EZRA 9:11 - Susula Malalaok Hehelu Palak Ma Hehelu Beuk

¹¹ fo O fen neu ami, tunga basa nabi-la, fo O atam-mala. Lafa'da ami, lae dae fo ami sanga leon ndia, ta balisi fa, nanahu basa laun lala'en-na, neme pe'dak leo pe'dak neu, ala tao manggenggeok so.

EZRA 9:11 ပူးပေါင်းရင်းမြစ်များ

2RAJA-RAJA 21:16

Fe'ek neme ana taon-na, hataholi Yehuda-la lasala-lasingo neu Manetualain, nenik ala sene-do'ok neu sosongo-tatangok-ka, Manasye boeo, ana taonisa hataholi sala tak makadotok nanseli, nalosa nai Yerusalem, daak-ka faa su'di leo bee neu.

2TAWARIKH 33:2

Ana nasala-nasingo neu Manetualain, nanahu ana tunga ha'da-tatao mangalauk neme leoina fo Manetualain usihenis leme Kanaan mai, nai lelek Israel masok nusak ndia.

EZRA 6:21

Basa hataholi Israel fo manafali ma'is leme mamana tu'u-tapak mai-a, la'a tutunu-hohotuk sila-la, ma nusak ndia laun fo, manatukatei-saledale basak-kala, ala mai, fo ala sene-do'ok neu Amak, fo Israel Manetualain-na.

EZRA 9:1

Tao basa hata sila-la lala'en-na boema, leoina lasi Israel de'ubee, ala mai leo au mai. Lafa'da lae laun Israel-la, fo basa imam-mala lai dalek boe, ma hataholi Lewi-la, ala leo lakabubua loo leoina manaleo lai titia-tatain sila la, fo nde leoina Amon, Moab, Masir, Kanaan, Het, Feris, Yebus, ma Amori. Nakalenak, basa imam-mala, ma hataholi Lewi-la, ala tao leondiak boe. Sila basa-basas tao tatao-nono'i manggengeok, fo leoina sila-la tao-no'ik-ka.

EZRA 9:10

Tehu besak ia, ou Manetualain, basa manada'dik ia soona, ami bisa mafa'da mae le'e? Ami ta tao tunga O paletam

YEREMIA 26:5

Emi boeo muse mamanene hata fo nananafa'dak neme Au atang-ngala, basa nabi-la fo Au adenu tatas esa os neu emi. Tehu emi ta nau mamanene fas.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

ULANGAN 12:31

Emi boso nana dulak neme leoina sila-la, sene-do'on neu sila lamatua daebafak fe'en-nala, fo emi paken soaneu sene-do'ok neu emi Manetualaim-ma, nana sila sene-do'ok nenik tatao-nono'i manggengeok fo, Manetualain nape'da dale nasak tatao-nono'ik ndia fa. Lena-lenak, ala tunu sila ana bongin-nala, nai sila mei tunu-hotun lain, da'di neu tutunu-hohotuk soaneu sila lamatua daebafak-nala.

ULANGAN 18:12

Emi Manetualaim-ma, ta hii hataholi manatao tatao-nono'i mangalauk leondiak-ka fa, hu ndia de, Ana usiheni nggilleo-bobongik sila-la, leme emi matam-ma mai