HABAKUK 2:18 - Susula Malalaok Hehelu Palak Ma Hehelu Beuk

^18-19 O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

HABAKUK 2:18 ပူးပေါင်းရင်းမြစ်များ

MAZMUR 97:7

Basa hataholi fo, manasene-do'ok neu sosongo-tatangok-ka, neukose nananakamumulu-nakamamaek, ma hataholi fo, dalen-na namatua neu bua-lo'as fo sosoa-ndandaan tak-kala; basa lamatua daebafak-kala, neukose ala sene-do'ok nai Manetualain matan.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 37:38

Nai faik esa, fo nai lelek ana bei sene-do'ok nai Lamatua Daebafak Nisrokh-ka uma sosongon dale, te anamanen Adramelekh ma Sarezer, tatilisan nenik tafaina. Basa ndia boema, lalai leo Ararat leu. Anamanen fe'en esa, na'de Esarhadon, nggatin da'di manek.

YESAYA 40:19

Ndia ta sama leo, tuka-la tao dodoki-dudulak-ka fa, dodoki-dudulak fo, nananakadidita lilopilas, ma buin-na lilofulak.

YESAYA 41:26

Nai emi dalek, see kande, nafa'dan neme makasososan mai nalosa ami bubuluk-kana? Tehu nai emi dalek, ta hapu esa nafa'dan boen, emi kokolak soona, ta hapu hataholi namanene fa

YESAYA 42:17

Hataholi fo, namahele neu dodoki-dudulak sosongo-tatangok-ka, ma ana manakun da'di leo lamatua daebafak soona, neukose nananakadadaek, ma nananakamumulu-nakamamaek.”

YESAYA 44:12

Tuka besi esa, ana ho'in-na liti bibiak esa, fo ana taon leo ha'i lain neu, fo ana tutun nenik tututuk. Ana tutun nenik basa be'i-balakain lala'en-na. Lelek ana tutu boema, namala'a, maan-na ma'dak-ka, ma ana sota-mangu.

YESAYA 45:16

Basa hataholi manatao dodoki-dudula sosongo-tatangok-kala; neukose nananakamamaek ma nananakadadaek

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

YEREMIA 51:17

Mete basa sila boema hataholi lame'da lae sila nggoak ma ta lanuu dudu'a-aafik fa. Basa manatao lilo-henu mapo matan-nala, hu ka nde sila dodoki-dudulan-na pepekok ma hahaen ta.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

YUNUS 2:8

Manasongo-tangok sosoa-ndandaa taak-kala, la'oela O, de ala ta lilineka so'on.

ZAKHARIA 10:2

Hataholi la loke natutu'duk neme sosongo-tatangok ma neme basa hataholi malelak-kala mai, tehu ala hapu natataak-ka nde been-na, ka'da masapepeko-masandandalik, ma kokola bafa louk mesan. Hapu nggelok lafa'da mangalele'do me'i-afek, tehu sila nafa'da mangalele'don-na, tao-na emi matofa-matalak, ma ala fe kokoe-nanasik-ka, sosoa-ndandaan ta. Hu ndia de, laun-na tapasasala, sama leo bi'ilopo-a. Ala male-tale, hu kande ta lanuu mauli-malangan fa.

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

1 KORINTUS 12:2

Mafandendelek te, nai lelek fo emi beita malelak Lamatua ka, ala dudungu-papau emi fo emi sene-do'ok neu sosongo-tatango hala-kokola ta ka.

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

HAKIM-HAKIM 17:4

Mikha fe falik basa doik sila-la leo inan neu boema, inan ho'i-na doik sila-la 200, de ana fen leo tuka lilofulak esa neu. Boema, nadenu tuka ndia, tao dodoki-dudulak esa, neme ai mai, fo nakadiditak-kana nenik doi fulak sila-la. Basa boema, ana pe'da ai nanadoki-dulak ndia neu Mikha uman.

SEMUEL SUSULAK-KA ESAN-NA 12:21

Boso tunga lamatua daebafak-kala, fo ala ta hapu tulu-fali emi ma soi-tefa emi fa, nanahu tunga ndoon-na, lamatua daebafak ta.