EZRA 8:1 - Susula Malalaok Hehelu Palak Ma Hehelu Beuk

¹ Basa maneleo fo nanafook leo Babel neu, ma manafali fali sama-sama loo au, ma Ezra leo Yerusalem mai, nai lelek Artahsasta paleta da'di leo manek-ka, susulan na'den-nala nde ia:

EZRA 8:1 ပူးပေါင်းရင်းမြစ်များ

1 TAWARIKH 24:31

Soaneu sila-langganggatiaok bela-ba'un na, de malanga uma loo la esa-esak, sama-sama no fa'di toun esa hela lot sama leo hata fo sila tolano ka'a-fa'din nala taok-ka, fo nde basa imam fo Harun tititi-nonosin nala. Manek Dauk ka sama-sama no Zadok, Ahimelekh boema malanga uma loo la leme imam mala buaon na mai ma leme hataholi Lewi la buaon na mai, sakasii matan hehela lot ndia.

1 TAWARIKH 26:32

Basa ito-ato agama lala'en-na ma ito-ato paleta nai Israel fo Lee Yarden-na boboan dulu – fo nde leo Ruben, Gad ma leo Manasye seli, nusan-na – ala fen neu Yeria malanga uma loon lifun duan-natunhitu, fo Manek Dauk-ka helek sila-la basa-basas hataholi nananita-nalelak mesa-mesan.

1 TAWARIKH 4:33

ma nggolo-nggolok manai mamanak sila-la titia-tatain losa leo kota Baal-la, nai boboak muli konak. Susula nanasulak fo hapun nai Simeon tititi-nonosin, la'eneu Tutui bei-ba'in ma sila mamana leleon-na, leondiak.

1 TAWARIKH 9:1

Basa hataholi Israel-la lala'en-na nanasulak tunga esa-esak teidalen. Susulak ndia nanasulak nai Mane-manek Israel-la susulan dale. Da'di leo huhukuk neu sila sala-singon-nala, de laun Yehuda-la nanafook leo mamana ookak-ka neu.

1 TAWARIKH 9:34

Hataholi nanaseseik sila-la nde been-na Lewi malanga uma loon-nala, tunga sila tititi-nonosin tutuin-na. Sila nde been-na, mauli-malangan fo ala leo nai Yerusalem.

2TAWARIKH 26:12

Solda'du sila-la lala'en-na lifun natun telu ma hitu natun lima, fo malanga solda'du matuaina lifun dua natun nee lauli-lalangas. Solda'du sila-la basa-basas ao kahelek ma palani tatibatu mesa-mesan. Latee-latati fali manek-ka fo ala sengi musu-a.

EZRA 1:5

Basa boema, basa mane leo-la, leme leo Benyamin-na, basa imam-mala, ma hataholi Lewi-la, ma ba'eneu hataholi, fo Manetualain nakababale dalen-na soona, maheheleaom leona, fo fali leo Yerusalem meu, fo nafofo'a falik Manetualain Uman-na.

EZRA 2:2

Sila mauli-malangan-nala nde Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum ma Baana. Teidale-bobongi Israel-la susulan-na nde ia, no leo-la esa-esak hataholin, fo manafali ma'is leme mamana tu'u-tapak mai, dede'un-na nde ia:

EZRA 2:3

Teidale-bobongik Paros-sa hataholin – 2.172 Sefaca – 372 Arah – 775 Pahat-Moab (fo Yesua ma Yoab tititi-nonosin) – 2.812 Elam – 1.254 Zatu – 945 Zakai – 760 Bani – 642 Bebai – 623 Azgad – 1.222 Adonikam – 666 Bigwai – 2.056 Adin – 454 Ater (fo loken lae Hizkia boe) – 98 Bezai – 323 Yora – 112 Hasum – 223 Gibar – 95

EZRA 7:13

Au fe paleta, ae basa Imam, hataholi Lewi, ma hataholi Israel fe'ek manai au nusang dale lala'en-na, fo nahiik neu leo Yerusalem neu, au po'is la'o loo Tolanook-ka.

EZRA 7:28

No Manetualain tutulu-fafalin, de manek-ka, manamanoli-mafa'dan-nala, manapaleta fo manakoasa sila-la, dalen-nala lahiik au; Au Amang Manetualain fe au manggate so, nalosa au hapu leleko ala mane leo Israel ba'u-ba'uana, de ala fali leo Yerusalem leu.”

EZRA 7:6

Ezra hataholi malelaina esa, de ana bubuluk ba'uk-ka, la'eneu Hoholo-lalanek, fo Israel Manetualain-na, fen neu Musa. Hu kande Ezra Manetualain-na ba'e-palan, de Ana fen basa hata fo ana noken. Mane Artahsasta paleta neu teu ka hitun-na, boema Ezra neme Babel leo Yerusalem neu, sama-sama no hataholi Israel bubuak esa, fo nde imam de'ubee, hataholi Lewi-la, manamakameek-kala, boema manamanea nai Manetualain Uman-na, lelesuinan-na, ma basa manatao bela-ba'uk-kala.

EZRA 8:2

Gersom, neme teidale-bobongi Pinehas-sa mai. Hatus, fo Sekhanya anan-na, neme teidale-bobongi Dauk-ka mai. Zakharia, neme teidale-bobongi Paros-sa mai, sama-sama no touk natun esa limahulu, leme teidale-bobongin-na mai (hapu susulak, ana tui sila bei-ba'in-nala momoli-dada'din) Elyoenai, fo Zerahya anan-na, neme teidale-bobongi Pahat-Moab-pa, sama-sama no touk natun dua. Sekhanya, fo Yahaziel anan-na, neme teidale bobongi Zatu-na mai, sama-sama no touk natun telu. Ebed, fo Yonatan anan-na, neme teidale bobongi Adin-na mai, sama-sama no touk limahulu. Yesaya, fo Atalya anan-na, neme teidale bobongi Elam-ma mai, sama-sama no touk hituhulu. Zebaja, fo Mikhael anan-na, neme teidale bobongi Sefaca mai, sama-sama no touk faluhulu. Obaja, fo Yehiel anan-na, neme teidale bobongi Yoab-pa mai, sama-sama no touk natun dua sanahulu falu. Selomit, fo Yosifya anan-na, neme teidale bobongi Bani-a mai, sama-sama no touk natun esa neehulu. Zakharia, fo Bebai anan-na, neme teidale bobongi Bebai-a mai, sama-sama no touk duahulu falu. Yohanan, fo Hakatan anan-na, neme teidale bobongi Azgad-ta mai, sama-sama no touk natun esa sanahulu. Elifelet, Yehiel, ma Semaya, leme teidale bobongi Adonikam-ma mai, sama-sama loo touk neehulu (ala mai lakabuik) Utai ma Zabud, leme teidale bobongi Bigwai-a mai, sama-sama loo touk hituhulu.