FILIPI 2:20 - Susula Malalaok Hehelu Palak Ma Hehelu Beuk

²⁰ Ka'da Timotius mesa-mesa kana nde hataholi fo heheo-hihilun ma ha'da-tataon sama no au, ma te'e-te'e ana dudu'a-dodoo emi so'da ma.

FILIPI 2:20 ပူးပေါင်းရင်းမြစ်များ

MAZMUR 55:13

Sa'di leo been-na, musu fo nakamuu-nakadau au, au bei bisa akatatakak. Sa'di leo been-na, musu nok fo nakamumulu-nakamamaek au, au bei bisa ke'ke neme musu nok ndia mai.

AMSAL 31:29

“Saotoun-na nafa'da nae, hapu inak neulauk ba'uk-ka, tehu o malolem-ma nakalena neme basa inak sila-la mai.”

YOHANIS 10:13

Tutika hataholi mana'a ngga'di ndia nalai, nana hu ka nde naue-nale'di fo sue ka nde ana hapu ngga'di. Hu ndia de, ana ta nafaduli bi'i sila la fa.

YOHANIS 12:6

Yudas kokolak nae leondia nana, ta hu ka nde ana taoafik neu hataholi nu ta kala fa, tehu hu ka nde ndia hataholi nakodaa. La'iesa-la'iesa ana ho'i doik neme kas doi nakabubua ka mai. Ndia nde ho'u kas doik nakabubua ka.

ROMA 15:5

Ela leo bee na Manetualain, fo manatao natea-nahele ma mana kokoe-nanasi hataholi daebafa ka, tulu-fali ita fo taso'da no teikesa-dalekesa, tunga Kristus heheo-hihilun.

1 KORINTUS 16:10

Metema Timotius ne'i soona, sipo kana no malole, fo ela ana leo no emi no namahokok, nana hataholi ndia sama leo au, fo naue-nale'di soaneu Lamatua ka boe.

FILIPI 2:2

Na, so'ba te'e-te'e, emi tao ma au daleng-nga namahoko ninik dede'ak ia la: Maso'da teik esa-dalek esa ninik susue-lalaik matak esa, dudu'a-aafik matak esa, ma dale hihiik matak esa.

FILIPI 2:22

Emi nde mita matam buti na nae, Timotius masosoa-ndandaak. Ana tao-no'i puse laipana no auso, soaneu ami tao mamaloloa Manetualain Hala Malole na. Ana tulu-fali au, sama leo anak esa ana tulu-fali ama na.

KOLOSE 4:11

Yesus fo na'de Yustus boe. Neme hataholi Yahudi fo lamahele basa neu Lamatuak Yesus a, ka'da sila telu mesa kasa nde besak ia, ala tao-no'i lo au a, fo ami sama-sama makalala'ok Manetualain bela ba'un. Ala tulu-fali au te'e-te'e.

1 TIMOTIUS 4:6

Metema o manoli basa dede'ak sila la neu tolano kamahehele kala soona, o da'di Kristus Yesus malalau-maoono malolen. Boema o fufu'a-kakali makandoo o namahehele ma ninik Manetualain dede'a-kokolan fo ita tamahele ka, ma ninik nanoli ndoos fo o tungan dodoo basa ia so.

2 TIMOTIUS 1:5

Au afandele o, nana o mamahele te'e-te'e neu Kristus, sama leo o beim Lois ma o inam Eunike, lamahele te'e-te'e boe. De au amahele o namahehele ma boeo, leondiak.

2 TIMOTIUS 3:10

Tehu o soona, o tunga au nanoli-nafa'dang, au ha'da-tataong, au so'da nga tetee-tutu'dan so. O mita matam, tao leo beek de, au amahele te'e-te'e neu Yesus Kristus, ma au sue-lai nonoo hataholi ka so. O boeo bubuluk basa, au ta hae lai amanasa ma au nakatataka nga so.

SEMUEL SUSULAK-KA ESAN-NA 18:1

Saul no Dauk beekola basa boema, Saul so'u Dauk da'di ndia hataholi mana'a ngga'din, de mulai faik ndia boema, ana ta po'in fali leo ina-aman uman neu fa. Yonatan, fo Saul anamanen-na, namanene hala-kokolak sila-la. Dalen-na nahiik no Dauk boe, de ana sue-lain, sama leo ana sue-lai aoinan-na.

SEMUEL SUSULAK-KA ESAN-NA 18:3

Hu ndia de, Yonatan soo, neukose ana tao tia-laik no Dauk losa dodoon-na.