EZRA 9:6 - Susula Malalaok Hehelu Palak Ma Hehelu Beuk

⁶ Au afa'da ae, “Ou au Manetualaing, au mae botik au langang-nga nai O matam-ma. Ami sala-singom nadodou nai ami langam lain, losa ana koila'e lalai-a.

EZRA 9:6 ပူးပေါင်းရင်းမြစ်များ

KEJADIAN 13:13

Hataholi manatao tatao-nono'i mangalauk nanseli-la, ma lasala-lasingo neu Manetualain-na, ala leo nai Sodom ndia.

1RAJA-RAJA 8:47

ela leo been-na, O mamanene hule-haladoin-nala. Metema nai nusak ndia ala tukatei-saledale leme sala-singo nala mai, ma ala hule-haladoi neu O no manaku lae sila-lasala-lasingo so, ma tao tatao-nono'i mangalauk soona, mamanene sila hule-haladoin-nala, ou Manetualain.

2TAWARIKH 28:9

Manetualain nabin esa na'de Oded, ana leo nai kota Samaria. Nai lelek solda'du Israel-la fali no leni hataholi nanafook neme Yehuda mai boema, Oded neu natongon-nos nai lelek ala sanga masok lala kota dale. Nafa'da nae, “Emi sengi hataholi Yehuda-la so, nanahu emi bei-ba'i kaim-mala Manetualain namanasas. Tehu Manetualain namanene tao leo beek emi taomisa solda'du Yehuda sila-la no dale susue-lalai taak.

EZRA 9:13

Ami masala-masingo basa, ma ami la'olena O hoholo-lalanem, de O huku basa ami so. Tehu ami bubuluk, ou ami Amam Manetualain, O fe huhukuk-ka, belan-na ta nandaa no hata fo ami sipok-ka fa, nakalenak O bei malak soi-tefa-mala ami.

EZRA 9:15

Amak, fo Israel Manetualain-na. O ndoos ma matetuk, tehu, leomae leondiak boe, O po'ilotak ami maso'da. Ami manaku ami salam-ma neu O; ami ta manuu hak, soaneu mai leo O matam-ma mai fa.”

NEHEMIA 1:6

Mete au, ou Manetualain, ma mamanene au hule-haladoi lele'do le'odaen soaneu hataholi Israel, fo O atam sila-la. Au manaku ae ami, fo hataholi Israel-la, masala-masingo so; au ma au bei-ba'i kaing-ngala masala-masingo so boe.

AYUB 42:6

Hu ndia de, au afandele basa au hala-kokolang lalaena soona, au mae, ma no nasasale dalek, au angatuuk nai dae sopuk ma afu dale.”

MAZMUR 38:4

Au amahe'di belak, nanahu O nasa-melum; ta hapu so'da-la'dak nai au aopaang-na fa, nanahu au sala-singong.

MAZMUR 38:5

Au bolo nai faa, sala-singok-ka dalek au lelepa sala-singong-nga, belan-na seli ba'eneu au.

KELUARAN 32:31

Boema Musa neu nasasalematak seluk no Manetualain de nafa'da nae, “Leoina ndia tao basa sala-singok matuaina so. Ala tao lamatua fe'ek neme lilopilas-sa mai.

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

YESAYA 59:12

Tete'ek-ka, ami tatao-nono'i mangalaum makadotok, soaneu O so; ami sala-singom, fe salak neu ami. Te'e-te'e, ami mame'da, ami tatao-nono'i mangalaum-ma, ma ami bubuluk, ami sala-singom.

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 31:19

Ami masadea O, tehu ami masasale-dale tatao-nono'ik ndia. Nai lelek O huku-doki ami-a, ami matete'a langa nanahu dale he'dik-ka. Ami mae de ami da'di nananakamumulu-nakamamaek, nanahu ami masala-masingo basa nai lelek ami bei muli solu.’

YEREMIA 51:9

Hataholi manamai fo malaeo nai na-la esa kokolak neu esa, ‘Neukose ita tulu-fali Babel, tehu ta bisa fa! Matetuk Malole lenak ita la'o ela nusak ndia fo fali leo ita nusa-na neu, Manetualain fe huhukuk matuaina neu Babel ma ana tao nakalulutuk la'iesak.’ ”

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

RATAPAN 3:42

“Ou Manetualain, ami masala-masingo ma lena-la'ban O so, de O ta fe do'o do ampon fa.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

IMAMAT 26:40

Tehu emi tititi-nonosim, neukose manaku sila sala-singon, ma sila bei-ba'i kain fo manalena-la'ban Au, ma lalena langa neu Au paletang-nga, sala-singon-nala,

LUKAS 15:21

Boema ni'iana ndia nafa'da aman nae, ‘Ama, au asala-asingo basa neu Manetualain ma neu Ama so. Au ta andaa da'di Ama anan so'on.’

LUKAS 18:13

Tehu manasusu bea ndia napadeik nai doo ka, ma nakalenak ta napalani nanganalo leo lalai neu fa. Ana lane lima na neu fana na ma nakatele langa na de nae, ‘Ou Manetualain, sue-lai au hataholi masala-masingok ia!’ ”

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

NINITAK 18:5

Nana sala-singon nadodou losa lalai, ma Manetualain nafandele neu tatao-nono'i mangalau nala.