EZRA 9:13 - Susula Malalaok Hehelu Palak Ma Hehelu Beuk

¹³ Ami masala-masingo basa, ma ami la'olena O hoholo-lalanem, de O huku basa ami so. Tehu ami bubuluk, ou ami Amam Manetualain, O fe huhukuk-ka, belan-na ta nandaa no hata fo ami sipok-ka fa, nakalenak O bei malak soi-tefa-mala ami.

EZRA 9:13 ပူးပေါင်းရင်းမြစ်များ

NEHEMIA 13:18

Hu kande, no sala-singok leo ia-ka, de Manetualain huku basa ita bei-ba'i kain-nala, ma Ana tao nakalulutuk kota ia. Ade besak ia, emi nau popo-tama seluk Manetualain nasa-melun neu Israel, nenik emi tao manggenggeo fai Sabat-ta do?”

NEHEMIA 9:32

Ou Manetualain, ami Manetualaim fo balakaik! Manetualain fo matua ma anseli! O ho'u mahele hehelu-balataak lala'en-na no lilinekak; O tao matetu ma O makalala'ok O hehelu-balataam. Neme tepo-lelek, basa mane Asyur-rala tuni-ndeni ami losa besak ia, ami la'ola'di doidosok makadotok. Ami mane-manem-mala, imam-mala, nabi-la ma basa lasi-lasik-kala, boeo bei-ba'i kai-la, ma laun-na, basa-basas doi-doso so Boso mafandele heni doidosok sila-lala'en-na! Boso tao mamopon neme O dale nasanene'dam-ma mai!

AYUB 11:6

Fo sa'di leo been-na, nafa'da o, nae manatee-tenok ndia, enon ba'uk-ka, de hataholi daebafak-ka, ta nalelak-kana fa. Soona besak-ka o mame'da, mae o doidosom ndia, ta ba'u bee esa boen, metema, nakasasamak-kana no huhukuk fo, nandaa o sipon-nana.

MAZMUR 103:10

Ana ta huku ita, nandaa no ita sala-singon fa, do Ana balas ita, nandaa no ita salan-na fa.

RATAPAN 3:22

Manetualain susue-lalain manaketu basa tak, neme doon losa dodo-na, beita la'iesa fo basa baba'e-babatin fa,

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

GALATIA 3:4

Basa hata fo emi la'oladik sila la, manda'di tak do? Masa bole, manda'di tak!