EZRA 9:1 - Susula Malalaok Hehelu Palak Ma Hehelu Beuk

¹ Tao basa hata sila-la lala'en-na boema, leoina lasi Israel de'ubee, ala mai leo au mai. Lafa'da lae laun Israel-la, fo basa imam-mala lai dalek boe, ma hataholi Lewi-la, ala leo lakabubua loo leoina manaleo lai titia-tatain sila la, fo nde leoina Amon, Moab, Masir, Kanaan, Het, Feris, Yebus, ma Amori. Nakalenak, basa imam-mala, ma hataholi Lewi-la, ala tao leondiak boe. Sila basa-basas tao tatao-nono'i manggengeok, fo leoina sila-la tao-no'ik-ka.

EZRA 9:1 ပူးပေါင်းရင်းမြစ်များ

KEJADIAN 15:16

Basa tititi-nonosik 4 soona, besak-ka o upu-anam fali ma'is leo ia mai, nanahu Au ta usi heni hataholi Amori-la fa, nana tatao-nono'i mangalaun-nala beita dai, soaneu ala hapu huhukuk fa.”

1RAJA-RAJA 11:1

Mane Salomo-a nahiik no anafe'ok anak nusa dea makadotok. Fe'ek neme mane Masir-ra anafe'on-na, Salomo kabing no ina Het, Moab, Amon, Edom-ma Sidon nala boe.

2TAWARIKH 33:2

Ana nasala-nasingo neu Manetualain, nanahu ana tunga ha'da-tatao mangalauk neme leoina fo Manetualain usihenis leme Kanaan mai, nai lelek Israel masok nusak ndia.

2TAWARIKH 8:7

Basa leoina Kanaan-na tititi-nonosin fo hataholi Israel-la ta hapu taolisa fas nai lelek langatuu-la nusak ndia, Salomo fo'a la'iesak-kasa soaneu da'di kuli. Hataholi sila nde hataholi Het, Amori, Feris, Hewi ma Yebus-ala. Losa besak ia, hataholi sila-la tititi-nonosin-nala bei da'di ata.

EZRA 10:2

Basa boema, Sekhanya, fo Yehiel anan-na neme teidale-bobongi Elam-ma mai, nafa'da Ezra nae, “Ami masala-masingo neu Manetualain nanahu ami saoana hataholi neme leoina nusa dea mai. Leomae leondiak boe, bei hapu namahehenak ba'eneu Israel.

EZRA 10:8

Ba'eneu see, fo nai faik telu dalen-na, ana ta mai fa soona, neukose ala sita-la basa hata-heton lala'en-na, ma ala ta sipok-kana da'di laun so'on. Mauli-malanga laun-nala, limalee paleta ndia.

NEHEMIA 13:23

Nai tepo-lelek ndia, au ita hataholi Yahudi ba'uk-ka, ala sao inak-kala leme leoina Asdod, Amon ma Moab mai boe.

NEHEMIA 4:3

Boema Tobia fo napadeik nai boboan-na, boeo nafa'da nae, “Mitak lafofo'a-la papala nanadamak-ka dei! Busa fui-a boeo, bisa tao natu'un!”

NEHEMIA 4:7

Lelek Sanbalat, Tobia ma hataholi maleme Amon ma Asdod mai, boema hataholi Arab-pala lamanene lae Yerusalem papala nanadaman fo nanatao nahiik ndia, boetai la'ok nakandoo ma lamanene lae ala mulai dama ketu papala nanadamak-ka bolon-nala, boema lamanasa lanseli.

MAZMUR 106:35

Nakalenak, ala leo-lapalasa loo leoina sila-la ma ala na'da hataholi fo, ta lalelak Manetualain ndia, so'dan-nala eno-dalan.

KELUARAN 13:5

No soo-supak, Manetualain helu emi bei-ba'i kaim-mala, fo Ana fe emi leoina Kanaan, Het, Amori, Hewi ma Yebus nusan-na. Manetualain no basa emi leo nusak fo kamasu'i-makabetek, ma maoe-maisik ndia neu so, de tunga teuk, nai hataholi Yahudi-la bula Abib-pa dalek, emi muse tao feta ia.

KELUARAN 23:23

Neukose Au ata nusa so'dang-nga, ana la'ok nai emi uluk, fo noo emi leo leoina Amori, Het, Feris, Kanaan, Hewi ma Yebus nusan-na neu, fo neukose Au tao amopo-amate leoina sila-la.

KELUARAN 33:16

Tao leo beek fo neukose hataholi ia-la bubuluk lae au ma leoina ia mandaa moo O dalem-ma, metema O ta tulu-fali ami fa. Manetualain mamain-na nai ami tala'daheom, neukose ana tao na ami fe'ek neme leoina fe'ek manai daebafak-ka.”

YESAYA 52:11

Muu leona! La'oela kota Babel-la, hai emi fo, manaho'i meni Manetualain uman-na, lou-lan! Boso koila'e buas fo, manggenggeok: emi beita la'o fa te, tao malalao-malalafu emi aoinam-ma.

YEREMIA 26:10

Lelek malanga manapaleta Yehuda-la lamanene hata fo manada'dik ndia, boema sila kalua lai-lai neme uma manek-kamai, boema leu lo Manetualain Uman-na neu, de langatuk neu Lelesuina Beuk-ka.

YEREMIA 26:16

Boema basa malanga manapaletak-kala ma laun-nala lafa'da neu imam-mala ma nabi sila-la lae, “Hataholi ia kokolak pake ita Aman Manetualain na'den-na; de ta nanda huku nisa fan.”

IMAMAT 18:3

Emi boso na'da dulak, sama leo hata fo hataholi manai dae Masir-ra tao-no'in. Masir fo makahulun-na emi leo hai meme naa so, do hataholi manai Kanaan-nala, fo besak ia Au sanga o emi leo naa meu.

MALEAKHI 2:11

Hataholi Yehuda-la la'olena Manetualain hehelu-balataan no sila so, ma ala tao-no'i dede'a-dede'ak fo neni mamaek nai Yerusalem, ma nai basa nusak-ka lala'en-na. Ala tao langgenggeo Manetualain Uman fo Ana sue-lain ndia so, ma ala ka'bing loo ina-inak fo, ala sene-do'ok neu leoina fe'ek-kala, lamatua daebafan-nala.

BILANGAN 23:9

Au itas, leme letek-kala poin-na mai; Mitak, leoina esa mesak-kana, ana ta nau leken leo leoina fe'ek dalek neu fa.

BILANGAN 25:6

Lelek Musa no basa hataholi Israel-la, bei lakaleleu nai Manetualain Lalaa Teman-na lelesun-na bafan-na, te lita hataholi Israel esa no ina Midian esa, de leu leo lalaa teman dale leu.

ULANGAN 18:9

“Metema, emi masok mala emi Manetualaim-ma, Ana fe emi nusak-ka dalek soona, boso nanadulak neme leoina manai sila-la, tatao-nono'i mangalaun-nala mai.

ULANGAN 23:8

Neme bobongi ka telu-a, losa bobongik manamaik-kala, ala bole da'di Manetualain anan-nala so'on.”

ULANGAN 7:1

“Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.

YOSUA 23:12

Metema, emi ta lilineka, ma emi sese'do-babalik moo leoina fo ala bei leo lai emi tala'da, boema emi taos da'di emi saom soona,