HABAKUK 2:7 - Susula Malalaok Hehelu Palak Ma Hehelu Beuk

⁷ Tehu o ta mame'da fa te, o fufu'di-oo'dok-ma hataholi fe'ek-kala, neukose lahuta-labu'u boe, de lakasetis fo ala bae bunak. Neukose o musum-mala, ala mai fo ala tao-la o bii manseli. Neukose lamanako-la o hata-hetom!

HABAKUK 2:7 ပူးပေါင်းရင်းမြစ်များ

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

PENGKHOTBAH 10:8

See kali bolok soona, neukose ana tu'da seluk leo dalek neu; see hona nakalulutuk papala nanadamak-ka soona, neukose menge malasok-ka kan.

YESAYA 11:13

Nusa Israel-la, ta nape'da dalek seluk no Yehuda, ma Yehuda ta musu seluk no Israel so'on.

YESAYA 41:25

Au adenu basa hataholi esa neme dulu mai so: Au aloon, fo ana sapu neme kii mai. Neukose, ana heheta-aa'i basa manakoasa-la, sama leo tane-a, sama leo manatao ulek-ka, heheta-aa'i dae ulek-ka.

YESAYA 46:11

Au aloo manakoasa esa, neme dulu mai ana mai sama leo manupui makaa-makisuk esa fo nakalala'ok Au nakeketung-nga. Hata fo Au afa'dan soona, neukose Au tao-no'in, hata fo, Au tutu'un soona, tao leo bee-o, neukose Au taon.

YESAYA 47:11

Tehu, neukose soe-a, tuni-ndeni-na o, o malela suangim-ma, ta hapu usiheni fan. Neukose soe-a, ana mai leo o mai, fo o ta sili mabe'i fan. Mamate-momopok-ka, neukose ana mai no kaiboik, fo o ta bubuluk fa.

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

YEREMIA 51:57

Neukose Au tao amafuk manaho'u paleta Babel – basa hataholi malelak-kala, mauli-malanga ma soloda'du. Sila ta fo'a soon, sungu losa dodoon-na. Au nde makokolak so; Manek-ka nde Au, Au Manetualain Fo Manakoasa.

YEREMIA 8:17

Manetualain nafa'da nae, “Taoafik leona, te besak ia, Au adenu menge-la leu leo emi tala'da heom meu, fo ala kaa emi, ma metema menge malasok-ka, ana kaa soona, mo'do-akidoon ta.”

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.