EZRA 9:8 - Susula Malalaok Hehelu Palak Ma Hehelu Beuk

⁸ Tehu, besak ia, ou ami Manetualain, besak-ka, O madale malole neu ami. O soi-po'i hataholi de'ubee nai ami dalek, neme mamana ata mai, fo ami maso'da no mole-dame nai mamana hehelik ia. O fe ami so'da beuk.

EZRA 9:8 ပူးပေါင်းရင်းမြစ်များ

2RAJA-RAJA 19:4

Manek Asyur-ra, nadenu basa, malanga solda'du manai lain esa, fo nakamumulu-nakamamaek Manetualain fo maso'dak-ka. See bubuluk, emi Aman Manetualain namanene basa nakamumulu-nakamamaek ndia, de neukose, Ana huku sila fo, manakokolak-kana! Hu ndia de, hule-haladoi leona, neu Manetualain, ba'eneu ita hataholin fo, bei maso'dak-kala.”

EZRA 9:9

Nai lelek, ami bei nai mamana ata, O ta la'oela ami fa. O taom-ma mane Persia-la sue-lai ami, ma ala fe ami loak maso'da, fo ami mafofo'a falik O Umam fo, ela ka'da ai-batu mana tapasasalak ndia so. O masulu-mahapa ami nai ia, boema nai Yehuda ma nai Yerusalem.

NEHEMIA 1:11

Mamanene au huhule-haladoing ma basa O ata fe'e-fe'em fo mananau fe ha'da holomata neu O-a, huhule-halaon-nala. Fe O tutulu-fafalim mai leona, fo ela nai faik ia, O atam ia, hapu dale kasian neme manek-ka mai.” Nai tepo-lelek ndia, au nde manaito-ato manek-ka nininun-na.

NEHEMIA 9:31

Tehu, hu kande O susue-lalai matuainam-ma, de O ta la'o ela do tao makalulutuk-kasa fa. Memak, O nde Manetualain fo nakasasaman ta; O susue-lalaim ba'un-na seli, henuk no dale kasian!

AYUB 33:30

fo ela Ana hapu soi-tefa-na, hataholi daebafak-ka, ma Ana fen ua-nale malole, nai maso'dan-na dalek.

MAZMUR 13:3

Au muse lu'a-lepa susa losa faihi'da, ma au daleng-nga he'dis-sa, nai lele'do katemak esa dalen-na? Musu-a koasa au losa faihi'da?

MAZMUR 13:4

Mete au, ou au Amang Manetualaing-nga, mataa au huhule-haladoing leona. Matetea-mahehele au be'i-balakaing, ma boso po'ilotak au mate.

MAZMUR 138:7

Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

MAZMUR 34:5

Au hule-haladoi neu Manetualain de Ana nataa, boema Ana soi-po'i au neme bibii-namata'uk lala'ena mai.

MAZMUR 85:6

Losa dodoon-na, O mamanasa ami, de O mamanasa mahele neme bobongik leo bobongik neu do?

AMSAL 29:13

Hataholi nuu-taa hata-taak esa, no hataholi manatuni-ndenin-nana, duas sama; Manetualain fe duas matak, fo lita maso'dak-ka mangale'don-na.

PENGKHOTBAH 12:11

Hataholi dodole maneu-a hala-kokolan ndia, sama leo manafoo esa aitete'e matanen-na, aitete'ek fo ana paken soaneu nasulu-nahapa bi'ilopon-nala. Dede'a makandandaak ma nanoli-nafa'dak, nanatao nakabubuak sama leo pakuk-ka ana tola de nahele. Manetualain baba'e-babatin basa sila-la boe, Ndia fo ita manafoo kisan-na.

YESAYA 1:9

Leounik-ka, Manetualain Fo Manakoasa, Ana ta fe ita hataholi de'ubee laladeak fa soona, mopo-mate basa ita, sama leo Sodom ma Gomora so.

YESAYA 14:3

Neukose Manetualain soi-po'i hataholi Israel-la leme he'di-laus ma tuni-ndeni-na mai, ma ue-le'di mabelaina, fo lakasetis ala taon.

YESAYA 56:5

soona neukose, o na'dem-ma, nananafandendelek nai Au Umang dale, ma nai Au leoinang dale. Ndia malole lena neme, o manuu ana touk ma anainak. Au fe emi na'dek fo, manaketu basa taak-ka, fo neukose, ta nananafandele henik fa.”

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 6:13

Nakalenak, metema nai hataholi sanahulu dalek, bei hapu hataholi esa leo nai nusak ndia soona, neukose ndia boeo nanatao namopo-namatek boe. Tehu sama leo ai keka, metema lo'o henin soona, bei ela huun-na, leondiak boe, neukose bei ela leoina ndia, fo ana da'di hataholi malalao-malalafu makasososak.”

YEREMIA 42:2

lo au-a mai de lafa'da lae, “Ama, samaleo Ama mita matan, ami ia makahulun-na ba'uk-ka te besak ia ela ka'da lumuanak so. Ami dokodoe Ama hule-haladoi soaneu ami, neu Amak Manetualain fo sene-do'ok-ka. Hule-haladoi fe ami fo be elak iala,

YEREMIA 44:14

Neme hataholi Yehuda fo bei elak-kala, fo manaleu lo Masir leu-a soaneu ala leo lai naa, neukose hataholi esa boen ta nala deak do naso'da fa. Leomae hataholi sila-la lahik lanseli ala fali lo Yehuda neu, tehu dede'ak ndia ta da'di fa. Te'e-te'e neukose ta hapu ala fali fa, ta'da fe'ek ka'da hataholi manamai de'ubee.”

YESKIAL 14:22

Leounik-ka, hapu nggelok laladeak, fo ala soi-tefa-la anan-nala, fo metema ala mai leo o mai soona, taoafik neus. Mete tatao-nono'i mangalaun-nala leo beek, soona neukose emi mamahele, mae Au nakeketung-nga nandaa, soaneu huku Yerusalem.

HOSEA 6:2

Nai faik dua do 3 dalen-na ia, neukose nakahahaik ita, ma neukose ita taso'da nai nasulu-nahapan dale.

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

ZEFANYA 3:12

Neukose Au po'ilotak leoina esa nai naa, dalen-na taidaek, boema namahena Au tutulu-fafaling, de ana bole leo nahele neme ndia.

ZAKHARIA 10:4

Neukose, Au hele manakoasa, mauli-malangan ma malanga solda'du matuaina-la, neme sila dalek mai, fo ala paleta Au anang-ngala.”

ZAKHARIA 8:12

Neukose ala sele-nggali bini-ngges no mole-dame. Sila ai angon-na laboa, neukose dae-a fe buna-boan, ma neukose u'dan-na ba'uk-ka. Au fe basa baba'e-papalak sila lala'en-na, neu leoina ia hataholin bei maso'dan-nala.

ZAKHARIA 8:6

Metema, mete dede'ak ndia soona, nono'kabai manada'di tak ba'eneu leoina ia hataholi bei maso'dan-nala, tehu manada'dik ba'eneu Au.

ROMA 9:27

Nabi Yesaya kokolak no halabelak la'eneu leoina Israel nae, “Leomae leoina Israe la dede'u na de'u solokaek manai tasi su'u ka, tehu ka'da lumanak mesa kana neukose laso'da;

NINITAK 3:12

Hataholi manasengi ka, neukose Au taon da'dileo dii nai Au Manetualai nga Uma Malalaon dale, ma neukose ana leo nai mamanak ndia losa dodo na. Au Manetualaing na'de na ma kota na na'de na, fo nde Yerusalem Beu ka, neukose kona neme nusa so'da ka neme Au Manetualaing mai, fo neukose Au sula kana neu hataholi ndia aoina na. Au na'de beu nga boeo, neukose Au sula kana neu aoina na!”

SEMUEL SUSULAK-KA ESAN-NA 14:27

Tehu Yonatan ta bubuluk nae aman fe laun-na nasanene'da mahelek, nenik soo-supak ndia fa; hu ndia de, ana look ana ho'i neni aitete'ek-ka neu, de ana paun leo fani popolan dale neu, boema ana ho'in-na fanioe ndia de na'an. Tutik-ka name'da aon-na malole ma be'i-balakain boeo, ana popo-tama.

SEMUEL SUSULAK-KA ESAN-NA 14:29

Yonatan nataa nae, “Au amang tatao-nono'in ndia anseli nanseli, soaneu ita leoinan-na. Mitak, lelek au inu fanioe faaanak boema, besak-ka au ame'da au aoinang-nga malole-a so.