HABAKUK 2:8 - Susula Malalaok Hehelu Palak Ma Hehelu Beuk

⁸ O bonga basa leoina ba'uk-ka uman-nala so, tehu leoina fo o ta hapu bonga uman-nala fa, neukose ala bonga o umam-ma, nanahu o tao basa kanisak so, ma nanahu o tatao-nono'im, fo ta nanuu dale susue-lalaik ndia neu nusa-nusak-kala, kota-kota-la, ma laun-nala.

HABAKUK 2:8 ပူးပေါင်းရင်းမြစ်များ

MAZMUR 137:8

Hai Babel, neukose o nanatao namopo-namatek! Maua-manalek ba'eneu hataholi fo, ana balas o tatao-nono'i mangalaum, fo o taon neu ami-a.

AMSAL 22:23

Nana neukose, Manetualain nasala'e sila dede'an-na, ma Ana ho'i falik hataholi manatuni-ndeni-nana, ani hahaen-na.

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

YESAYA 33:4

Hataholi manasapuk, ma manamamanako sila hata-heton-nala, sama leo lama bubuak-ka.

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YEREMIA 27:7

Basa leoina-la ala sene-do'ok neun, ma neu ana manen-na, ma neu upun-na losa fain nusan-na tu'da-monu aom. Nai lelek ndia te leoina Babel-la neukose sene-do'ok neu leoina-leoina fo mabe'i-balakaik ma manek matuainan-nala.

YEREMIA 30:16

Tehu besak ia basa manako'do emi-a, neukose nanako'dok, ma basa o musumom-mala neukose nanafoo nenik lo mamana tu'u-tapak-ka neu. Neukose Au tuni-ndeni manatuni-ndenik-ka, neukose Au amanako manamamanako emi-a.

YEREMIA 50:14

Hei emi manakou-la lemin! Tutu'u enok fo okofeo ma sapu-la Babel. Fe o kokou isim-ma lasale leo Babel, hu ka nde ana tao sala-singok neu Au.

YEREMIA 50:28

Basa hataholi mana malai leo Yerusalem fo mana neme Babel-la ala tui ita Amak Manetualain balas hataholi Babel-la tatao-nono'i neu Manetualain Uman-na.)

YEREMIA 50:37

Tao makalulutuk ndala ma kaleta musun-nala, tao susa-soe soloda'du nanaba'en-nala! Ala male lanseli! Loso-ma hata-heton-nala!

YEREMIA 51:13

Nusak ndia henuk no su'i-betes ma lee-la ba'uk, tehu fai so'dan-nala basan so; fai mamate-mamopo mate'en-na losa so.

YEREMIA 51:24

Manetualain nafa'da nae, “Emi mesam-mala meten neu leo, besak ia Au bala falik Babel ma basa laun-nala tatao-nono'in mangalauk neu Yerusalem.

YEREMIA 51:44

Neukose Au huku Bel lamatua daebafak Babel, neukose Au tao-an fe falik hata fo ana loso nak-kala. Leoinak-kala ta sene-do'ok neu ndia so'on. Papala-nanadamak Babel-la tu'u heni so.

YEREMIA 51:48

Basa hata manai lalai ma daebafak-ka lamahoko-setele hu ka nde Babel tu'da nai leoina kii-la liman dale fo manatao nakalulutuk-kala.

YEREMIA 51:8

No kaiboianak Babel tu'da de nakalulutuk. Kii makalelu neu ndia ma sanga akidok mo'do fo mamo'do neu bisu-na fafa'kama hapu hai.

YESKIAL 28:16

O langam-ma dila no ka'da nase'o-banasak-ka, de ndia nde neni o leo naseti-nalakak-ka ma sala-singok-ka neu. Boema, Au usiheni o meme Au lete malalao-malalafung-nga mai, de ata nusa so'dak manamanea o-a, ana usiheni o meme batu poemata mangadilak sila-la, tala'da mai.

YESKIAL 39:10

Da'di ta paluu leu hila ai ha'i, do leu lo'o ai nai nula dale so'on, nana ala la'oela tafa-sisilo sila-la, dai ala pakes da'di ai ha'i. Neukose lamanako, ma ala kalo hataholi fo lamanako, ma ala kalo leni sila hata-heton-nala. Au, Manetualain Fo Mademaina, nde manakokolak-ka.”

AMOS 3:10

Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

OBAJA 1:15

“Tete'ek-ka fain-na deka soaneu Au, Manetualain, aketu-ala'di leoina-la. Hata fo Edom tao-no'in, neukose ana hapu babalan-na. Boeo neukose, neme'da hata fo ana tao-no'in.

HABAKUK 2:10

Tehu o dale tutu'um ndia ka'da neni mamaek fe o teidalem-mala. No o bonga leoina ba'uk-ka uman-nala, de o makatutu'dak seluk o aoinam-ma.

HABAKUK 2:17

O lo'o ai nai Libanon nulan dale, de besak ia neukose o nde nanalo'o henik. O taomisa banan-nala, de besak ia, bana-la lakatata'u o. Basa sila-la ala da'di, nanahu kanisak ma tatao-nono'i susue-lalai tak fo o tao basan soaneu nusa-nusak-kala, kota-kota-la ma laun-nala.

ZAKHARIA 1:15

Tehu Au amanasa anseli, neu leoina fo lame'da nee-nee lino-linok, ma so'da-molek. Nana, nai lelek Au akatatakak Au nasang-nga, neu Au anang-ngala, leoina sila popo-tama seluk doidosok, neu Au anang-ngala.

ZAKHARIA 14:12

Neukose Manetualain fe he'di-laus mangalauk, neu basa leoina fo latee-lata'ti basa loo Yerusalem so. Hataholi sila matan-nala, ma maan-nala, nakalenak basa aoinan-nala lala'en-na, neukose laboo, te bei kaso'dak-kala.

NINITAK 6:10

Samanek sila la nggasi lapane'e lae, “Ou Lamatuak Fo Mana Koasa, O Malalaok ma Ndoos! Bei doobee seluk bai fo besa ka O maketu-mala'di laun manai daebafa ka fo hukus nanahu ala taolisa ami so?”