HABAKUK 1:2 - Susula Malalaok Hehelu Palak Ma Hehelu Beuk

² Ou Manetualain, au muse oke tutulu-fafalik losa faihi'da? Faihi'da fo besak-ka O mamanene ma soi-tefa-mala ami neme tuni-ndenik-ka mai?

HABAKUK 1:2 ပူးပေါင်းရင်းမြစ်များ

AYUB 19:7

Au aule-ahelu, hu kande tatao-nono'in, fo ta nanuu dale ksian ndia fa, tehu, ta hapu hataholi esa boen, taoafik neu au fa. Au ngasi ae, “Ndoos ma matetuk-ka nai bee,” tehu, ta hapu hataholi namanene au fa.

MAZMUR 22:3

Ou au Manetualaing, au aloo bou-bou nai fai lele'don-na, tehu O denge-denge mahele. Au hule-haladoi nai fai le'odaen-na, tehu au daleng-nga ta tesa-tama fa.

MAZMUR 94:3

Ou Manetualain, hataholi mangalauk-ka, namahoko-setelee losa fa'ihi'da? Losa faihi'da, ou Manetualain?

YEREMIA 14:9

Tao le'e de O sama leo hataholi fo mapangamak-ka; sama leo palani tatibatu fo ta tulu-fali be'i fa do? Tehu, tao leo beeo O nai ami tala'da, Manetualain! Ami anam-mala, de O boso la'o ela ami!’ ”

RATAPAN 3:8

Au akadii-akau oke tutulu-fafalik, tehu Manetualain ta nau namanene fa.

ZAKHARIA 1:12

Boema, ata nusa so'dak ndia nae, “Manetualain Fo Manakoasa, O mamanasa Yerusalem ma kota-kota manai Yehuda-la, teuk hituhulu dalen-na. Neukose O mamanasa maheles, ma ta fe do'o do ampon neu fas losa faihi'da?”

NINITAK 6:10

Samanek sila la nggasi lapane'e lae, “Ou Lamatuak Fo Mana Koasa, O Malalaok ma Ndoos! Bei doobee seluk bai fo besa ka O maketu-mala'di laun manai daebafa ka fo hukus nanahu ala taolisa ami so?”