HABAKUK 1:13 - Susula Malalaok Hehelu Palak Ma Hehelu Beuk

¹³ Tehu, tao le'e de O makatatakak, mete hataholi manatao mangalauk fo dale susue-lalai tak sila-la? Ade O ta malalao-malalafuk manseli, soaneu mete tatao-nono'i magalauk fa hetu? Ade O ta malua mete ta ndoos ma matetuk-ka fa hetu? Da'di, tao le'e de, O ka'da denge-denge, nai lelek hataholi malenalanga-masa'basok-kala tao lakalulutuk hataholi kamahehelek-kala?

HABAKUK 1:13 ပူးပေါင်းရင်းမြစ်များ

2 SEMUEL 4:11

Neukose, au aketu huhuku nabelaina lena seluk, soaneu hataholi dale mangalauk, fo manataonisa hataholi sala taak-ka, bei sungu nai uman dale. Besak ia, nau do ta nau fa, au muse balas emi kanisam ndia, boema au tao amopo-amate emi neme daebafak ia poin-na mai!”

1RAJA-RAJA 2:32

Neukose Manetualain hukun nanahu kanisak fo ana taon te au amang ta bubuluk fa. Abner, Ner anan-na fo Israel malanga solda'du matuainan-na ma Amasa, Yeter anan-na fo Yehuda malanga solda'du matuainan-na ta lasala fa. Sila malole lena neme Yoab mai, tehu ana taonisas.

ESTER 4:14

Tao leo bee-o, neukose hataholi Yahudi-la tulu-falis nenik enok matak leo beek-ka boe, fo nalosa laso'da. Tehu metema, o ka'da denge-denge mahele nai manada'dik leo ia-ka dalek soona, neukose mate o boe, fo neukose, mopo o amam teidalen-na tutuin-na. See bubuluk, fafa'kama hu kande no enok ia, de o nanahele basak da'di ina manek so!”

AYUB 15:15

Nakalenak, ata nusa so'dak-kala boeo, Manetualain ta namahele fas; nana tunga Manetualain mata memeten-na, sila ta malalao-malalafuk fa.

AYUB 21:7

Tao le'e de, Manetualain fe hataholi mangalauk-ka, teun-na namanalu, ma hata-heton-nala, boetai lamaba'uk-ka?

AYUB 24:23

Manetualain fen naso'da no mole-dame, tehu Ana ta hahae nanea fan.

MAZMUR 10:15

Helu la'di hataholi mangalauk-ka, ma hataholi malelesik-kala, koasan-na; hukus, nanahu tatao-nono'in-nala, losa lame'da litan fo ala bii.

MAZMUR 18:26

Manetualain, O lilineka neu hataholi fo manalilinekak-ka, ma malole neu hataholi fo malole-a.

MAZMUR 25:3

Hataholi fo nalelesi O-a, neukose nananakamumulu-nakamamaek, tehu hataholi fo namahele neu O-a, neukose dalen-na ta ba'ihana fa.

MAZMUR 35:17

Losa faihi'da, ou Manetualain, ka'da O mete leondiak losa fa'ihi'da? Soi-tefa-mala au, neme sila mamain-na, Soi-tefa-mala au, neme singa sila-la mai.

MAZMUR 35:22

Tehu O Manetualain, O mitan so; boso denge-denge, ou Manetualain boso dook-ka meme au mai.

MAZMUR 35:25

Boso po'ilotak, ala lafa'da lai dalen-nala dalek lae, “Makasi, ita taotisan so Ita hihii-nanaun nanatao natetuk so!”

MAZMUR 50:21

Ndia nde o taon, tehu Au ka'da denge-denge, da'di tunga o dale dodoom-ma, Au sama leo o. Tehu besak ia, Au akamuu-akadau o, ma basa sila-la, Au taos da'di mangale'dok ba'eneu o.

MAZMUR 50:3

Ita Manetualain-na, Ana mai te Ana ta pe'dak lima-ein fa, Ha'i manapila masalolo'dek-ka, ana mai nakahuluk-kana, ma ani-sangu matuaina, okofefeo-nan.

MAZMUR 73:3

nana au ape'da dalek neu hataholi manakoao-ndaeaok-ka, ma nai lelek au ita hataholi mangalauk-ka, ua-nalen malole.

MAZMUR 83:1

Asaf Kokoa-kikion: nakameek esa.

YESAYA 21:2

Au hapu ninitak la'eneu manada'dik-kala leni bibii-namata'uk; la'eneu nalelesik ma mamate-momopok. Tutulumatak, solda'du Elam-mala lemin, fo sapu leona! Hai solda'du Madai-la lemin, makahapi-man leona! Neukose Manetualain tao nate'e basa Babel tao doidosok-kala.

YESAYA 24:16

Nakamee kokoa-kikiok soaneu Israel fo, leoina manatunga paleta, nananamanenek neme daebafak-ka bu'un-na mai. Tehu soe ba'eneu au! Au aong-nga ta napena fa. Malelesik-ka, bei nalelesi nakandoo, nakalenak ala boetai lalelesik-ka.

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

YESAYA 64:12

O mita basa sila-la, ou Manetualain, masa bole, O ka'da denge-denge? Ade, neukose O po'ilotak ami doi-doso manseli do?

RATAPAN 3:36

nanahu ala puta-paik ndoos ma matetuk-ka soona, tao leo bee-o Manetualain bubuluk ma Ana taoafik-kana.

HABAKUK 1:14

Tao le'e de, O mete hataholi daebafak-ka, sama leo i'ak manai tasi dale-la, ma sama leo lama-bobo'i mauli-malanga tak-ka?

ZAKHARIA 8:17

Boso tutu'u eno mangalauk neu emi nonoo hataholim-ma. Boso soo-supa pepekok. Au ta hii masapepeko-masandandalik ma ta manatao tunga ndoos ma matetun-na ma naseti-nalakak-ka fa.”

HATAHOLI 2:23

Manetualain naketu basa nae, Ana fe emi Yesus fo dede'ak ndia nandaa no dale tutu'u na. Tehu nai lelek fo Ana fen mai, boema emi taomisan, nana emi po'ilotak hataholi mangalau kala, ala lona nggange lisan.

ULANGAN 23:15

“Metema, ata esa nalai la'oela tuan-na, boema ana mai leo emi mai, fo noke nasulu aon-na soona, boso madenu falik-kana.