EZRA 8:33 - Susula Malalaok Hehelu Palak Ma Hehelu Beuk

³³ Basa boema, nai faik ka haan-na, ami meu leo Manetualain Uman meu, de ami tai lilofulak, lilopilas ma bua-lo'as sila-la. Basa ndia boema, ami fes leo Imam Meremot, fo Uria anan-na neu, de manasakasiik-kala nde Eleazar, fo Pinehas anan-na, ma hataholi Lewi dua, fo nde Yozabad, fo Yesua anan-na, ma Noaja, fo Binui anan-na.

EZRA 8:33 ပူးပေါင်းရင်းမြစ်များ

EZRA 10:23

Hataholi Lewi-la: Yozabad, Simei, Kelaya (boeo loken lae Kelita), Petahya, Yuda ma Eliezer.

EZRA 2:40

Lewi teidale-bobongin fo manafali ma'is leme mamana tu'u-tapak mai-a nde ia: Yesua ma Kadmiel (fo Hodawya tititi-nonosin) – 74 Manamakameek manai Manetualain Uman (fo Asaf tititi-nonosin) – 128 Manamanea lelesuina manai Manetualain Uman-na (fo Salum, Ater, Talmon, Akub, Hatita, ma Sobai tititi-nonosin) – 139

EZRA 8:25

Basa boema au tai fes lilofulak, lilopilas ma bua-lo'as, fo tutulu-fafalik neme manek-ka no basa manamanolin-mafa'dan-nala, boema hataholi matua-madema-la ma basa hataholi Israel-la mai, fo ala paken nai Manetualain Uman dale. Au fe basa buas sila-la leo basa imam sila-la neu.

EZRA 8:26

Tutulu-fafalik sila-la, susulan-na nde ia: Lilofulak – ton 22. Bua-lo'a lilofulak 100 – belan-na kilo 70. Lilopilas – kilo 3.400. Mango lilopilas 20 – belan-na, kilo 8 ons 4. Mango liti mana'ahiik 2 – belin-na sama leo mango lilopilas-sa boe.

EZRA 8:29

Manea matalolole bua-lo'as sila-la, losa emi basa-basam-mala losa Manetualain Uman. Metema emi losa naa soona, emi basa-basam-mala muse tai bua-lo'as sila-la, fo fen leo imam mala malangan-na ma hataholi Lewi-la mauli-malangan-nala, boema hataholi Israel-la mauli-malangan manai Yerusalem-ma.”

EZRA 8:30

Boema, basa imam-mala, ma hataholi Lewi sila-la sipo-la lilofulak, lilopilas ma bua-lo'as sila-la, de lenis leo Manetualain Uman manai Yerusalem-ma neu.

EZRA 8:34

Basa bua-lo'as sila-la nanalekek ma nanataik, boema nanasulak no matetuk.

NEHEMIA 10:9

Hataholi Lewi-la Yesua fo Azanya anan-na, Binui fo leo-ingu Henadad-ta tititi-nonosin, Kadmiel, Sebanya, Hodia, Kelita, Pelaya, Hanan, Mikha, Rehob, Hasabya, Zakur, Serebya, Sebanya, Hodia, Bani ma Beninu.

NEHEMIA 8:7

Basa ndia boema, ala fo'a lapadeik de esa-esak neu mamanan-na, lelek hataholi Lewi de'ubee lafa'da mangalele'do fes, hoholo-lalanek ndia. Hataholi Lewi sila-la nde: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan ma Pelaya.