GALATIA 5:3 - Susula Malalaok Hehelu Palak Ma Hehelu Beuk

³ La'i esa seluk, au fe nasanene'dak neu hataholi fo noke sunat ana. Ndia muse tao natetu basa agama hoholo-lalanen lala'ena!

GALATIA 5:3 ပူးပေါင်းရင်းမြစ်များ

NEHEMIA 9:34

Ami bei-ba'i kaim, manek, imam, ma basa lasi-lasik-kala, la'o lena O hoholo-lalanem boema ami heheta-aa'in. O fe basa paleta ma hala kaka'ik lala'en-na ma ta nanataoafik, boeo ta nananamanenek fa.

MATEOS 23:16

Soe ba'eneu emi, fo mauli-malanga poke kala lemin! Emi manoli mae leo ia, Metema hataholi supa-soo ninik Manetualain Uma na soona, hataholi ndia natapo'i neme supa-soon mai, tehu metema ana supa-soo ninik lilopilas manai Manetualain Uman dale soona, ana ta natapo'i neme supa-soon ndia mai fa.

MATEOS 23:18

Emi manoli mae leo ia, ‘Metema hataholi esa supa-soo ninik mei tutunu-hohotu ka, soona hataholi ndia natapo'i neme supa-soon mai; tehu metema ana supa-soo ninik tutunu hohotuk manai mei tutunu-hohotuk ndia lai na soona, ta natapo'i neme supa-soon ndia mai fa.’

LUKAS 16:28

Te au tolanoong lima bei lai ndia. Madenu Lasarus neu fo ana fes nasanene'dak, fo daenga boso nalosak sila boeo masok leo mamana doidosok ia mai.’

HATAHOLI 15:1

Hataholi Yudea de'ubee leme Yudea leo Antiokia leu de lanoli hataholi kamahehelek manai Antiokia la lae, metema ta suna tasa tunga Musa hoholo-lalanen fa soona, ala ta hapu so'da ka fa.

HATAHOLI 2:40

Petrus nafa'da mangalele'do fes nae leondia. Petrus kokolak nos dede'ak ba'u ka, fo tao ka nde ladook aoina nala leme hataholi mangalauk fo neukose Manetualain huku kala.

HATAHOLI 20:21

Au fe nasanene'dak tataas esa, nau neu hataholi Yahudi do leoina fe'e kala, fo ela ala tukatei-saledale leme sala-singo nala mai, fo ala fali leo Manetualain mai, boema lamahele Lamatuak Yesus.

ROMA 2:25

Metema tolanoo kala tunga agama Yahudi hoholo-lalanen soona, tolanoo kala sunat ndia masosoa-ndandaak boe. Tehu metema tolanoo kala ta tao matetu hoholo-lalanek sila la fa soona, ta pake tolanoo kala sunat ndia makandondook fa.

GALATIA 3:10

Hataholi fo lamahena neu ka'da agama hoholo-lalane na, basa-basas laso'da nai soo-supa ka dalek. Nanahu nai Susula Malalaok dale, nanasulak nae, “Hataholi fo ana ta lilineka nahele nai nakalala'ok basa hata fo nanasulak nai Agama Susula Hololo-lalanen dale fa soona, Manetualain soo-supan!”

GALATIA 5:2

Mafandendelek te, metema emi nau sunat emi soona, dede'ak ndia sosoa na nae, Kristus sosoa-ndandaan ta ba'eneu emi so. Mana mafa'dak ia, nde au, fo Paulus.

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

EFESUS 4:17

Hu ndia de, no Lamatua ka na'de na, au sanga afa'da dede'a ka nde ia no balakaik ae, boso boe maso'da sama leo hataholi fo beita nalelak Manetualain fa, fo ana dodoo ka'da hata mana da'di ta kala.

ULANGAN 27:26

‘Nanasoo-supak ba'eneu hataholi fo, ana ta tao natetu Manetualain hoholo-lalanen, ma nanolin-nala, nai tatao-nono'in-na dalek.’ Hataholi Israel-la lataa lae, ‘tete'ek-ka!’ ‘Amin!’ ”

ULANGAN 31:21

ma neukose, susa-soe matuaina makadotok, ala tuni-ndeni lalas. Tehu neukose, lakamee lahele nakameek ia, ma ala paken da'di leo, sakasii soaneu sila. Nakalenak besak ia, Au beita oos leo nusak fo, Au heluk-ka neu fa, te bubuluk sila dudu'a-aafin, tetee-tutu'dan so.”

ULANGAN 8:19

Boso mafandele heni, emi Manetualaim-ma, ma boso fali deak leo lamatua daebafak fe'ek-kala meu, boema emi sene-do'ok ma mahele neun. Faik ia, au fe emi nasanene'dak, ae metema emi mafandele henin, fo emi taon soona, tao leo bee-o, Manetualain tao namate-namopo emi.

1 TESALONIKA 4:6

Nai basa tatao-nono'ik sila la dalek, emi boso ke'dindiu do tao mangalauk neu emi tolanoo ma do tipu dain. Makahulu na ami fe basa emi nasnene'dak mae, neukose Lamatua ka huku hataholi mana tao-no'i tatao-nono'i masalak leo sila kala.

1 YOHANIS 4:14

Ami mita matam Manetualain Ana na so. Hu ndia de ami tui-benga mae, Ama ka nadenun Ana mai fo Ana da'di daebafa ka Mane Mana Fe So'da na.