HABAKUK 1:8 - Susula Malalaok Hehelu Palak Ma Hehelu Beuk

⁸ Ndalan-na nggafan-na lena heni meoasu ma makaa-makisun lena heni busafui kamala'ak-ka. Solda'du manasa'e ndalan-nala, ala mai leme nusa dook-kala mai; mamain-nala sama leo manupui balupua la'u manuana.

HABAKUK 1:8 ပူးပေါင်းရင်းမြစ်များ

AYUB 9:26

Sama leo ofa baluk-ka nalaik, leondiak boe au so'dang-nga mopo-kana no lai-laik, sama leo balupua la'u manuana.

YESAYA 11:14

Neukose lakabubua, fo ala sapu-la hataholi Filistin-nala nai muli, fo ala kalo leoina-la nai dulu. Neukose ala sengi Edom ma Moab, ma leoina Amon-na, neukose nakatele neus.

YEREMIA 4:13

Mitak musu-a, ana to'da mai, sama leo ko'as-sa. Kaleta musun-nala, sama leo ani-sangu matuaina, ndalan-nala nggafan-na lena heni manupui kaka'ka. Wah, ita soe! Ita mopo-mate!

YEREMIA 48:40

Manetualain nafa'da sama, “Leo manupui kaka'ka la'u menik li'da lalapan-na, sama leo ndiak neukose leoina esa mai ma sapu-na Moab.

YEREMIA 5:6

Hu ndia de, neukose singa neme nula dale mai, fo taonisas, ma busa fuik-ka neme moo solokaek-ka mai, fo sii-sii lulu'is. Neukose meoasu-la lapanggela, fo ala sanga nana'an-na, nai deka no sila kotan-nala, fo ba'eneu hataholi see, fo ana kalua soona, neukose ala kaa-nan. Basa sila-la ala da'di, nanahu ala tao sala-singok makadotok so, ma lasadea Manetualain la'inono'ik.

YEREMIA 50:42

Ala leni kokouk ma tee; sila mangalaun-nanseli ta lalelak do'o do ampon fa sama leo tasi fo'a, ndala-la lakadi, fo sila nde fes leu tao musu no Babel.

RATAPAN 4:19

Manausi ami-la, lalaik lai-lai nanseli lai lena heni manupui kaka'ka. Ala usi ami nai letek-ka ma lapadei-la ami nai moo solokaek-ka.

YESKIAL 17:12

“Matane malenalanga-masa'basook sila-la, ade sila lalelak nakandandaak ndia, sosoa-ndandaan do ta Mafa'das mae manek Babel-la nai Yerusalem so, de ana foo neni mane Yehuda no basa kota ndia hataholi matua-mademan-nala, leo Babel leu.

YESKIAL 17:3

Mafa'das mae, Manetualain Fo Mademaina, nafa'da emi nae leo ia: Manupui kaka'ka matuaina esa, bulun-na mana'ahiik, ma li'dan-na maloaina, ma balakain-na seli. Ana laa leo Letek Libanon-na poin-na neu, de ana helu la'di kaiou pe'duk, ndanak esa,

YESKIAL 26:11

Solda'du manasa'e ndala sila-la, neukose ala sapu-la o laum-mala, lai o enom-mala lain, fo ala taolisas lenik sila tafainan-nala. Neukose ala tao lakalulutuk lutubatu fo o koa-kiok-kala.

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

NAHUM 2:5

Laloo basa malanga solda'dun-nala fo tutulumatak, lakatunu kose-kose, nai lelek ala sapu. Ala la'ok lai-lai leo kota ndia papala nanadaman-na leu. No lai-laik, lapadedeik besi manahona nakalulutuk-ka.

ZEFANYA 3:3

Kota ndia hataholi matua-mademan-nala, sama-na leo singa, fo ala nggasi beau. Manamaketu-mala'din-nala, sama-na leo busa fui kamala'ak-ka. Ala tenepeta lanseli, nalosa ta la'a ela paa dui esa boen, soaneu balahaa fa.

MATEOS 24:28

Nai bee hapu paa puluk soona, nai ndia hapu manupui mana'a paa pulu kala.”

LUKAS 17:37

Boema Yesus ana manatunga nala latanen lae, “Lamatuak, neukose dede'ak ndia ana da'di nai bee?” Boema Yesus nataa nae, “Nai bee hapu popolak soona, manupui mana'a popola kala lai ndia.”

ULANGAN 28:49

Neukose, Manetualain nadenu leoina esa, ana mai neme daebafak-ka pe'dan-na mai, fo ana la'ban emi, tehu emi ta malelak dede'an-na fa. Neukose, ala la'u leni emi, sama leo manupui kaka'ka, ana la'u neni manuana.