EZRA 9:4 - Susula Malalaok Hehelu Palak Ma Hehelu Beuk

⁴ Au angatuuk ka'da leondiak ahele, losa li'u tunu-hotu tutunu-hohotu le'donosok-ka. Basa boema, hataholi-la mai okofefeo-la au. Ala bii lanseli, nanahu lafandele Israel Manetualain-na, Ana fe nasanene'da kahelek, neu hataholi manafali ma'is leme mamana tu'u-tapak ndia mai, sala-singon-nala.

EZRA 9:4 ပူးပေါင်းရင်းမြစ်များ

2TAWARIKH 34:27

o tukatei-saledale, ma o makaloe-makadae aoinam-ma nai Au matang. Au fe basa nasanene'dak mahelek soaneu huku Yerusalem no laun-nala, tehu nai lelek o mamanene la'eneu Au hala nasanene'da maheleng ndia boema, o kii ma o sii sii-lulu'i o bua-lo'a papakem-ma da'di leo ta'du-tana dale he'dik. Au amanene o huhule-haladoim so,

EZRA 10:3

Mai fo ata soo-supa neu Manetualain, tae neukose ita usiheni basa ina fe'ek sila-la, sama-sama loo anan-nala. Neukose ami tunga o nanoli-nafa'dam lala'en-na, ma hataholi fe'ek, fo ala fe ha'da-holomata neu Manetualain paletan-nala, Neukose ami tunga Manetualain Hoholo-lalanen.

EZRA 10:9

Basa faik telu, fo hataholi Yahudi-la, bula ka sion-na fain duahulu boema, basa touk manaleo nai nusa Yehuda, ma Benyamin-na, ala mai leo Yerusalem mai, de lakabubua lai Manetualain Uman so'dan-na. Nai lelek ndia, udaina mai. De basa hataholi-la dele bengge'be, nanahu makalenik-ka, ma boeo, nanahu nakabuak ndia sosoa-ndandaan ba'un-na seli.

MAZMUR 119:136

Au luuoeng-nga faa sama leo lee-a, nanahu ta hapu hataholi tunga O hoholo-lalanem fa.

KELUARAN 29:39

Esa soaneu tutunu-hohotu fafain-na, ma esak-ka soaneu tutunu-hohotu le'donoson-na.

KELUARAN 29:41

Bi'ilopo soaneu tutunu-hohotu le'donoson-na, tutunu-hohotun muse sama no tutunu-hohotu fafain-na, fo sama-sama no ha'desopuk, mina setun ma angol. Tutunu-hohotu nanatunuk ndia boon-na, nandaa no Au daleng-nga.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

DANIAL 10:2

Nai lelek ndia, au leo mesa-mesang-nga nai mamana nees esa, mamasok telu dalen-na.

DANIAL 9:21

Lelek au bei hule-haladoi te, Gabrial fo au ita basan nai au ninita makahulung-nga dalek ndia, ana laa nasale leo au mai. Ndia te, nandaa no hataholi-la fain fo tunu-hotu tutunu-hohotu le'donoson-na.

BILANGAN 25:6

Lelek Musa no basa hataholi Israel-la, bei lakaleleu nai Manetualain Lalaa Teman-na lelesun-na bafan-na, te lita hataholi Israel esa no ina Midian esa, de leu leo lalaa teman dale leu.

HATAHOLI 3:1

Faik esa boema, Petrus no Yohanis leu leo Amak Manetualain Uman la'e li'u telu le'donoso na, fo ala hule-haladoi.