FILIPI 3:19 - Susula Malalaok Hehelu Palak Ma Hehelu Beuk

¹⁹ Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

FILIPI 3:19 ပူးပေါင်းရင်းမြစ်များ

MAZMUR 17:14

Soi-po'i au neme hataholi-hataholi, fo manamakaduduluk hata-heto nai daebafak-ka. Hukus nenik susa-soe fo O sadia basan soaneus so. Nemen-na fo, huku sila upu-anan-nala boe.

MAZMUR 52:1

Soaneu mauli-malanga nakameek. Dauk nakamee nanolin-na,

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

YESKIAL 13:19

Emi makamumulu-makamamaek basa Au, nai Au anang-ngala matan so, ka'da soaneu emi hapu jelei nafanggetek de'ubee, ma loti biak de'ubee. Emi taomisa hataholi sala tak-kala, tehu hataholi fo nandaa hukunisan, emi po'ilotak-kana naso'da. Boema, emi masapepeko-masandandali Au anang-ngala, de lamahele emi.’ ”

YESKIAL 34:3

Emi minu su'uoen-nala, emi tao bulun-nala da'di bua papakek, ma emi do'do bi'ilopo maao-la, fo emi mi'a. Tehu emi ta taoafik neu emi bi'ilopom-mala fa.

HOSEA 4:7

Hai imam mala lemin! Emi boetai mamade'uk-ka, de emi boetai tao sala-singok neu Au! Hu ndia de, neukose Au tao asafali emi ha'da-tataom: Neukose emi ta nanafe ha'da-holomatak fa, tehu emi nananakadadaek.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

MIKHA 3:5

Nabi-nabi fo lafa'da memak hata fo malole neu hataholi manafes doik-ka, ala ke'di-ndiu Au leoinang-nga, tehu ala tao musu ma ala heheta-aa'i hataholi manafe taak-kala. Manetualain nafa'da nabi-nabi leo silak-ka nae,

MALEAKHI 1:12

Tehu, emi makamumulu-makamamaek Au, nanahu emi mafa'da mae, Au mei tunu-hotung-nga, belin ta, de emi tunu-hotu nana'ak fo emi ta mahiik-kana, nai ndia.

MATEOS 16:23

Boema Yesus lipa leo dea neu de nafa'da Petrus nae, “La'o meme ia mai mana dudungu-papau ko nei. O mapalani mapanggengge Au ou! O dudu'a-aafim ndia dudu'a-aafi hataholi; daebafak te Manetualain dudu'a-aafin ta ndia fa!”

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

LUKAS 12:19

Basa soona, au afa'da seluk au aoina nga ae, au aua-anale! Basa hata malole lala'ena o manuun so, de teuk lamalala boeo, neukose ta basa fas. Besak ia, hahae ao ma leona! Mu'a-minu ma mamahoko-setelee leona!’

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

LUKAS 18:4

Faik de'ubee dale na, manamaketu-mala'dik ndia ana ta nau tulu-fali inafalu ndia fa. Tehu mate'e na manamaketu-mala'dik ndia dodoo nae, ‘Leomae au ta bii Manetualain ma au ta afaduli neu su'di see a boen,

ROMA 16:18

Nana hataholi manatao leondia ka, ta naue-nale'di soaneu ita Lamatuan Kristus fa, te soaneu ala tao latetu sila dale hihii na. No fufu'di-oo'dok ma dede'a-kokola makee-mamina nala, ala ke'dindiu hataholi fo ala ta bubuluk hata-hata esa boen.

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

1 KORINTUS 3:3

nana emi bei maso'da tunga emi ha'da-tatao daebafa ma. Nana metema emi bei mape'da dalek ma esa nahote no esa soona, ade ndia ta natu'du nae, emi bei maso'da tunga ha'da-tatao hataholi daebafa ka, sama leo hataholi fo ta nalelak Manetualai na fa do?

1 KORINTUS 5:2

Leomae leondiak boe, emi bei koao-ndaeao bai. Tunga ndo na, emi dale ma muse he'di sa, fo kaluaheni hataholi manatao tatao-nono'ik leondia ka neme emi dalek mai.

1 KORINTUS 5:6

Ta nandaa emi koao-ndaeao fa. Fafa'kama emi malelak basa dede'a lasi ka nae, “Laluteik faa anak tao na ha'de sopu nanakame ka basa-basan sa'e!”

2 KORINTUS 11:12

Hata fo au taon besak ia, neukose au tao-no'i akandoon, fo ela “hataholi nadedenu” fe'e kala ta lanuu ne'ek soaneu lamatutua-lamadedema aoina nala, ma lafa'da lae sila laue-lale'di sama leo ami.

2 KORINTUS 11:15

Da'di dede'a beuk ta ia so'on, metema Nitu malalau-maoono nala tao aoina nala nalupa leo malalau-maoono fo ala tao-no'i Manetualain hihii-nanaun. Mate'e na sila boeo neukose ala sipo babalak nandaa no basa sila tatao-nono'in lala'ena.

GALATIA 6:13

Hataholi mana tunga suna ta nakanenete nala boeo, ala ta tunga agama hoholo-lalanen boen. Tehu ala nau sunat emi, fo ela lamatutua-lamadedema ao nala lae, emi boeo tunga nakanenetek sila la.

FILIPI 2:21

Te basa fe'ek sila la soona, ala ito-ato ka'da sila paluu nala, te ala ta ito-ato Yesus Kristus paluu na fa.

KOLOSE 3:2

Tao emi dudu'a-aafim neu dede'ak manai nusa so'da ka, fo boso dudu'a-dodoo dede'ak manai daebafa ka.

2 TESALONIKA 1:9

Neukose Manetualain huku hataholi sila la, fo ala doidoso losa dodoo na. Neukose hataholi sila la, nanatapa henik leo deak leu fo, ala doo ka leme Lamatua ka no koasa matua-mademan mai.

2 TESALONIKA 2:12

Mate'e na, basa hataholi fo ala hii tao sala-singok, ma hataholi fo ala ta nau lamahele dede'a ndoos ndia fa soona, neukose nanahukuk.

2 TESALONIKA 2:8

besa ka Hataholi Mangalauk ndia nananitak. Tehu metema Lamatuak Yesus mai soona, Ana taonisa Hataholi Mangalauk ndia, ninik ani hahae na. Ma neukose nanatao nakalulutuk ninik Lamatua ka mamai mandela-masa'a na.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

2 TIMOTIUS 3:4

Ala hii ka'da ke'dindiu hataholi, lamatutua-lamadedema ao nala, ma hahae keke'u kala.

YAKOBIS 4:16

Tehu besak ia, emi koao-ndaeao, ma emi tui ka'da dede'a masapepekok. Tutui masapepeko leondia ka, sala ndia.

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

2 PETRUS 2:13

Neukose ala sipo sila tatao-nono'i mangalaun ndia buna-boan, fo nde doidosok ma to'a-taa ka. Tatao-nono'ik fo, nandaa no hataholi sila dale na nde, ala tao su'di bee ka nai fai lele'do na, sa'di ala tao latetu sila dale hihii na. Metema langatuuk lakabubua lo emi nai feta-dote soona, hataholi la malua heheo-hihilu nala, nana nasa melu mata-mata kala, tao lalas da'di mana mafu kala.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

YUDAS 1:10

Tehu no dede'a-kokola nakamumulu-nakamamae ka, de hataholi sila la fe salak neu hata fo ta lalela kana fa. Hataholi sila sama leo bana aafi ta ka, fo ala tao tunga ka'da dale hihii mesa nala, nalosa sila nde tao lakalulutuk seluk ao ina nala.

YUDAS 1:16

Hataholi sila la, ka'da bemumu tataas esa, ma ala fe salak neu hataholi fe'ek. Laso'da tunga ka'da sila hihii-nanau masala-masingo nala. Lamatutua-lamadedema ao ina nala, boema ala koa-kio hataholi, fo daenga ala hapu nanalak.

YUDAS 1:4

Nana, ita ta tame'da fa te, hapu hataholi kikisa kala, ala masok talipeo leo ita hataholi kamahehele kala nakabuan dale mai so. Hataholi sila la, hataholi mangalau kala. Ala tui puta-pai halak la'eneu ita Manetualain susue-lalain, fo ala hapu loak, tao latetu sila ha'da-tatao ta kandaa nala fa. Ma ala ta sipok Yesus Kristus, fo Mana Koasa kisak, ma ita Lamatua na fa. Hataholi sila, huhuku na nana nafa'da elak nai Susula Malalaok dale, neme makahulun eli mai so.

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

SEMUEL SUSULAK-KA ESAN-NA 2:29

Da'di, tao le'e de emi bei tenepeta lita tutunu-hohotuk fo nandaa no Au paletang-nga, fo Au leoinang-nga, tunu-hotu fen neu Au? Tao le'e de, o fo Eli, fe ha'da-holomata neu o anam-mala, lena neme o fe ha'da-holomata neu Au, ma o po'ilotak-kasa tao laao aoinan-nala nenik baba'ek neulauk-kala, neme basa tutunu-hohotuk fo Au leoinang-nga tunu-hotun soaneu Au?