HABAKUK 1:6 - Susula Malalaok Hehelu Palak Ma Hehelu Beuk

⁶ Leoina Babel fo makaa-makisuk ndia, neukose Au taon da'di leoina manakoasa. Ala kalua lakadadalak leme nusan-na mai, fo ala la'ok okofefeo basa daebafak-ka, soaneu ala paleta leoina fe'ek-kala.

HABAKUK 1:6 ပူးပေါင်းရင်းမြစ်များ

2RAJA-RAJA 24:1

Nai tepo-lelek fo Manek Yoyakim-ma paleta, Nebukadnezar, fo manek Babel-la, neu sapu-na Yehuda, de ana sengin. Yoyakim nakatele neu Nebukadnezar, teuk 3 dalen-na, tehu basa boema, ana ta tunga paletan-na so'on, de ana la'ban-nana.

2RAJA-RAJA 24:2

Boema, Manetualain nadenu hataholi mangalauk-kala ho'u tafa-sisilo, leme leoina Babel, Siria, Moab ma Amon mai, de ala la'ban Yoyakim, boema ala tao lakalulutuk Yehuda, de nandaa no Manetualain nafa'da basan tunga atan-nala, fo nde nabi-la.

2TAWARIKH 36:17

Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

2TAWARIKH 36:6

Lelek Nebukadnezar fo manek Babel-la loso-na Yehuda boema, ana ho'un-na Yoyakim, de noon no nanalangek leo Babel neu.

YESAYA 23:13

Leoina Babel-la, nde po'ilotak bana makaak-kala koasa kota Tirus-sa, te ta leoina Asyur-ra fa. Sila boeo, nde lapadedeik uma puni madema natee-natatik-ka, tao latu'u kota musun-nala, de ala tao kota ndia da'di ai-batu madodouk.)

YEREMIA 13:20

Manetualain nafa'da neu Yerusalem laun-nala nae, “Taoafik leona! Emi musum-mala mai leme kii mai! De hataholi-hataholi fo emi masulu-mahapak-kala, ma emi mamahenak-kala lai bee.

YEREMIA 21:4

leu lafa'da neu Zedekia lae Manetualain o Israel Manetualain nafa'da nae, “Zedekia, neukose au tao akala o soloda'dun-nala fo ala bei latee-latati la'ban Babel manen no soloda'dun-na. O soloda'dun tee-tafan-nala neukose au tao aodos nai kota tala'da heon.

YEREMIA 21:7

O mo basa o mana'anggadi-la ma basa hataholi-hataholi fo lala deak neme natee-natatik-ka, la'a-ndoes-sa, ma he'di-laus matuaina, basa basas neukose au po'ilotak-kasa nanaho'u-nak neme manek Nebukadnezar-ra ma neme musu mok fo ala nau tao lisa emi-a. Neukose Nebukadnezar tao nisa emi basa no ta pake do'o do ampong fa, ma ta pake susue-lalaik fa. Au, Manetualain, nde manakokolak.”

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 30:5

“Au amanene basa hataholi fo manadele nggebe-nggebek-ka naka'di-nakaun, ma hataholi manabiik-ka fo ta nanuu dale nakaloe-nakadae aok-ka naka'di-nakaun boe.

YEREMIA 4:11

Neukose fain-na losa, fo hataholi Yehuda-la, ma laun Yerusalem-mala hapu halak, nae ani mato'bik-ka ana mai neme moo solokaek-ka mai, fo nasale leo ita mai. Anin ndia, ta anin biasa, fo ana fuu neni ka'da ha'deuk-ka mesan-na fa,

YEREMIA 4:6

Matu'du enok leo Sion, fo Manetualain Pupukun-na neu, la-lai, malai la'oela nusak-ka, boso ka'da pe'daaom. Manetualain fe soe-a mai ma nakalulutuk matuaina neme kii mai.

YEREMIA 4:8

Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

YEREMIA 5:15

Ai hataholi Israel-la lemin, Manetualain nadenu leoina esa, ana mai neme nusa dook mai, fo ana sapu-na emi. Leoina ndia, nai ia, neme makahulun eli mai so, emi ta malelak dede'an-na fa. Hataholi sila, balakain-na seli,

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

YESKIAL 16:40

Neukose, ladenu hataholi makadotok tapa o, nenik batu, ma ala kekee o aopaam-ma nenik tafaina.

YESKIAL 21:31

Neukose, Au kaluaheni Au nasa-melung fo, manalua ponu-ponung-nga neu emi. Neukose, Au fe emi leo hataholi fo, dale susue-lalai tak-kala neu, fo ala tao lamate-lamopo emi.

YESKIAL 31:12

Solda'du nusa dea fo, ta lalelak susue-lalaik ndia fa, neukose ala lo'ohenin, boema ala po'ilotak-kana lee-lee neme ndia. Ndanan fo la'dihenik-kala, neukose ala tu'da beepoko nai basa letek-kala poin-na, ma nai bafak manai nusak ndia. Basa leoina fo, ala hahae lai huun-na, neukose lalai la'oelan.

YOEL 2:3

Ala tao lisa basa bubu'u-palusa lala'en-na, sama leo ha'i na'as de putus. Makahulun-na, nusak ndia sama leo Eden, fo Manetualain osin-na, Basa ndia boema, nalupa leo mo solokaek fo na'u-aiana ta moli fan. Ta ela hata esa boen, ta hapu hata esa boen, fo naladeak neme lamak sila mamain-na fa.