GALATIA 4:4 - Susula Malalaok Hehelu Palak Ma Hehelu Beuk

⁴ Tehu losa fai na nandaa te, Manetualain nadenu Ana na mai leo daebafa ka mai. Inak esa naso'da nai agama hoholo-lalanen dalek, nde bongi ni'iana ndia.

GALATIA 4:4 ပူးပေါင်းရင်းမြစ်များ

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

YESAYA 48:16

Mai deka mo Au, fo mamanene leon, neme makahulun-na mai, Au kokolak no le'do-le'dok; ma Au tao Au hala-kokolang, da'di nananitak tataas esa.” Besak ia Manetualain nadenu au, de Ana fe koasan-na neu au.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YEREMIA 31:22

O dodoo-doak-kana losa fai hi'da, fo leoina fo ta ili-nekak neu Au-a fa? Au akadada'dik hata fo beuk nai daebafak ia, hata fo fe'ek – fe'en-na sama leo inak-ka nafuni touk.”

ZAKHARIA 6:12

Mafa'dan mae Au, Manetualain Fo Manakoasa, nafa'da nae, ‘Hataholi fo loken lae, Manabuku beuk-ka, neukose naua-nanale nai mamanak fo ana leo, ma neukose nafofo'a falik Manetualain Uman-na.

MALEAKHI 3:1

Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”

BILANGAN 28:22

Boeo, tunu-hotu bi'ihiik mane esa, soaneu tutunu-hohotuk fo, sala-singok hapu do'o do ampon. No enok ndia, emi tao feta soaneu hataholi Israel-la sala-singon, nanalose henik.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

MATEOS 3:15

Tehu Yesus nae, “Neme na fo basa sila lala'ena, ala da'di. Nanahu no enok ndia de, ita tao tatetu Manetualain hii-nanaun.” Boema Yohanis salani Yesus leona.

MATEOS 5:17

“Emi boso maedaenga Au mai fo Au loseheni Musa hoholo-lalanen ma nabi la nanoli nala. Au ta mai loseheni fas, tehu Au mai afa'da mangalele'do sosoa-ndandaa matetu nala.

MARKUS 1:15

Yesus tui-benga nae: “Neukose Manetualain mulai paleta no lai-laik. Hu ndia de tukatei-saledale meme emi sala-singo mala mai, ma mamahele Manetualain Hala Malole na!”

LUKAS 1:31

Neukose o mailu, fo o bongi ni'iana esa, fo o muse foin na'de Yesus.

LUKAS 1:35

Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan.

LUKAS 2:7

Ana bongi na ni'iana touanak esa, fo ana ulu na. Ala popoti ni'iana ndia ninik temak, boema langapepe'u kana neu hako esa ha'deaik nai dalek, nana ta hapu mamanak ba'eneu sila, nai kama manai lai na fa.

LUKAS 20:44

Da'di metema Dauk seseik Mane Mana Fe So'dak ndia nae, ‘Lamatuak,’ soona hapu nai bee, Dauk tititi-nonosin Ndia?”

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 10:36

naa, tao le'e de emi mafa'da mae, Au akamumulu-akamamaek Manetualain, hu ka nde Au afa'da ae, Manetualain Anan Au? Te see ko na, Manetualain nde hele Au de nadenu Au mai leo daebafa ka mai.

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

YOHANIS 6:38

Nanahu Au eme nusa so'da ka mai, fo Au ta tao-no'i tunga ka'da Au hihii-nanau mesa nga fa, te Au tao-no'i tunga Amak fo manamadenu Au a, hihii-nanaun.

YOHANIS 8:42

Boema Yesus nafa'das nae, “Leo uni ka emi amam nde Manetualain ndia soona, neukose emi sue-lai Au, nanahu Au mai eme Manetualain mai. Au mamaing ia, Au ta uni Au hihii-nanau mesa nga fa, te au uni Ndia fo manamadenu Au a, hihii-nanaun.

HATAHOLI 1:7

Boema Yesus nafa'das nae, “Au Amang nde naketu le'dofai na. Ta paluu emi bubuluk dede'ak ndia fa, nana Au Amang hak ndia.

ROMA 1:3

Hala Malole ndia, ana tui la'eneu Manetualain Anan, fo ita Lamatuan Yesus Kristus. Fo tunga hataholi daebafa ka hahapu na soona, Yesus Kristus ndia nde bee na Dauk tititi-nonosin,

ROMA 15:8

Nana, mafandendelek te, Kristus nalalau-naoono hataholi Yahudi la a, fo ela ana da'di natutu'duk esa nae, Manetualain ta nafandele heni tao natetu hehelu-balataan neu ita bei ba'ikai nala.

ROMA 5:6

Nai lelek fo ita nai tapandoe sa dalek, Kristus mate soaneu ita, nandaa no Manetualain naketu basa fai na so, te se'kona ita ta deka to Manetualain fa.

ROMA 8:3

Hata fo agama hoholo-lalanen ta hapu tao nala fan, hu ka nde ita hataholi daebafa ka tapandoe na, Manetualain tao basan so. Manetualain sengi sala-singo ka koasa na nai hataholi daebafa ka ha'da-tatao na dalek, ninik Ana haitua Ana na mai no heheo-hihilun sama na leo hataholi daebafa masala-masingo ka, fo Ana kokaheni sala-singo ka.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

EFESUS 1:10

Dale tutu'u nafufunin ndia nde, fo ela basa hata lala'ena, nau basa hata manai nusa so'da ka do manai daebafa ka, ala da'di esa, fo Kristus da'dileo malangan. Ma fai na losa soona, neukose Manetualain tao nakababasak basa dede'ak sila la.

KOLOSE 2:14

ma Ana sii heni ita susula hutan fo nakaseti ita tao hata esa no eno-dalak fo nini susa-soe fe ita. Hu no susula hutak ndia nanalona nggangek nai ai nggange ka de, Manetualain lose heni basa kalaak soaneu ita.

1 TIMOTIUS 2:6

Yesus Kristus ia, hataholi daebafak esa, fo Ana fe heni ao ina na, soaneu Ana soi tefa na basa hataholi lala'ena, leme sala-singo nala mai. No enok ndia, Manetualain naketu la'e fai na nae, Ana nau basa hataholi lala'ena, hapu so'dak.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

IBRANI 2:14

Hu ndia de, basa hataholi fo noken nae anak ndia, nde bee na mahahae hataholi daebafak fo hapu maten, soona Yesus mesa kana sama hataholi sila, ma leo naso'da nai ha'da-tatao hataholi daebafa ka dalek. Ana tao leondiak, fo ela no mamate na, Ana hapu tao nakalulutuk Nitu fo mana koasa mamate sa.

IBRANI 9:10

Nanahu basa ito-atok sila la, nandaa no ka'da nana'a-nininuk, ma tao nalalao ao mata-mata kala mesa kana. Basa sila la ka'da nakanenete ao paak, fo nanapakek ka'da losa fai na Manetualain tao nabebeun.

1 YOHANIS 4:14

Ami mita matam Manetualain Ana na so. Hu ndia de ami tui-benga mae, Ama ka nadenun Ana mai fo Ana da'di daebafa ka Mane Mana Fe So'da na.

1 YOHANIS 4:2

Metema emi nau bubuluk, ade Manetualain Dula Dalen ndia do ta soona, eno na leo iak: Metema hataholi esa, ana manaku nae, Yesus Kristus Ana da'di sama leo hataholi daebafa ka de Ana mai leo daebafa ka mai soona, hataholi ndia Dula Dale na neme Manetualain mai ndia.