HABAKUK 1:10 - Susula Malalaok Hehelu Palak Ma Hehelu Beuk

¹⁰ Ala hakinonoli mane-manek-kala ma ala hika hataholi mana'a ngga'di matua-madema-la. Ala heheta-aa'i solda'du-la kota musun-na, fo lakadofun nenik dae, boema ala loso-la solda'du-la kota musun ndia.

HABAKUK 1:10 ပူးပေါင်းရင်းမြစ်များ

2RAJA-RAJA 24:12

de Mane Yoyakhin-na no inan, anan-nala, malanga solda'du manai lain-nala, ma uma manek-ka, hataholi mana'a ngga'din-nala, lakatele neu Nebukadnezar. Boema Yoyakhin da'di hataholi nanafoo nenik. Dede'ak ndia, ana da'di ndek lelek Nebukadnezar, paleta neu teu ka 18-na.

2TAWARIKH 36:10

Neu teu manamaik-ka boema, Manek Nebukadnezar-ra foo neni Yoyakhin leo Babel neu da'di leo hataholi nanafook, ma ana ho'i neni bua-lo'a kabelik-kala leme Manetualain Uman-na mai boe. Basa boema Nebukadnezar so'u Zedekia, fo Yoyakhin to'o-na da'di manek neu Yehuda ma Yerusalem.

2TAWARIKH 36:6

Lelek Nebukadnezar fo manek Babel-la loso-na Yehuda boema, ana ho'un-na Yoyakim, de noon no nanalangek leo Babel neu.

YESAYA 10:9

Au loso-a kota Kalno, ma kota Karkemis, kota Hamat ma kota Arpad-ta. Au loso-a kota Samaria, ma kota Damsyik-ka boe.

YESAYA 14:16

Hataholi manai ndia-la, neukose langanalo ma ala mete tee-tee o. Neukose latane lae, ‘Hataholi manatao-na daebafak-ka dele, ma nusak-kala langgengo-a nde ia do?

YESAYA 37:13

Manek kota Hamat, manek kota Arpad, manek kota Sefarwaim, manek kota Hena, ma manek kota Iwa, lai bee?”

YEREMIA 30:5

“Au amanene basa hataholi fo manadele nggebe-nggebek-ka naka'di-nakaun, ma hataholi manabiik-ka fo ta nanuu dale nakaloe-nakadae aok-ka naka'di-nakaun boe.

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

YEREMIA 33:4

Manek Yehuda uma manen-na, ma uma manai kota Yerusalem-mala ala ofe henis fo ala tao latea-laheles soaneu musu-a mamain-na. Tehu Au, Manetualain, fo Israel Manetualain, nafa'da nae,

YESKIAL 21:31

Neukose, Au kaluaheni Au nasa-melung fo, manalua ponu-ponung-nga neu emi. Neukose, Au fe emi leo hataholi fo, dale susue-lalai tak-kala neu, fo ala tao lamate-lamopo emi.

YESKIAL 26:8

Nai natee-natatik ndia dalek, neukose ala taolisa laun manai kota letelepak-kala lala'en-na. Neukose musu-a kali oelolok fo ala ke'ke lai dalek, ma ladodou dae fo da'di papala nanadamak, ma ala ho'i-la sila babaa fana matuaina-la, fo lakaduduluk-kasa da'di leo kota musu, soaneu ala la'ban o.

ZEFANYA 1:8

Manetualain nafa'da nae, “Nai fai dodo'dok ndia, neukose Au huku basa hataholi matua-madema-la, basa manek-kala anatoun-nala, ma basa hataholi manatunga hataholi manamai-la ito-aton.