FILIPI 3:15 - Susula Malalaok Hehelu Palak Ma Hehelu Beuk

¹⁵ Ita basa-basa tala namahehelen na natea-nahele so; hu ndia de ita ha'da-tataon boeo, muse nandaa no ita namahehelen ndia. Tehu metema nai emi dalek, bei hapu hataholi nggelok hahapu na fe'ek soona, neukose Manetualain nafa'da mangalele'do fen neu emi boe.

FILIPI 3:15 ပူးပေါင်းရင်းမြစ်များ

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

MATEOS 5:48

Emi Amam ma nai nusa so'da ka boeo, Ana sue-lai basa hataholi lala'ena no matetu-mandaak. Hu ndia de emi boeo muse tao leondiak.”

LUKAS 11:13

Leomae emi hataholi mangalauk, tehu emi boeo bubuluk fe hata malole neu emi ana ma. Muda hata no Amak manai nusa so'da ka bai! Neukose Ana fe Dula Dale na neu sila fo mananoke neu nana!”

YOHANIS 6:45

Ala sula kana nai Nabi la Susulan dale nae leo ia: ‘Neukose Manetualain nanoli basa hataholi la.’ Hu ndia de, see namanene Ama ka, ma nanoli neme Ama ka mai soona, ana mai leo Au mai.

YOHANIS 7:17

Hataholi fo ana tunga Manetualain hihii-nanau na, neukose ana bubuluk, ade Au nanoling sila la neme Manetualain mai, do neme Au a mai.

ROMA 15:1

Ita fo tamahehele te'e-te'e neu hata fo ita tamahelek ndia soona, ita boso haelai tamanasa hataholi fo namahehele na beita natea-nahele fa ndia, hahapu na. Ita boso tao tamahoko ka'da ita aoina na mesa kana.

1 KORINTUS 14:20

Tolano-tolanoo ngala lemin! Boso dudu'a-dodoo sama leo ni'iana. Nai dede'a mangalau ka dalek soona, ela leo bee na emi mahele sama leo ni'iana. Tehu nai dudu'a-aafi ka dalek soona, ela leo bee na emi da'di hataholi fo touinak so.

1 KORINTUS 2:6

Leomae leondiak boe, nai hataholi fo so'da samane na natea-nahele soona, memak au kokolak la'eneu manatee teno ka. Tehu manatee tenok ia, manatee teno daebafak ta ndia fa, do mana koasa lelek besak ia la manatee tenon fo koasa na neukose manasapu-manalalok.

GALATIA 5:10

Leomae leondiak boe, au ta amahele, neukose emi manuu dudu'a-aafi fe'ek fa, nana ita da'di esa too Kristus so. Ma au amahele, see mana tao tasibu emi dudu'a-aafi ma, neukose Manetualain ana hukun.

EFESUS 1:17

Au dokodoe, fo ela Manetualain, Amak fo mandela-masa'ak, ma ita Lamatuan Manetualain, fo nde Yesus Kristus, Ana fe Dula dale na neu emi. Neukose Dula Dalek ndia, Ana tao na emi da'di hataholi manatee tenok ma neukose natu'du Manetualain neu emi, fo daenga emi malela kana.

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

KOLOSE 4:12

Nate'ak neme Epafras. Emi hataholin ndia boe. Kristus Yesus atan ndia fo ana manggate hule-haladoi tataas esa fe emi. Ana noke te'e-te'e neu Manetualain fo ela emi namahehele ma da'di natea-nahele, ma emi mamahele te'e-te'e, fo daenga emi tunga Manetualain hihii-nanaun lala'ena, no matetu-mandaak.

1 TESALONIKA 4:9

Hu ka nde Manetualain nanoli basa emi de, emi masue-malai ao so, de ta paluu ami fe seluk emi susulak, fo ami manoli emi so'on.

2 TIMOTIUS 3:17

Hu ndia de, basa hata fo nanasulak nai Susula Malalao ka dalek ndia, masosoa-ndandaak ba'eneu hataholi mana malalau-maoono Manetualai na, ala hapu tao-no'i tatao-nono'i malole mata-mata kala.

IBRANI 5:14

Nana'a-nininu balakai ka nde bee na, soaneu hataholi touinak a nana nanuu malela ba'u fo ana hapu mete kofe'ek, bee ka nde malole, ma bee ka nde mangalau ka.

1 YOHANIS 2:5

Tehu hataholi mana tunga Manetualain hala-kokola na, hataholi ndia ana sue-lai Manetualain tunga matetu na. Soona ndia da'di ta'du esa nae, ita taso'da to Manetualain.