HABAKUK 2:12 - Susula Malalaok Hehelu Palak Ma Hehelu Beuk

¹² O nanasoo-supak! O mapadedeik kota neu tatao-nono'i mangalauk lain, ma o mafofo'an nenik kanisak.

HABAKUK 2:12 ပူးပေါင်းရင်းမြစ်များ

1RAJA-RAJA 16:34

Nai tepo lelek fo Ahab paleta, Hiel fo hataholi Betel ndia napadedeik falik kota Yerikho-a. Tehu sama leo hata fo makahulun-na Manetualain nafa'dan tunga Yosua fo Nun anan-na nae, neukose mate Hiel anan dua fo nde: Abiram fo uluk-ka, maten nai lelek Hiel pe'da kota ndia batu makasososan-na, ma Segub fo muliana ka maten nai lelek Hiel pasak kota ndia lelesuinan-nala.

YESKIAL 24:9

Manetualain Fo Mademaina, nafa'da nae, “Soe ba'eneu kota fo henuk no kanisak-ka! Au mesang-nga nde, neukose akaduduluk ai fo hotuheni kota ndia.

MIKHA 3:10

Emi mafofo'a Yerusalem, fo Manetualain kotan-na, nenik kanisak ma ta tunga ndoos ma matetuk-ka fa.

NAHUM 3:1

Soe ba'eneu kota ia, fo henuk no masapepeko-masandandalik ma kanisak; henuk no bua-lo'a naseti-nalakak, do bua-lo'a namoak.

HABAKUK 2:6

Tehu natona-na basa leoina sila-la, neukose lakamuun, ma ala hakinonolin. Neukose lafa'da lae, “O nanasoo-supak nana o pe'da madoudou buas fo ta o nuum fa! Losa fai hi'da, o tao mamasu'i o aoinam-ma nenik o laka hataholi manamahutak neu o-a, fo ana bae hutan-na?”

2 KORINTUS 1:21

Manetualain mesa kana nde tao na ami ma emi tatea-tahele da'di esa to Kristus. Ndia boeo nde hele heheli ita soaneu aoina na.

YOSUA 6:26

Nai lelek ndia, Yosua kalua kena-ka'ik-ka nde ia nae, “Su'di see boe, fo ana sanga enok nafofo'a falik kota Yerikho ia soona, neukose Manetualain soo-supan la'en. Soo-supak-ka nde ia: See kande nafofo'a falik kota Yerikho-a soona, neukose namopo ana ulun-na; ma see kande pasak falik lelesuinan-nala soona, neukose namopo ana mulianan-na.”

NINITAK 17:6

Boema au ita inak ndia mafuk hu ka nde Manetualain hataholi kamahehele nala daa na, hataholi fo nanataonisak nanahu ala lilineka neu Yesus. Lelek au ita inak ndia boema au bafang poo-poo.