HABAKUK 2:5 - Susula Malalaok Hehelu Palak Ma Hehelu Beuk

⁵ Su'i-betes ndia, ana ke'di-ndiu hataholi-a do'e-do'e. Hataholi manatenepetak ndia koao-ndaeao ma ana hela-hae. Sama leo mamates-sa, ndia boeo ta neme'da dai fa. Natona-na leoina esa; fo basa soona leoina esa seluk.

HABAKUK 2:5 ပူးပေါင်းရင်းမြစ်များ

2RAJA-RAJA 14:10

O, fo Amazia, manako'ao-ndaeaok, nanahu o sengi hataholi Edom-mala so. Nah, ade sesengik ndia, dai so hetu? Malole lenak, o meme ka'da uma! Sosoak hata, sanga dede'ak, fo neukose, ka'da nini soe fe o, ma o laum-mala?”

MAZMUR 138:6

O mamanam-ma, deman-na seli, tehu O taoafik neu hataholi, matasi'da-matasaek-ka boe; hataholi manakoao-ndaeaok-ka, ta hapu nafuni neme O mai fa.

AMSAL 20:1

Ala-lalu-a, taon-na hataholi-a da'di malela ha'da tak ma manatao tasi'bu. Hataholi fo ninu losa ana mafuk soona, hataholi nggoak ndia.

AMSAL 21:24

Hataholi manakoao-ndaeaok, ma namatutua-namadedema aoinan-na, ana hii ka'da nakamuu-nakadau, ma malela ha'da taak.

AMSAL 27:20

Hapu mamanak tataas esa, nai hataholi manamatek-ka, daebafan-na; leondiak boe, hataholi daebafak-ka, dale hihiin-na ta hapu too-lanen fa.

PENGKHOTBAH 5:10

Hataholi esa su'i-beten boetai lamaba'uk-ka, boetai ana muse fe hataholi fe'ek ba'uk-ka la'a. Ta hapu nanalak ba'eneu manonuuk-ka fa, ka'da ana bubuluk nae ndia kamasu'ik

YESAYA 14:6

fo ala tuni-ndeni leoina-la no nasa-meluk, ma ala fepa-li'us lakandondoo henin

YESAYA 16:6

Leoina Yehuda nafa'da nae, “Ami mamanene basa, leoina Moab-pa, koao-ndaeaon so. Ami bubuluk lae sila lamatutua-lamadedema aoinan-nala ma koao-ndaeaok. Sila hala-kokolan-na ka'da bafa louk, fo isin ta.”

YESAYA 2:17

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose nanane'e nakatelek. Ka'da Manetualain mesak-kana, nde nananamatutua-namadedemak-ka.

YESAYA 21:5

Boeo au ita feta fo, nanasadia basak so; hataholi nanaka'ik-kala mamana tutuun-na, nanasadiak. Ala la'a ma linu. No kaiboik, paleta nananamanenek nae, “Hai malanga solda'du matuaina-la lemin! Mafafa'u emi babaa fanam-mala!”

YESAYA 5:14

Mamates-sa bafan ka'u-ka'u, soaneu ana ko'do heni hataholi nananita-nalelak manai Yerusalem-mala, sama-sama loo laun fo ala feta-dote sama-sama.

YESAYA 5:8

Soe ba'eneu emi fo manaasa uma-la, ma malaka-ma tina-la, soaneu popo-tama seluk neu emi hata-hetom-mala! Ta dook-ka so'on te, ta hapu mamanak soaneu hataholi fe'ek-kala so'on fo ka'da emi nde leo nai nusak ndia.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 50:29

Manetualain nafa'da nae, “Mafa'da basa manakou-la sapu-la Babel. Mafa'da neu basa manakou malelak-kala okofefeo kota ndia ma boso ela esa nala deak boen. Fe falik sila tatao-nono'in ma taon sama leo ndia ha'da palin-na hu ka nde ndia ta fe ha'da-holomata neu Au, Israel Manetualain fo Malalao-malalafuk-ka.

YEREMIA 51:39

Boema sila lahik la'a, neukose Au sadia nana'ak fe sila ma Au tao alas langan-na laleo fo ala sungu ma ta fo'a fa.

HABAKUK 1:15

Leoina Babel-la ho'u hataholi-la nenik dolu, nono'kabai, i'ak hataholi sila-la. Ala lele'a-loloso hataholi sila-la leo dala-la dalek neu, de leoina Babel-la namahoko, hu ka nde sila dalan-na maisik.

HABAKUK 1:17

Masa bole, ala fe'a tafainan-nala lakandoo, fo taolisa leoina-la ta no do'o do ampon fa?

HABAKUK 2:4

Mafandendelek te, hataholi mangalauk-ka, neukose ta naso'da fa, tehu hataholi manatao tunga Manetualain hihii-nanaun-na, neukose naso'da, nanahu ana lilineka neu Manetualain.”

1 TESALONIKA 4:11

Sanga enok fo maso'da pe'daom, fo boso meu sese'do-babalik nai hataholi fe'ek dede'an dale. Ela leo bee na, emi tunga sanga emi so'da ma, sama na leo makahulu na, ami mafa'da basan neu emi so.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”