EZRA 9:3 - Susula Malalaok Hehelu Palak Ma Hehelu Beuk

³ Au amanene dede'ak ndia boema, au asasale dale anseli, nalosa au sisii-lulu'i au bua papakeng-nga, ma au sisii-lulu'i au langadoong-nga, ma au nggolomeing-nga, boema au angatuuk no dale nakalulutuk.

EZRA 9:3 ပူးပေါင်းရင်းမြစ်များ

2 SEMUEL 1:11

Dauk namanene boema, ana siba'e bua papaken-na, nanahu dalen-na he'dis-sa, ma solda'dun-nala boeo ala tao leondiak.

2RAJA-RAJA 18:37

Boema Elyakim, Sebna, ma Yoah sii-sii-lulu'i bua papaken-nala, da'di neu ta'du-tana dale he'dik, boema leu lafa'da malanga solda'du manai lain ndia, hala-kokolan sneu manek-ka.

NEHEMIA 1:4

Au amanene halak ndia boema, au angatuuk de au kii. Tunga faik, au daleng-nga he'dis-sa. Au okaaong akandoo, boema hule-haladoi neu Manetualain ae,

NEHEMIA 13:25

Au fes nasanene'dak ma au soo-supas. Au fepa-li'u nggelok ma au sisii-lulu'i langadoon-nala. Basa boema, au adenus ala soo lenik Manetualain na'den-na lae sila ma sila anan-nala, neukose ta saoana sese'do-babalik so'on.

AYUB 1:20

Boema, Ayub fo'a napadeik, de ana sii-sii lulu'i bua papaken-na ma ana nggeu polik langan-na, da'di ta'du-tana dale-he'dik. Basa boema ana senek,

MAZMUR 119:53

Au amanasa hataholi mangalauk-ka nanseli, nanahu ala la'o ela O hoholo-lalanem.

MAZMUR 143:4

Mopo au manggateng-nga so, de au daleng-nga, napangamak nanseli.

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YEREMIA 36:24

Leomae Elnatan, Delaya, ma Gemarya dokodoe no namahenak nanseli, fo ela manek-ka boso hotuheni susulak nanalunuk ndia, tehu ana ta nau namanene fas. Leomae manek-ka do basa mauli-malangan fo manamamanene susulak ndia isin-na boeo, ala ta bii do lasasale dale fa.

YEREMIA 7:29

Manetualain nafa'da nae, “Wahai, laun Yerusalem-mala lemin, susa leona! Nggute-ma, emi langadoom-ma, fo tu'u henin leona! Makamee nakamee kii-makaleleuk nai letelepak-kala poin-na, nana Au, fo Manetualain, amanasa de Au tipa basa emi basa-basam-mala so.

YESKIAL 3:15

Boema, au losa hataholi nanatu'u-tapak-kala mamana leleo-na, nai Tel-Abib, fo nai Lee Kebar-ra, su'un-na; au angatuuk de au dodoo basa hata lala'en fo, besak-ka au amanenen ma au itan ndia.

YESKIAL 7:18

Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

DANIAL 4:19

Danial fo loken lae Beltsazar boe, namanene dede'ak ndia boema, ana nggenge ma ana dodoo doak-kana. Boema au fo Mane Nebukadnezar-ra, afa'dan ae, “Beltsazar, o dalem-ma boso susa nanahu me'is ndia sosoa-ndandaan.” Boema Beltsazar nataa nae, “Ama Manek, malolen-na seli, metema leouni'ka me'is ndia neuk manada'dik-kala, tuni la'e Ama Manek musun-nala, te ta la'e Ama Manek fa.

DANIAL 8:27

Basa boema, au ame'da au aong-nga male, boema au amahe'di faik de'ubee dalen-na. Basa ndia boema, au fo'a de au tao-no'i seluk au bela-ba'ung soaneu manek-ka. Tehu au hela-hae no dudu'a-dodoo ninitak sila-la, tehu au ta alak sosoa-ndandaan fa.

IMAMAT 21:5

Imam esa, ta bole nggute polik langan-na boboan seli fa, ma ta bole nggute nggolomein-na, do ta bole tao nahina aon-na nenik hata matane, fo nafa'da nae ndia bei falu.

MIKHA 1:16

Hai hataholi Yehuda-la lemin, nggute heni emi langadoom-ma, fo da'dileo ta'du-tana manafaluk, ba'eneu emi anam fo emi sue-laik-kala. Nggeu heni emi langadoom-ma losa dilak, sama leo manupui mana'a popolak-ka, nana neukose emi anam-mala, nanafook leo mamana tu'u-tapak neu.

YOSUA 7:6

Yosua ma basa hataholi Israel-la, mauli-malangan-nala, dalen-nala he'dis nanseli, nalosa ala sisii-lulu'i bua-lo'an, de lele'dok esa dalen-na, losa le'odae, ala sene-do'ok nai Manetualain Peti Hehelu-balataan matan-na, ma ala tao afu neu langan-nala lain, fo da'di leo ta'du-tana dale he'dik.