Yesus sungu.

IBRANI 11:29

Hu ka nde namahehele ka, de hataholi Israe la, ala hapu lena lala Tasi Pila sa selik, nono'ka bai ala la'ok nai dae ma'dak lai na, tehu hataholi Masir ala, tasi ndia ko'do henis nai lelek ala so'ba lena boe.

YOSUA 4:18

Basa imam sila-la losa lee su'un-na tu'tik-ka, lee ndia oen-na mulai faa falik, de oen-na makadotok nanseli, sama leo makahulun-na.

NINITAK 16:12

Basa ndia boema, ata nusa kane a ana po'a nggalaa na isi na leo Lee Efrat matuaina ndia dalek neu. Boema lee ndia ma'dan, de nalosa mane kala leme dulu mai de ala la'ok tunga dalek.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

NINITAK 6:14

Lalai mopo kana sama leo susula doo nanalunu ka, ma basa lete kala ma pulu la, ala ke'ko leme mamana nala mai.